ગુજરાતના BLO અને સુપરવાઇઝરો સરકારે જાહેર કર્યું ખાસ ભથ્થું, જાણો ખાતામાં કેટલ જમા થશે

મતદાર યાદી સુધારણા (SIR) કામગીરી બદલ રાજ્ય સરકારે ખાસ ભથ્થાના દરમાં વધારો કર્યો; BLO ને ₹4,000 અને સુપરવાઇઝરને ₹6,000 નું વન-ટાઇમ ખાસ ભથ્થું મળશે.

gujarat blo supervisor special allowance increment eci revision 2026

Source : ai

Show Quick Read

Key points generated by AI, verified by newsroom

• ગુજરાત સરકારે BLO ને ખાસ ભથ્થું મંજૂર કર્યું.
• BLO ને ₹4,000, સુપરવાઇઝરને ₹6,000 ભથ્થું મળશે.
• નિયમિત વેતન ઉપરાંત, કામગીરી સમીક્ષા બાદ ચૂકવાશે.

Gujarat BLO Special Allowance: ગુજરાતમાં ચૂંટણી પંચની મતદાર યાદીને વધુ ક્ષતિરહિત અને વિશ્વસનીય બનાવવા માટે હાથ ધરાયેલા 'મતદાર યાદી ખાસ સઘન સુધારણા કાર્યક્રમ 2026' (SIR) માં રાત-દિવસ એક કરતા ફિલ્ડ કર્મચારીઓ માટે મોટા સમાચાર છે. રાજ્ય સરકારે આ કામગીરીમાં જોડાયેલા બૂથ લેવલ ઓફિસર (BLO) અને BLO સુપરવાઇઝરોના આર્થિક પ્રોત્સાહન માટે એક મહત્વનો નિર્ણય લીધો છે.

નાણાં વિભાગની લીલી ઝંડી મળ્યા બાદ, સામાન્ય વહીવટ વિભાગ (GAD - ચૂંટણી પ્રભાગ) દ્વારા સત્તાવાર ઠરાવ બહાર પાડવામાં આવ્યો છે. આ નિર્ણય મુજબ, રાજ્યભરના BLO અને સુપરવાઇઝરોને તેમના વાર્ષિક વેતનની સાથે હવે વધારાનું એક વખતનું ખાસ ભથ્થું (One-time Special Allowance) પણ ચૂકવવામાં આવશે.

નવા નક્કી થયેલા ખાસ ભથ્થાના દરો કેટલા છે?

અગાઉ આ કામગીરી માટે માત્ર ₹2,000 નું ભથ્થું મંજૂર કરાયું હતું. પરંતુ, નવી સૂચનાઓ મુજબ દરોમાં સુધારો કરીને મોટી રાહત આપવામાં આવી છે:

બૂથ લેવલ ઓફિસર (BLO): ₹4,000 (એક વખતનું ખાસ ભથ્થું)

BLO સુપરવાઇઝર: ₹6,000 (એક વખતનું ખાસ ભથ્થું)

(નોંધ: અગાઉ જે BLO ને ₹2,000 ચૂકવાઈ ગયા છે, તેમને હવે નિયમ મુજબ બાકીની રકમ સરભર કરીને ચૂકવવામાં આવશે.)

નિયમિત વાર્ષિક વેતનની સાથે મળશે આ 'બોનસ'

આ જાહેર કરાયેલું વિશેષ વન-ટાઇમ ભથ્થું કર્મચારીઓને દર વર્ષે મળતા નિયમિત વાર્ષિક માનદ વેતન કરતાં તદ્દન અલગ છે. કેન્દ્રીય ચૂંટણી પંચ (ECI) ના નિયમો મુજબ, BLO માટે વાર્ષિક માનદ વેતન ₹12,000 અને BLO સુપરવાઇઝર માટે ₹18,000 નક્કી થયેલું છે. આ નક્કી થયેલા વેતનની સાથે જ હવે સરકારે જાહેર કરેલું નવું ખાસ ભથ્થું પણ ઉમેરીને અપાશે, જેથી કર્મચારીઓને બેવડો આર્થિક લાભ મળશે.

ખાતામાં સીધી રકમ જમા થવાની શરતો શું છે?

સરકારી ઠરાવ મુજબ આ ભથ્થાની ચૂકવણી માટે અમુક ચુસ્ત શરતોનું પાલન કરવાનું રહેશે:

એકસાથે ચૂકવણી: તમામ લાયક અધિકારીઓ અને કર્મચારીઓને મળવાપાત્ર વાર્ષિક માનદ વેતન અને આ ખાસ ભથ્થાની રકમ એકસાથે તેમના બેંક ખાતામાં સીધી જમા કરવામાં આવશે.

કામગીરીની સમીક્ષા: ચૂકવણી કરતા પહેલા મદદનીશ મતદાર નોંધણી અધિકારી (AERO) દ્વારા તમામ કર્મચારીઓની કામગીરીની સઘન સમીક્ષા કરાશે. ભારતના ચૂંટણી પંચની સૂચનાઓ મુજબ યોગ્ય કામગીરી જણાશે તો જ ચૂકવણીનો આખરી નિર્ણય લેવાશે.

નિયુક્તિ આધારિત: ખાસ સઘન સુધારણા (SIR) કાર્યક્રમ દરમિયાન જે કર્મચારીની નિમણૂક થઈ હશે, તેમને જ આ લાભ મળશે.

પ્રમાણસર ચૂકવણી (Proportionate Payment): જો કોઈ કર્મચારીની વચ્ચે બદલી થઈ હોય અથવા ફરજમુક્ત કરાયા હોય, તો તેમણે જેટલા દિવસ ફરજ બજાવી હશે તેના આધારે જ પ્રમાણસર ચૂકવણી કરવામાં આવશે.

રાજ્યના મુખ્ય નિર્વાચન અધિકારી (CEO) કચેરીના આ સત્તાવાર નિર્ણયથી ફિલ્ડ સ્ટાફની મહેનતનું યોગ્ય સન્માન થયું છે. આ પ્રોત્સાહનને કારણે આગામી સમયમાં મતદાર યાદી સુધારણાની કામગીરી વધુ ઝડપી અને સચોટ બનશે તેવો વિશ્વાસ વ્યક્ત કરાયો છે.