(Source: ECI/ABP News/ABP Majha)
Vav By Election: વાવ બેઠક પર ખરાખરીનો જંગ, હવે સ્વરુપજી ઠાકોર આગળ
ભાજપના ઉમેદવાર સ્વરુપજી ઠાકોર 22માં રાઉન્ડની મતગણતરીમાં આગળ નિકળી ગયા છે. ગણતરીની મિનિટોમાં વાવ પેટાચૂંટણીનું પરિણામ સામે આવશે.
Vav By Election: વાવ બેઠકની પેટાચૂંટણીના શરુઆતના પરિણામો સામે આવી રહ્યા છે. કૉંગ્રેસના ઉમેદવાર ગુલાબસિંહ સવારથી જ આગળ ચાલી રહ્યા હતા પરંતુ હવે આ બેઠક પર ખરાખરીનો જંગ જામ્યો છે. ભાજપના ઉમેદવાર સ્વરુપજી ઠાકોર 22માં રાઉન્ડની મતગણતરીમાં આગળ નિકળી ગયા છે. ગણતરીની મિનિટોમાં વાવ પેટાચૂંટણીનું પરિણામ સામે આવશે. વાવ બેઠક પર કાંટે કી ટક્કર જોવા મળી રહી છે.
ભાજપના ઉમેદવાર સ્વરુપજી ઠાકોર 800 મતથી આગળ છે. ગુલાબસિંહ રાજપૂત, સ્વરૂપજી ઠાકોર અને અપક્ષ ઉમદેવાર માવજી પટેલ આ બેઠક પર ચૂંટણી મેદાનમાં છે. ભાજપના નેતાઓનું માનવું છે કે, ભાભરની ગણતરી બાદ ભારતીય જનતા પાર્ટી આગળ નિકળશે.
વાવ વિધાનસભાની પેટાચૂંટણીની મતગણતરી પાલનપુરના જગાણામાં આવેલ સરકારી એન્જિનિયરિંગ કોલેજમાં કરવામાં આવી રહી છે. સૌથી પહેલા બેલેટ પેપરની મતગણતરી થઈ હતી. બેલેટ પેપરની મતગણતરી પૂર્ણ થયા બાદ 321 બુથના ઈવીએમની 23 રાઉન્ડની મતગણતરી હાથ ધરવામાં આવી હતી. વાવ વિધાનસભાની પેટાચૂંટણી માટે કુલ 70.55 ટકા મતદાન થયું હતું.
ટ્રેન્ડિંગ સમાચાર
ટોપ સ્ટોરી
