Botad Rain: બોટાદ જિલ્લામાં વાવાઝોડા જેવી સ્થિતિ, ભારે પવન સાથે ખાબક્યો વરસાદ
બોટાદ જિલ્લામાં કમોસમી માવઠું વરસ્યું છે. ભારે પવન સાથે વરસાદ વરસ્યો છે. અતિ ભારે પવન ફૂંકાવા સાથે વરસાદની શરૂઆત થઈ હતી.
- બોટાદ જિલ્લામાં ભારે પવન સાથે કમોસમી વરસાદ થયો.
- રાજકોટમાં ભરઉનાળે ચોમાસા જેવો માહોલ, વૃક્ષો ધરાશાયી.
- હવામાન વિભાગે રાજ્યમાં બે દિવસ માવઠાની આગાહી કરી.
- 20થી વધુ જિલ્લાઓમાં કમોસમી વરસાદ, 4 જિલ્લામાં ઓરેન્જ એલર્ટ.
Heavy Rain in Botad: બોટાદ જિલ્લામાં કમોસમી માવઠું વરસ્યું છે. ભારે પવન સાથે વરસાદ વરસ્યો છે. અતિ ભારે પવન ફૂંકાવા સાથે વરસાદની શરૂઆત થઈ હતી. બોટાદમાં મીની વાવાઝોડા જેવી સ્થિતિ સાથે ભારે વરસાદ વરસ્યો છે. બોટાદ જિલ્લાના વાતાવરણમાં પલટો આવતા ખેડૂતોમાં ચિંતા છે. બોટાદ જિલ્લામાં ઘઉં, ચણા, જીરું સહિતના પાકોમાં અતિ ભારે પવન અને કમોસમી માવઠાના કારણે નુકસાનને લઈ ખેડૂતો ચિંતામાં છે.
બોટાદ શહેરમાં તેજ પવન ફૂંકાયો
બોટાદ શહેર-જિલ્લામાં મિની વાવાઝોડા જેવી સ્થિતિ જોવા મળી હતી. બોટાદ શહેરમાં તેજ પવન ફૂંકાયો હતો. બોટાદના અનેક વિસ્તારમાં ધૂળની ડમરીઓ ઉડી હતી. ભારે પવન ફૂંકાવાને કારણે અનેક જગ્યાએ પતરા હવામાં ઉડ્યા હતા.
રાજકોટમાં ભરઉનાળે ચોમાસા જેવો માહોલ
હવામાન વિભાગની વરસાદની આગાહી વચ્ચે રાજકોટ શહેરમાં જોરદાર પવન સાથે વરસાદ શરુ થયો છે. રાજકોટ શહેરના અનેક વિસ્તારોમાં ધોધમાર વરસાદ વરસી રહ્યો છે. ભારે પવન સાથે વરસાદને પગલે અનેક વૃક્ષો ધરાશાયી થયા છે. રાજકોટ શહેરના કાલાવડ રોડ, યાજ્ઞિક રોડ, રૈયા રોડ, 150 ફૂટ રિંગ રોડ, રેસકોર્ષ, ગોંડલ રોડ સહિતના વિસ્તારોમાં ભારે પવન સાથે વરસાદની શરુઆત થઈ છે. રાજકોટમાં ભરઉનાળે ચોમાસા જેવો માહોલ જોવા મળી રહ્યો છે. ભારે પવન સાથે વરસાદ વરસી રહ્યો છે. રાજકોટ શહેર સિવાય ગ્રામ્ય પંથકમાં પણ વરસાદી માહોલ જામ્યો છે. ઘણા ગ્રામ્ય વિસ્તારોમાં ભારે પવન સાથે વરસાદ વરસ્યો છે. ક્યાંક કરા સાથે પણ વરસાદ વરસ્યો છે.
રાજ્યમાં બે દિવસ સુધી માવઠાની આગાહી
હવામાન વિભાગ દ્વારા રાજ્યમાં બે દિવસ સુધી માવઠાની આગાહી કરવામાં આવી છે. આજે 20થી વધુ જિલ્લામાં કમોસમી વરસાદની આગાહી હવામાન વિભાગે કરી છે. ચાર જિલ્લામાં કમોસમી વરસાદનું ઓરેન્જ એલર્ટ આપવામાં આવ્યું છે. 6 જિલ્લાઓમાં કમોસમી વરસાદનું યલો એલર્ટ આપવામાં આવ્યું છે. આ ઉપરાંત બનાસકાંઠા, પાટણ, પંચમહાલ, ભરૂચમાં માવઠાની આગાહી છે. સુરત, ડાંગ, તાપી, નવસારી, વલસાડમાં માવઠું થઇ શકે છે. સુરેન્દ્રનગર, રાજકોટ, જામનગર, પોરબંદરમાં માવઠાની આાગાહી છે. જૂનાગઢ, અમરેલી, ભાવનગર, મોરબીમાં કમોસમી વરસાદ પડી શકે છે. દ્વારકા, ગીર સોમનાથ, બોટાદ, કચ્છમાં ગાજવીજ સાથે વરસાદની આગાહી કરવામાં આવી છે.
ટોપ સ્ટોરી
ટ્રેન્ડિંગ સમાચાર
