દેડિયાપાડાના ધારાસભ્ય ચૈતર વસાવાનો જેલવાસ લંબાયો: હાઈકોર્ટમાં સુનાવણી મોકૂફ, જાણો શું છે સમગ્ર મામલો?
દેડિયાપાડાના ધારાસભ્ય ચૈતર વસાવાને તાત્કાલિક જામીન મળવાની આશા પર પાણી ફરી વળ્યું છે. ગુજરાત હાઈકોર્ટે તેમની જામીન અરજી પર સુનાવણી માટે વધુ એક તારીખ આપી છે, જેના કારણે તેમનો જેલવાસ લંબાયો છે.
Chaitar Vasava news: દેડિયાપાડાના આમ આદમી પાર્ટી (AAP) ના ધારાસભ્ય ચૈતર વસાવાની મુશ્કેલીઓ વધી રહી છે. તેમના પર ભાજપ શાસિત તાલુકા પંચાયતના પ્રમુખ સાથે મારામારીના આરોપ બાદ 5 જુલાઈથી તેમની ધરપકડ કરવામાં આવી હતી. ત્યારથી તે જેલમાં બંધ છે. હાલમાં, ગુજરાત હાઈકોર્ટમાં તેમની જામીન અરજી પર સુનાવણી હાથ ધરવામાં આવી રહી છે. જોકે, આજે, 5 ઑગસ્ટના રોજ પણ કોર્ટનો સમય પૂરો થઈ જવાથી આ અરજી પર ચુકાદો આવી શક્યો નથી. હવે આગામી સુનાવણી 13 ઑગસ્ટના રોજ થવાની છે, જેના કારણે તેમનો જેલવાસ વધુ લંબાશે.
AAP ધારાસભ્ય ચૈતર વસાવાએ તાલુકા પંચાયતના પ્રમુખ સંજય વસાવા સાથેના વિવાદ બાદ 5 જુલાઈથી જેલમાં છે. તેમની જામીન અરજી નીચલી અને સેશન્સ કોર્ટ દ્વારા ફગાવી દેવામાં આવતા તેમણે ગુજરાત હાઈકોર્ટનો સંપર્ક કર્યો હતો. આજે, 5 ઑગસ્ટના રોજ, હાઈકોર્ટમાં તેમની નિયમિત જામીન અરજી પર સુનાવણી થવાની હતી, પરંતુ કોર્ટનો સમય પૂરો થઈ જતાં મુદત પડી છે. હવે તેમની અરજી પર આગામી સુનાવણી 13 ઑગસ્ટના રોજ થશે, ત્યાં સુધી તેમનો જેલવાસ ચાલુ રહેશે.
આ ઘટનાની શરૂઆત 5 જુલાઈના રોજ દેડિયાપાડા ખાતે ATVT (આદિજાતિ વિકાસ કચેરી) ની સંકલન બેઠક દરમિયાન થઈ હતી. આ બેઠકમાં ચૈતર વસાવા અને ભાજપ શાસિત તાલુકા પંચાયતના પ્રમુખ સંજય વસાવા વચ્ચે ઉગ્ર બોલાચાલી થઈ, જે મારામારીમાં પરિણમી. આ મામલે સંજય વસાવાએ પોલીસ ફરિયાદ નોંધાવી, જેના પગલે ચૈતર વસાવાની ધરપકડ કરવામાં આવી હતી. આ દરમિયાન પોલીસ અને ચૈતર વસાવાના સમર્થકો વચ્ચે ઘર્ષણ પણ થયું હતું.
ધરપકડ બાદ ચૈતર વસાવાએ જામીન માટે અરજી કરી હતી, પરંતુ નીચલી કોર્ટ અને સેશન્સ કોર્ટે તેમની અરજી ફગાવી દીધી હતી. આ પછી, તેમણે ગુજરાત હાઈકોર્ટમાં નિયમિત જામીન અરજી દાખલ કરી હતી. હાઈકોર્ટે પહેલા 5 ઑગસ્ટના રોજ સુનાવણીની તારીખ આપી હતી, પરંતુ આજે કોર્ટનો સમય પૂરો થઈ જવાથી સુનાવણી થઈ શકી નથી.
હવે હાઈકોર્ટે તેમની જામીન અરજી પર આગામી સુનાવણી માટે 13 ઑગસ્ટની તારીખ નક્કી કરી છે. આનો અર્થ એ છે કે, ત્યાં સુધી ચૈતર વસાવાને જેલમાં જ રહેવું પડશે. 5 જુલાઈથી જેલમાં રહેલા વસાવા માટે આ એક મોટો કાનૂની પડકાર છે, અને આ મામલાની આગામી સુનાવણી પર સૌની નજર રહેશે.
ટોપ સ્ટોરી
ટ્રેન્ડિંગ સમાચાર
