Kadi Bypoll Result 2025: કડીમાં ભાજપ વન-વે, રાજેંદ્ર ચાવડાએ મેળવી ઐતિહાસિક લીડ, જીત નિશ્ચિત
રાજેંદ્ર ચાવડા 37693 મતથી આગળ ચાલી રહ્યા છે. કૉંગ્રેસના રમેશ ચાવડા પાછળ છે, જ્યારે આમ આદમી પાર્ટીના ઉમેદવાર જગદીશ ચાવડા પાછળ ચાલી રહ્યા છે.
kadi Bypoll 2025: કડી વિધાનસભા બેઠક પેટા ચૂંટણીની મત ગણતરી આજે સવારે મહેસાણાના મેવડ એન્જી. કોલેજ ખાતે શરૂ થઇ હતી. સવારે 8 વાગ્યે શરૂ થયેલી મતગણતરી અનુસાર ભાજપના ઉમેદવાર રાજેન્દ્ર ચાવડા હરીફ ઉમેદવારો કરતા આગળ ચાલી રહ્યા છે. રાજેંદ્ર ચાવડા 37693 મતથી આગળ ચાલી રહ્યા છે. કૉંગ્રેસના રમેશ ચાવડા પાછળ છે, જ્યારે આમ આદમી પાર્ટીના ઉમેદવાર જગદીશ ચાવડા પાછળ ચાલી રહ્યા છે. ભાજપના ઉમેદવાર રાજેન્દ્ર ચાવડાને 37 હાજરથી વધુની લીડ છે. કડી વિધાનસભા પેટા ચૂંટણીમાં ભારતીય જનતા પાર્ટીની જીત નક્કી છે.
વર્ષ 2022માં કડીની વિધાનસભા બેઠકની ચૂંટણી દરમિયાન ભાજપે ધારાસભ્ય કરસન સોલંકીને રિપીટ કર્યા હતા. તેઓ 2022માં ફરી ચૂંટાઈ આવ્યા હતા, પરંતુ ફેબ્રુઆરી મહિનામાં તેમનું અવસાન થતાં આ બેઠક ખાલી પડી હતી. 2017માં રાજ્યભરમાં ભાજપ માટે કપરાં ચઢાણ હતાં ત્યારે કરસન સોલંકી આ બેઠક પરથી ભાજપની ટિકિટ પર જીત્યા હતા. પુન:સીમાંકન બાદ આ બેઠક અનુસૂચિત જાતિ માટે અનામત જાહેર થઈ તે પહેલાં ગુજરાતના પૂર્વ નાયબ મુખ્ય મંત્રી નીતિન પટેલ આ બેઠક પરથી ભાજપનું પ્રતિનિધિત્વ કરી ચૂક્યા છે.
કોણ છે રાજેંદ્ર ચાવડા
ભાજપે કડીમાં રાજેંદ્ર ચાવડાને ટિકિટ આપી છે જેઓ મહેસાણાના જોટાણાના રહેવાસી છે. 66 વર્ષીય ચાવડા અર્થશાસ્ત્ર સાથે બીએની ડિગ્રી ધરાવે છે. રાજેન્દ્ર ચાવડા 1980થી ભાજપના સક્રિય સભ્ય છે અને વર્ષ 1985માં પહેલી વખત જોટાણા વિધાનસભા ચૂંટણી લડ્યા હતા, જેમાં તેમનો પરાજય થયો હતો.
વિસાવદરમાં ગોપાલ ઈટાલિયાની જીત નિશ્ચિત
વિસાવદર પેટા ચૂંટણીમાં આમ આદમી પાર્ટીના ગોપાલ ઈટાલિયાની જીત નક્કી છે. વિસાવદરમાં ઝાડુંનો જાદુ ચાલી ગયો છે. વિસાવદરમાં 19 રાઉન્ડના અંતે ગોપાલ ઈટાલિયા 14912 મતથી આગળ છે. ગોપાલ ઈટાલિયા વિસાવદરમાં પ્રચંડ જીત તરફ આગળ વધી રહ્યા છે.
વિસાવદર વિધાનસભા પેટાચૂંટણી
વિસાવદર વિધાનસભાની પેટાચૂંટણીનું પરિણામ આજે જાહેર થશે. જૂનાગઢની કૃષિ યુનિવર્સિટી ખાતે સવારે 8 વાગ્યાથી મતગણતરી હાથ ધરવામાં આવી છે. વિસાવદર વિધાનસભા બેઠકમાં કુલ 294 બૂથ આવેલા છે, જ્યાં 14 ટેબલ પર 21 રાઉન્ડમાં મતગણતરીની પ્રક્રિયા હાથ ધરાશે. આ બેઠક પર આપના ગોપાલ ઈટાલિયા અને ભાજપના કિરીટ પટેલ અને કોંગ્રેસના નીતીન રાણપરિયા વચ્ચે જંગ હતો. વિસાવદર બેઠક પર સરેરાશ 56.89 ટકા જેટલું મતદાન થયું હતું.
Before You Go
ચોરવાડમાં રિલાયન્સ પરિવારે યોજ્યો ભવ્ય કાર્યક્રમ, જિયોના 10 વર્ષની સફળતાની ભવ્ય ઉજવણી
ટોપ સ્ટોરી
ટ્રેન્ડિંગ સમાચાર
