બનાસકાંઠાઃ નડાબેટ નજીક બીએસએફ જવાને અગમ્ય કારણોસર કરી આત્મહત્યા

બનાસકાંઠાના નડાબેટ નજીક બીએસએફ જવાને અગમ્ય કારણોસર આત્મહત્યા કરી લીધી છે. બીએસએફ જવાને પોતાની સર્વિસ રાઈફલથી પોતાની જાતને ગોળી મારી આત્મહત્યા કરી છે.

પ્રતિકાત્મક તસવીર

બનાસકાંઠાના નડાબેટ નજીક બીએસએફ જવાને અગમ્ય કારણોસર આત્મહત્યા કરી લીધી છે. બીએસએફ જવાને પોતાની સર્વિસ રાઈફલથી પોતાની જાતને ગોળી મારી આત્મહત્યા કરી છે. મૃતક જવાન નડાબેટથી ઝીરો પોઈંટ તરફની ચેકપોસ્ટ પર ફરજ બજાવતો હતા. બીએસએફ જવાનની આત્મહત્યાને પગલે બીએસએફના ઉચ્ચ અધિકારીઓ ઘટનાસ્થળે પહોંચ્યા છે. હાલ તો મૃતક બીએસએફના જવાનના મૃતદેહને પોસ્ટમોર્ટમ માટે અમદાવાદ લઈ જવાયો છે

વડોદરામાંટ્રકે બાઇકને ટક્કર મારતાં બે યુવકોના ઘટનાસ્થળે જ મોત

ફાજલપુર ગામ પાસે ગમખ્વાર અકસ્માત સર્જાયો હતો. બાઇક અને ટ્રક વચ્ચે અકસ્માતમાં બે વ્યકિતના મોત નીપજ્યા છે. રગડી ગામનાં બે વ્યક્તિનું ઘટના સ્થળે જ મોત નિપજ્યું છે. અકસ્માતના પગલે ગામના લોકોના ટોળાં ભેગા થઈ ગયા હતા. નંદેસરી પોલીસે અકસ્માતે મોતનો ગુનો નોંધી વધુ કાર્યવાહી હાથ ધરી છે. 

બાઇક નંબર જીજે 6, જેબી 0035 નંબરની બાઇક અને તમિલનાડુ પાસિંગની ટ્રક વચ્ચે અકસ્માત સર્જાયો હતો. જેમાં બે લોકોના મોત થતાં લોકોનો રોષ ફાટી નીકળ્યો હતો. લોકોના ટોળેટોળા ઉમટી પડતાં રોડ પર ટ્રાફિક સર્જાયો હતો. 

Patan : દીકરીના લગ્ન માટે ટુવડ જતાં પરિવારને નડ્યો અકસ્માત, લગ્ન પહેલા જ યુવતીના મોતથી અરેરાટી

પાટણઃ  સમી પાસે કાર અને ખાનગી બસ વચ્ચે અકસ્માત યુવતી અને યુવકનું મોત નીપજ્યું છે. જ્યારે પરિવારના અન્ય  ત્રણ સભ્યો થયા ઘાયલ થયા છે. આ પરિવાર ગાંધીધામથી સમીના ટુવડ ગામે પોતાના વતન જતા અકસ્માત નડ્યો હતો. રાધનપુર સમી હાઈ વે પર બાસપા ગામ પાસે આ અકસ્માત સર્જાયો હતો. શંખેશ્વર તાલુકાના ટુવડ ગામના કાંતીભાઈ ગંગારામ સોલંકીના પરિવારને અકસ્માત નડ્યો છે.આ અંગેની વિગતો એવી છે કે, જાન લઈ જતી ખાનગી બસ અને ગાંધીધામથી પોતાની દીકરીના લગ્ન માટે વતન ટુવડ જતા પરિવારની કાર વચ્ચે અકસ્માત સર્જાયો હતો. સમીના વરાણા ગામ પાસે કાર લક્ઝરી સાથે અથડાતા લગ્ન માટે આવતી યુવતી હેતલબેન સોલંકી અને તેનો ભાઇ નિકુંજનું મોત થયું છે. હેતલબેન સોલંકીના આગામી તારીખ ૧૦/૨/૨૨ ના રોજ લગ્ન હતાં અને લગ્ન માટે તે પોતાના વતન જતા હતા. આ પરિવાર નોકરી અર્થે ગાધીધામ રહે છે.