UCC મુદ્દે ગુજરાત સરકારે કરી કમિટીની રચના, 45 દિવસમાં રાજ્ય સરકારને સોંપશે રિપોર્ટ

ઉત્તરાખંડ બાદ ગુજરાતમાં લાગુ UCC લાગુ થશે,. આ માટે સરકારે કમિટીની રચન કરી છે. સુપ્રિમ કોર્ટના નિવૃત ન્યાયાધીશ રંજના દેસાઈની અધ્યક્ષતામાં કમિટીની રચના થશે. જે 45 દિવસમાં રિપોર્ટ આપશે

મુખ્યમંત્રી ભૂપેન્દ્ર પટેલ

Source : ફોટોઃ abp asmita

UCC મુદ્દે ગુજરાત સરકારે કમિટીની રચના કરી છે. . આ કમિટી 45 દિવસમાં રાજ્ય સરકારને રિપોર્ટ સોંપશે. યુનિફોર્મ સિવિલ કોડ (યુસીસી) મામલે ગુજરાત સરકારે કમિટીની રચના કરી હતી. ઉત્તરાખંડ બાદ ગુજરાતમાં પણ યુસીસી લાગુ કરવાની તૈયારીઓ કરવામાં આવી રહી છે. પત્રકાર પરિષદને સંબોધતા  મુખ્યપ્રધાન ભૂપેન્દ્ર પટેલે કહ્યું હતું કે નાગરિકોને સમાન હક મળે એ માટે UCC લાગુ કરાશે.

#WATCH | Gujarat CM Bhupendra Patel says, "To prepare the draft for Uniform Civil Code (UCC) and make the law, a 5-member committee under the chairmanship of retired Supreme Court judge Ranjana Desai has been constituted. The committee will submit its report to the state… pic.twitter.com/UbVRSL1lfx

— ANI (@ANI) February 4, 2025

તેમણે કહ્યું હતું કે રાજ્યના તમામ નાગરિકોને સમાન અધિકાર આપવાનો સંકલ્પ છે. ગુજરાતમાં કોમન સિવિલ કોડની આવશ્યક્તા તપાસવી જરુરી છે. સુપ્રીમ કોર્ટના નિવૃત ન્યાયાધીશ રંજના દેસાઈની અધ્યક્ષતામાં કમિટી બનાવવામાં આવી છે. નિવૃત વરિષ્ઠ IAS સી.એલ.મીના, એડવોકેટ અને સામાજિક આગેવાનનો સમાવેશ કરવામાં આવ્યો છે. સામાજિક કાર્યકર ગીતાબેન શ્રોફનો કમિટીમાં સમાવેશ કરાયો છે. આ કમિટી 45 દિવસમાં રાજ્ય સરકારને રિપોર્ટ સોંપશે. રિપોર્ટ બાદ રાજ્ય સરકાર UCC લાગુ કરવા અંગે નિર્ણય કરશે.

તમને જણાવી દઈએ કે ગુજરાત સરકારે 2022 માં UCC ને લાગુ કરવાનો પોતાનો ઈરાદો જાહેર કર્યો છે. 2023 માં, કાયદા પંચે આ વિષય પર ફરીથી ચર્ચા કરવાનું શરૂ કર્યું. તેણે અમલીકરણ અંગે વિવિધ હિતધારકો પાસેથી નવા ઇનપુટ્સ માંગ્યા હતા. એક વરિષ્ઠ અધિકારીના જણાવ્યા અનુસાર, ગુજરાત સરકારે રાજ્યમાં સમાન નાગરિક સંહિતા લાગુ કરવાનો પોતાનો ઈરાદો પહેલેથી જ જાહેર કરી દીધો હતો.

આ રાજ્યમાં UCC લાગુ છે
તમને જણાવી દઈએ કે આ પહેલા ઉત્તરાખંડમાં 27 જાન્યુઆરીએ UCC લાગુ કરવામાં આવ્યું હતું. ઉત્તરાખંડના મુખ્યમંત્રી પુષ્કર સિંહ ધામીએ UCC (યુનિફોર્મ સિવિલ કોડ) પોર્ટલ અને નિયમો લોન્ચ કર્યા છે. તેમણે કહ્યું હતું કે ઉત્તરાખંડમાં UCC લાગુ કરીને અમે બંધારણના નિર્માતા બાબાસાહેબ ભીમરાવ આંબેડકરને શ્રદ્ધાંજલિ આપી રહ્યા છીએ. ઉત્તરાખંડમાં UCC રાજ્ય અને તેની બહાર રહેતા રાજ્યોના રહેવાસીઓને લાગુ પડશે. જો કે, અનુસૂચિત જનજાતિને મુક્તિ આપવામાં આવી છે.

યુનિફોર્મ સિવિલ કોડ શું છે?
તમને જણાવી દઈએ કે, યુનિફોર્મ સિવિલ કોડ (યુસીસી) નો અર્થ છે કે, દેશમાં રહેતા તમામ નાગરિકો માટે એક જ કાયદો હશે, પછી ભલે તે કોઈપણ ધર્મ, જાતિ અથવા લિંગ હોય. જો કોઈપણ રાજ્યમાં નાગરિક સંહિતા લાગુ કરવામાં આવે છે, તો લગ્ન, છૂટાછેડા, બાળક દત્તક લેવા અને મિલકતના વિભાજન તેમજ લિવ-ઈન સંબંધો જેવી બાબતોમાં દરેક નાગરિક માટે સમાન કાયદો હશે. લગ્નની સાથે સાથે લિવ-ઇન કપલ્સ માટે પણ રજિસ્ટ્રેશન કરાવવું ફરજિયાત છે.