Rain: બોટાદના ગઢડામાં જળબંબાકાર, 10 કલાકમાં 13.50 ઈંચ વરસાદ ખાબક્યો, કાર તણાઇ
Rain: ગઢડામાં 10 કલાકમાં 13.50 ઈંચ વરસાદ ખાબક્યો હતો. પાર્ક કરેલી કાર ધસમસતા પાણીના પ્રવાહમાં તણાયાના દ્રશ્યો સામે આવ્યા છે.
Rain: બોટાદના ગઢડામાં આભ ફાટ્યું હતું. ગઢડામાં 10 કલાકમાં 13.50 ઈંચ વરસાદ ખાબક્યો હતો. બોટાદમાં 10 કલાકમાં 9.72 ઈંચ વરસાદ ખાબક્યો હતો. પાલીતાણામાં 24 કલાકમાં 11.85 ઈંચ વરસાદ વરસ્યો હતો. બોટાદના ગઢડામાં મૂશળધાર વરસાદથી નદીઓ બે કાંઠે વહેતી થઇ હતી. ગઢડાની ઘેલો નદીમાં પાણીની ભારે આવક થઇ રહી છે. લોકોને નદી કાંઠે ન જવા માટે અપીલ કરાઇ હતી. 24 કલાકમાં ગઢડામાં 13 ઈંચ વરસાદ ખાબક્યો હતો. ભારે વરસાદના કારણે બોટાદમાં કાર તણાઇ હતી.
કાર તણાઇ
બોટાદ શહેરમાં ધોધમાર વરસાદના કારણે ઉતાવળી નદીમાં નવા નીર આવ્યા હતા. પાર્ક કરેલી કાર ધસમસતા પાણીના પ્રવાહમાં તણાયાના દ્રશ્યો સામે આવ્યા છે. જ્યોતિગ્રામ સર્કલ પાસે પાણી ભરાતા વાહનચાલકો પરેશાન થયા હતા. બોટાદમાં મેઘરાજાની તોફાની બેટિંગ જોવા મળી હતી. બોટાદ શહેર ઉપરાંત આસપાસના વિસ્તારોમાં મન મુકીને વરસ્યા હતા. લાઠીદડ, સમઢીયાળા, નાગલપર, હડદડ, તરઘરા, અને પાળીયાદ ગામમાં વરસાદ વરસ્યો હતો.
આજે કયાં પડશે વરસાદ
18 જૂને ક્યાં જિલ્લામાં પડશે વરસાદ
હવામાન વિભાગની આગાહી પ્રમાણે ઉત્તર ગુજરાતના બનાસકાઠા, પાટણ,મહેસાણા, સાબરકાંઠા, ગાંધીનગર, અરવલ્લી, ઉપરાંત મધ્યગુજરાતમાં ખેડા, અમદવાદના કેટલાક સ્થળોએ ગાજવીજ સાથે હળવાથી મઘ્યમ વરસાદની શક્યતા છે, જ્યારે સૌરાષ્ટ્માં રાજકોટ,મોરબી, ગીરસોમનાથ, બોટાદ,ભાવનગરમાં ગાજવીજ સાથે વરસાદ વરસી શકે છે.તો કચ્છના કેટલાક વિસ્તારમાં ભારે વરસાદની આગાહી છે.
19 જૂને ક્યાં પડશે વરસાદ
હવામાન વિભાગની આગાહી મુજબ 19 જૂને બનાસકાંઠા, પાટણ, મહેસાણા, સાબરકાંઠા, ગાંધીનગર, અરવલ્લી, ખેડા, અમદાવાદ, આણંદ, પંચમહાલ, દાહોદ અને મહાસાગર જિલ્લામાં કેટલીક જગ્યાઓ પર વરસાદ પડી શકે. છે.સાઉથ ગુજરાતમાં વડોદરા, છોટા ઉદેપુર, નર્મદા, ભરુચ, સુરત, ડાંગ, નવસારી, વલસાડ, તાપી અને દમણ, દાદરા નગર હવેલીમાં ઘણી જગ્યાએ વરસાદ થવાની શક્યતા છે જે હળવાથી લઈને મધ્યમ વરસાદ રહેશે.દિવમાં ભારે વરસાદની ચેતવણી અપાઇ છે.
ટોપ સ્ટોરી
ટ્રેન્ડિંગ સમાચાર
