Gujarat Corona Cases: રાજ્યમાં કોરોનાના 39 નવા કેસ નોંધાયા, સાજા થવાનો દર 98.74 ટકા

ગુજરાતમાં કોરોનાના (Gujarat Corona Cases) કેસમાં વધારો  થયો છે. શુક્રવાર કરતા આજે કેસ વધારે નોંધાયા છે.  રાજ્યમાં છેલ્લા 24 કલાકમાં કોરોનાના નવા 39 કેસ નોંધાયા છે. શુક્રવારે નવા 34 કેસ નોંધાયા હતા.

covid19

અમદાવાદઃ ગુજરાતમાં કોરોનાના (Gujarat Corona Cases) કેસમાં વધારો  થયો છે. શુક્રવાર કરતા આજે કેસ વધારે નોંધાયા છે.  રાજ્યમાં છેલ્લા 24 કલાકમાં કોરોનાના નવા 39 કેસ નોંધાયા છે. શુક્રવારે નવા 34 કેસ નોંધાયા હતા.    છેલ્લા થોડા દિવસોથી એક પણ જિલ્લામાં ડબલ ડિજિટમાં કેસ નથી નોંધાયો. રાજ્યના ઘણા જિલ્લામાં શૂન્ય કેસ છે. આ દરમિયાન 24 કલાકમાં 42 દર્દીએ કોરોનાને મ્હાત આપી છે. જેને પગલે રાજ્યનો રિક્વરી રેટ (Recovery Rate) સુધરીને 98.74 ટકા થયો છે.  રાજ્યમાં કોરોનાથી કુલ મૃત્યુઆંક 10 હજાર 76 થયો છે.

જો એક્ટિવ દર્દીઓની વાત કરીએ તો રાજ્યમાં કુલ 342 એક્ટિવ કેસ છે. જે પૈકી 05 લોકો વેન્ટીલેટર પર છે. 337 લોકો સ્ટેબલ છે. 8,14,265 લોકોને ડીસ્ચાર્જ કરવામાં આવ્યા છે. 10076 લોકોનાં કોરોનાને કારણે અત્યાર સુધીમાં મોત નિપજ્યાં છે. જો કે આજે કોરોનાને કારણે એક પણ વ્યક્તિનું મોત નિપજ્યું નથી.

જો રસીકરણની વાત કરીએ તો રાજ્યમાં હેલ્થકેર વર્કર અને ફ્રન્ટલાઇન વર્કર્સ પૈકી 179ને પ્રથમ અને 10924 લોકોને રસીનો બીજો ડોઝ આપવામાં આવ્યો હતો. 45 વર્ષથી વધારેની ઉંમરના 49633  લોકોને પ્રથમ અને 57948 લોકોને રસીનો બીજો ડોઝ અપાઇ ચુક્યો છે. 18-45 વર્ષનાં 154865 નાગરિકોને રસીનો પ્રથમ અને 22543 નાગરિકોને રસીનો બીજો ડોઝ અપાયો હતો. આ પ્રકારે આજના દિવસમાં કુલ 2,96,092 લોકોનું કુલ રસીકરણ થયું હતું. જ્યારે ગુજરાતમાં 3,13,07,617 નાગરિકોને અત્યાર સુધી ગુજરાતમાં રસીકરણ થઇ ચુક્યું છે.

અમદાવાદ, આણંદ, અરવલ્લી, બનાસકાંઠા,ભાવનગર,   ભાવનગર કોર્પોરેશન, બોટાદ, છોટા ઉદેપુર, ડાંગ,  દેવભૂમિ દ્વારકા, ગીર સોમનાથ,જામનગર,  જામનગર કોર્પોરેશન, ખેડા, કચ્છ, મહીસાગર, મહેસાણા, મોરબી, નર્મદા, પંચમહાલ, પાટણ, રાજકોટ કોર્પોરેશન, સાબરકાંઠા, સુરેન્દ્રનગર, તાપી અને વલસાડમાં એક પણ કેસ નોંધાયો નથી. 

રાજ્યમાં આજે સાંજે 5 વાગ્યા સુધીમાં કુલ 2,96,092 લોકોનું રસીકરણ કરવામાં આવ્યું છે. રાજ્યમાં કોવિડ19થી સાજા થવાના દરમાં સતત વધારો થઈ રહ્યો છે. રાજ્યમાં સાજા થવાનો દર 98.74 ટકા છે. આજે 42 દર્દીઓએ કોરોના વાયરસને મ્હાત આપી છે. આ સાથે જ રાજ્યમાં અત્યાર સુધીમાં કુલ  8,14,265લોકોએ કોરોનાને મ્હાત આપી છે.