Amreli Rain: અમરેલી જિલ્લામાં ભારે પવન અને ગાજવીજ સાથે તૂટી પડ્યો ધોધમાર વરસાદ
હવામાન વિભાગની વરસાદની આગાહી વચ્ચે આજે અમરેલી જિલ્લામાં પણ ધોધમાર વરસાદ વરસ્યો છે. અમરેલી જિલ્લાના વાતાવરણમાં જોરદાર પલટો આવ્યો હતો.
અમરેલી : હવામાન વિભાગની વરસાદની આગાહી વચ્ચે આજે અમરેલી જિલ્લામાં પણ ધોધમાર વરસાદ વરસ્યો છે. અમરેલી જિલ્લાના વાતાવરણમાં જોરદાર પલટો આવ્યો હતો. અમરેલી જિલ્લામાં સતત બીજા દિવસે વરસાદી માહોલ જોવા મળી રહ્યો છે. વડીયા તાલુકામાં ભારે પવન સાથે વરસાદી માહોલ જામ્યો છે. બગસરાના મોટા મુંજયાસર ગામમાં ધોધમાર વરસાદ પડ્યો છે.
કોટડા પીઠા ગામની બજારોમાં વરસાદી પાણી વહેતા થયા
અમરેલી જિલ્લાના બગસરા, બાબરા, વડીયા પંથકમાં વરસાદે જમાવટ કરી છે. બગસરા, વડીયા પંથકમાં વરસાદી વાતાવરણ છે. બાબરા પંથકમાં ભારે પવન સાથે ધોધમાર વરસાદ વરસ્યો છે. કોટડા પીઠા ગામની બજારોમાં વરસાદી પાણી વહેતા થયા હતા. ચમારડી, ચરખા, ઉંટવડ, ઘુઘરાળા સહિતના ગામમાં વરસાદી માહોલ જામ્યો હતો. બગસરા, વડીયા બાદ બાબરા પંથકમાં પણ વરસાદ વરસ્યો છે.
અમરેલી જિલ્લામાં ભારે પવન સાથે વરસાદ ખાબકતા અનેક જગ્યાએ વૃક્ષો ધરાશાયી થયા છે. લાઠી અને દામનગર પંથકમાં પણ વરસાદ વરસ્યો છે. વરસાદના કારણે રસ્તાઓ પર અનેક વૃક્ષો તૂટી પડ્યા હતા.
રાજકોટમાં ભરઉનાળે ચોમાસા જેવો માહોલ
હવામાન વિભાગની વરસાદની આગાહી વચ્ચે રાજકોટ શહેરમાં જોરદાર પવન સાથે વરસાદ શરુ થયો છે. રાજકોટ શહેરના અનેક વિસ્તારોમાં ધોધમાર વરસાદ વરસી રહ્યો છે. ભારે પવન સાથે વરસાદને પગલે અનેક વૃક્ષો ધરાશાયી થયા છે. રાજકોટ શહેરના કાલાવડ રોડ, યાજ્ઞિક રોડ, રૈયા રોડ, 150 ફૂટ રિંગ રોડ, રેસકોર્ષ, ગોંડલ રોડ સહિતના વિસ્તારોમાં ભારે પવન સાથે વરસાદની શરુઆત થઈ છે. રાજકોટમાં ભરઉનાળે ચોમાસા જેવો માહોલ જોવા મળી રહ્યો છે. ભારે પવન સાથે વરસાદ વરસી રહ્યો છે. રાજકોટ શહેર સિવાય ગ્રામ્ય પંથકમાં પણ વરસાદી માહોલ જામ્યો છે. ઘણા ગ્રામ્ય વિસ્તારોમાં ભારે પવન સાથે વરસાદ વરસ્યો છે. ક્યાંક કરા સાથે પણ વરસાદ વરસ્યો છે.
રાજ્યમાં બે દિવસ સુધી માવઠાની આગાહી
હવામાન વિભાગ દ્વારા રાજ્યમાં બે દિવસ સુધી માવઠાની આગાહી કરવામાં આવી છે. આજે 20થી વધુ જિલ્લામાં કમોસમી વરસાદની આગાહી હવામાન વિભાગે કરી છે. ચાર જિલ્લામાં કમોસમી વરસાદનું ઓરેન્જ એલર્ટ આપવામાં આવ્યું છે. 6 જિલ્લાઓમાં કમોસમી વરસાદનું યલો એલર્ટ આપવામાં આવ્યું છે. આ ઉપરાંત બનાસકાંઠા, પાટણ, પંચમહાલ, ભરૂચમાં માવઠાની આગાહી છે. સુરત, ડાંગ, તાપી, નવસારી, વલસાડમાં માવઠું થઇ શકે છે. સુરેન્દ્રનગર, રાજકોટ, જામનગર, પોરબંદરમાં માવઠાની આાગાહી છે. જૂનાગઢ, અમરેલી, ભાવનગર, મોરબીમાં કમોસમી વરસાદ પડી શકે છે. દ્વારકા, ગીર સોમનાથ, બોટાદ, કચ્છમાં ગાજવીજ સાથે વરસાદની આગાહી કરવામાં આવી છે.
ટોપ સ્ટોરી
ટ્રેન્ડિંગ સમાચાર
