Mahisagar Rain: મહીસાગર જિલ્લામાં સવારથી જ મેઘરાજાની ધમાકેદાર બેટિંગ
વહેલી સવારથી જ મહીસાગર જિલ્લામાં વરસાદ વરસી રહ્યો છે. સવારે 6 વાગ્યાથી અત્યાર સુધીમાં મહીસાગર જિલ્લામાં સાર્વત્રિક વરસાદ વરસ્યો છે.
મહીસાગર: વહેલી સવારથી જ મહીસાગર જિલ્લામાં વરસાદ વરસી રહ્યો છે. સવારે 6 વાગ્યાથી અત્યાર સુધીમાં મહીસાગર જિલ્લામાં સાર્વત્રિક વરસાદ વરસ્યો છે. મહીસાગર જિલ્લાના લુણાવાડા તાલુકામાં અત્યાર સુધીમાં સાડા ચાર ઇંચ કરતા વધુ વરસાદ નોંધાયો છે. ખાનપુર તાલુકામાં બે ઇંચ કરતાં વધુ વરસાદ વરસ્યો છે. જિલ્લાના અનેક તાલુકાઓમાં સવારથી જ મેઘરાજા ધમાકેદાર બેટિંગ કરી રહ્યા છે.
સંતરામપુર તાલુકામાં પોણા બે ઇંચ વરસાદ પડ્યો છે. વરસાદને પગલે રોડ પર પાણી ફરી વળ્યા હતા. વીરપુર તાલુકામાં 1.5 ઇંચ કરતાં વધુ વરસાદ નોંધાયો છે. કડાણા તાલુકામાં એક ઇંચ વરસાદ વરસ્યો છે. મહીસાગર જિલ્લામાં સાર્વત્રિક મેઘમહેરને લઈ ખેડૂતો ખુશખુશાલ છે. મહીસાગર જિલ્લામાં વરસાદ વરસતા નદી તળાવમાં નવા નીરની આવક થઈ છે.
સંતરામપુરની ચીબોટા નદીમાં નવા નીરની આવક
મહીસાગર જિલ્લામાં ધોધમાર વરસાદને લઈ અને સંતરામપુરની ચીબોટા નદીમાં નવા નીરની આવક થઈ છે. સંતરામપુર શહેરમાં આવેલ ચીબોટા નદી બે કાંઠે વહેતી થઈ છે. સવારથી જ સંતરામપુર તાલુકામાં સાડા ત્રણ ઇંચ કરતાં વધુ વરસાદ નોંધાયો છે. નદીમાં નવા નીર આવ્યા છે. નદીમાં નવા નીર આવતા ખેડૂતો ખુશખુશાલ છે. મહીસાગર જિલ્લામાં સાર્વત્રિક મેઘમહેર જોવા મળી રહી છે.
રાજ્યમાં ભારે વરસાદની આગાહી
મધ્યપ્રદેશ તરફ સર્જાયેલી વરસાદી સિસ્ટમ ધીરે ધીરે રાજ્ય પર આવતા ફરી મોટાભાગના વિસ્તારમાં વરસાદી માહોલ જામ્યો છે. હવામાન વિભાગે (Meteorological Department) આગામી 2 દિવસ સાર્વત્રિક મધ્યમથી હળવા વરસાદનું અનુમાન વ્યક્ત કર્યું છે. આજે રાજ્યના 12 જિલ્લામાં ભારેથી અતિભારે વરસાદની (heavy rain) હવામાન વિભાગે (Meteorological Department) આગાહી કરી છે.
સૌરાષ્ટ્રના 6 મધ્ય અને દક્ષિણ ગુજરાતના 6 જિલ્લામાં ભારેથી અતિભારે વરસાદનું ઓરેન્જ એલર્ટ જાહેર આપવામાં આવ્યું છે. 16 જિલ્લામાં ભારે વરસાદનું યલો એલર્ટ જાહેર કરવામાં આવ્યું છે.
સૌરાષ્ટ્રની વાત કરીએ તો હવામાન વિભાગની આગાહી મુજબ મોરબી, સુરેન્દ્રનગર, રાજકોટ, બોટાદ, અમરેલી અને ભાવનગરમાં આજે ભારેથી અતિભારે વરસાદની આગાહી છે. દ્વારકા, જામનગર, પોરબંદર, જૂનાગઢ અને ગીર સોમનાથમાં પણ આજે ભારે વરસાદનું અનુમાન છે.
હવામાન વિભાગની આગાહી મુજબ મધ્યગુજરાતના આણંદ, વડોદરા, છોટા ઉદેપુરમાં આજે ભારેથી અતિભારે વરસાદ વરસી શકે છે. ખેડા, પંચમહાલ, દાહોદમાં ભારે વરસાદની આગાહીને પગલે હવામાન વિભાગે યલો એલર્ટ જાહેર કર્યુ છે. દક્ષિણ ગુજરાતના સુરત, ભરૂચ અને નર્મદાના છુટાછવાયા સ્થળોએ આજે ભારેથી અતિભારે વરસાદની આગાહી કરવામાં આવી છે. તાપી, ડાંગ,નવસારી, અને વલસાડમાં પણ ભારે વરસાદની આગાહીને પગલે યલો એલર્ટ જાહેર કરવામાં આવ્યું છે.
Before You Go
Vadodara News : વડોદરા મનપાની સામાન્ય સભા બની તોફાની, ભાજપ અને કોંગ્રેસના નગરસેવકો આવ્યા આમને સામને
ટોપ સ્ટોરી
ટ્રેન્ડિંગ સમાચાર
