ગુજરાત કોંગ્રેસના કયા દિગ્ગજ નેતાએ કેજરીવાલને જીતના આપ્યા અભિનંદન, જાણો વિગત
એબીપી અસ્મિતા વેબ ટીમ | 12 Feb 2020 05:21 PM (IST)
ગુજરાત કોંગ્રેસના નેતા હાર્દિક પટેલે ટ્વિટ કરીને અરવિંદ કેજરીવાલને અભિનંદન આપ્યા હતા. હાર્દિકે કેજરીવાલ સાથેની જૂની તસવીર શેર કરી હતી.
(ગુજરાત પ્રદેશ કોંગ્રેસ પ્રમુખ અમિત ચાવડા સાથે હાર્દિક પટેલ)
અમદાવાદઃ દિલ્હી વિધાનસભા ચૂંટણી 2020ના મંગળવારે પરિણામો જાહેર થયા હતા. જેમાં ફરી એક વખત આમ આદમી પાર્ટી સૌથી મોટી પાર્ટી બનીને ઉભરી આવી હતી. દિલ્હી વિધાનસભાની ચૂંટણીની 70 સીટ પૈકી આમ આદમી પાર્ટી(AAP)ને 62 અને ભારતીય જનતા પાર્ટી(BJP)ને 8 સીટ મળી હતી. કોંગ્રેસ સતત બીજી વખત વિધાનસભા ચૂંટણીમાં ખાતું ખોલાવી શકી નથી. કેજરીવાલે જીતની હેટ્રિક લગાવી હતી. ગુજરાત કોંગ્રેસના કયા નેતાએ આપ્યા અભિનંદન આ દરમિયાન આજે ગુજરાત કોંગ્રેસના નેતા હાર્દિક પટેલે ટ્વિટ કરીને અરવિંદ કેજરીવાલને અભિનંદન આપ્યા હતા. હાર્દિકે કેજરીવાલ સાથેની જૂની તસવીર શેર કરીને ટ્વિટર પર લખ્યું, શુભેચ્છા...શુભેચ્છા...ફરી એક વાર શુભેચ્છા...દિલ્હીની જનતા અને મુખ્યમંત્રી અરવિંદ કેજરીવાલને હાર્દિક અભિનંદન.