Monsoon Update: ગુજરાતમાં ચોમાસા માટે હજુ કેટલી જોવી પડશે રાહ? હવામાન વિભાગની નવી આગાહી

gujarat monsoon arrival date: હવામાન વિભાગની આગાહી મુજબ સત્તાવાર ચોમાસાની એન્ટ્રીમાં હજુ વિલંબ છે, પરંતુ આગામી 7 દિવસ સૌરાષ્ટ્ર, મધ્ય અને દક્ષિણ ગુજરાતમાં ગાજવીજ સાથે હળવાથી મધ્યમ વરસાદની શક્યતા છે.

gujarat monsoon arrival delayed imd pre monsoon rain forecast next seven days

Source : ai

Show Quick Read

Key points generated by AI, verified by newsroom

• ગુજરાતમાં સત્તાવાર ચોમાસાના આગમનમાં હજુ વિલંબ છે.
• આગામી ૭ દિવસ પ્રિ-મોનસૂન વરસાદની આગાહી, રાહત મળશે.
• ચોમાસું હાલ હરનોઈ સહિતના રાજ્યોમાંથી પસાર થઈ રહ્યું છે.
• ૨૩ જૂન આસપાસ આગળ વધી ગુજરાતમાં પ્રવેશ કરશે.

gujarat monsoon arrival date: ગુજરાતમાં સત્તાવાર ચોમાસાની આતુરતાથી રાહ જોઈ રહેલા લોકોએ હજુ થોડી વધુ રાહ જોવી પડશે. હવામાન વિભાગની લેટેસ્ટ આગાહી મુજબ, રાજ્યમાં સત્તાવાર ચોમાસાના આગમનના હાલ કોઈ સ્પષ્ટ અણસાર દેખાઈ રહ્યા નથી. જોકે, રાહતની વાત એ છે કે વેસ્ટર્ન ડિસ્ટર્બન્સ અને ટ્રફની સિસ્ટમ સક્રિય થવાને કારણે આગામી 7 દિવસ સુધી રાજ્યના વિવિધ ભાગોમાં પ્રિ-મોનસૂન એક્ટિવિટીના ભાગરૂપે હળવાથી મધ્યમ વરસાદની આગાહી કરવામાં આવી છે. જેનાથી લોકોને ગરમીમાંથી ચોક્કસ આંશિક રાહત મળશે.

ચોમાસું ક્યાં પહોંચ્યું અને ક્યારે આગળ વધશે?

અત્યારની સ્થિતિની વાત કરીએ તો, ચોમાસું હાલ દેશના હરનોઈ, સોલાપુર, હૈદરાબાદ, રાંચી અને મુઝફ્ફરપુર પરથી પસાર થઈ રહ્યું છે. હવામાન વિભાગના જણાવ્યા અનુસાર, 23 જૂનની આસપાસ ચોમાસું વધુ આગળ વધે તેવા સાનુકૂળ સંજોગો સર્જાઈ રહ્યા છે. આ સમયગાળા દરમિયાન ચોમાસું મહારાષ્ટ્ર, તેલંગાણા, ઓડિશા, ઝારખંડ, બિહાર અને છત્તીસગઢના વધુ વિસ્તારોને કવર કરી લેશે. ત્યારબાદ જ ગુજરાતમાં તેની એન્ટ્રી થઈ શકશે.

ગુજરાતમાં આગામી દિવસોમાં કેવો રહેશે વરસાદી માહોલ?

ગુજરાતમાં સત્તાવાર ચોમાસું ભલે મોડું આવે, પણ પ્રિ-મોનસૂન એક્ટિવિટીનો વરસાદ રાજ્યને ભીંજવતો રહેશે.

આજની સ્થિતિ: આજે ઉત્તર ગુજરાતના માત્ર 6 જિલ્લાઓને બાદ કરતાં રાજ્યના લગભગ તમામ વિસ્તારોમાં ગાજવીજ સાથે હળવાથી મધ્યમ વરસાદ પડવાની શક્યતા છે.

સૌરાષ્ટ્ર અને અમદાવાદ: આવતીકાલે સૌરાષ્ટ્ર પંથકના રાજકોટ, જૂનાગઢ, અમરેલી, બોટાદ, ભાવનગર અને ગીર સોમનાથ જિલ્લામાં વરસાદ વરસી શકે છે. આ સાથે જ આવતીકાલે અમદાવાદમાં પણ હળવા વરસાદની શક્યતા વ્યક્ત કરવામાં આવી છે.

મધ્ય અને દક્ષિણ ગુજરાત: મધ્ય ગુજરાતના ખેડા, મહીસાગર, પંચમહાલ, દાહોદ, આણંદ, વડોદરા અને છોટાઉદેપુર જિલ્લામાં છૂટાછવાયા સ્થળોએ હળવાથી મધ્યમ વરસાદની આગાહી છે. જ્યારે દક્ષિણ ગુજરાતના ભરૂચ, નર્મદા, સુરત, તાપી, ડાંગ, નવસારી અને વલસાડની સાથે કેન્દ્રશાસિત પ્રદેશ દીવ, દમણ અને દાદરા અને નગર હવેલીમાં પણ વરસાદ પડવાનું હવામાન વિભાગનું પૂર્વાનુમાન છે.

રાજ્યમાં હવે ધીમે ધીમે ચોમાસું જામી રહ્યું છે. ગુજરાતના અમરેલી, નવસારી અને સુરત જિલ્લામાં પ્રી-મોનસૂન એક્ટિવિટીના ભાગરૂપે વરસાદી ઝાપટા પડ્યા છે. જ્યાં અમરેલી અને નવસારીમાં વરસાદના કારણે લોકોને ગરમીથી મોટી રાહત મળી છે અને વાતાવરણમાં ઠંડક પ્રસરી છે. તો બીજી તરફ, સુરતના બારડોલીમાં સામાન્ય વરસાદમાં જ કેટલાક વિસ્તારોમાં જળબંબાકાર જેવી સ્થિતિ સર્જાતા નગરપાલિકાની પ્રી-મોનસૂન કામગીરીની પોલ ખુલી ગઈ છે.

આ પણ વાંચોઃ ગુજરાતમાં ચોમાસાની ધમાકેદાર એન્ટ્રી? આગામી 3 કલાકમાં ગુજરાતના આ 10 જિલ્લામાં પડશે વરસાદ