Gujarat Rain: આગામી ત્રણ કલાક આ જિલ્લાઓમાં ખાબકશે ભારે વરસાદ
ગુજરાતમાં આજે પણ વહેલી સવારથી જ વરસાદી માહોલ જામ્યો છે. સાબરકાંઠા અને અરવલ્લી જિલ્લામાં ધોધમાર વરસાદ વરસ્યો છે.
અમદાવાદ : ગુજરાતમાં આજે પણ વહેલી સવારથી જ વરસાદી માહોલ જામ્યો છે. સાબરકાંઠા અને અરવલ્લી જિલ્લામાં ધોધમાર વરસાદ વરસ્યો છે. હવામાન વિભાગ દ્વારા ભારે વરસાદને લઈ આજે પણ આગાહી કરવામાં આવી છે. હવામાન વિભાગે આગામી ત્રણ કલાક દરમિયાન ભારે વરસાદને લઈ એલર્ટ જાહેર કર્યું છે.
આગામી 3 કલાક આ જિલ્લાઓમાં વરસાદનું એલર્ટ
આગામી 3 કલાક વરસાદને લઈ હવામાન વિભાગે આગાહી કરી છે. આ આગાહી મુજબ, આગામી 3 કલાક દરમિયાન કચ્છ, પાટણ, ગાંધીનગર, મહેસાણા, અરવલ્લી, અમદાવાદ, સુરેન્દ્રનગર, મહીસાગર, દાહોદ, સુરત, નર્મદા, તાપી, ડાંગ, નવસારી, વલસાડ, દમણ દાદરા નગર હવેલીમાં અતિ ભારે વરસાદનું ઓરેન્જ એલર્ટ છે.
હવામાન વિભાગે આગાહી ત્રણ કલાક સુધી અનેક જિલ્લાઓમાં વરસાદને લઈ આગાહી કરી છે. આજિલ્લાઓમાં આગામી ત્રણ કલાક સુધી ગાજવીજ સાથે વરસાદ વરસશે.
છેલ્લા 24 કલાકમાં 81 તાલુકામાં વરસાદ
રાજ્યમાં છેલ્લા 24 કલાકમાં 81 તાલુકામાં વરસાદ વરસ્યો હતો. સૌથી વધુ પંચમહાલના જાંબુઘોડામાં 8 ઈંચ વરસાદથી જળબંબાકાર થયું હતું. છોટાઉદેપુરના પાવીજેતપુરમાં 5 ઈંચ વરસાદ ખાબક્યો હતો. સમગ્ર રાજ્યમાં વરસાદી માહોલ જામ્યો છે.
છેલ્લા 24 કલાકમાં જેતપુર પાવીમાં પાંચ ઈંચ, પેટલાદમાં પોણા ચાર ઈંચ, કપરાડામાં 3 ઈંચ, તારાપુરમાં પોણા 3 ઈંચ, હાલોલમાં પોણા 3 ઈંચ , બોરસદ, ઝઘડિયામાં અઢી-અઢી ઈંચ, આણંદમાં બે ઈંચ વરસાદ, ઉમરગામ, છોટાઉદેપુરમાં 2-2 ઈંચ, ચુડામાં પોણા બે ઈંચ, વડોદરામાં પોણા બે ઈંચ, આંકલાવ, બોડેલીમાં દોઢ-દોઢ ઈંચ, વાઘોડિયામાં સવા ઈંચ, કાલોલ, ઘોઘંબા, ખંબાતમાં એક-એક ઈંચ વરસાદ વરસ્યો હતો.
હવામાન વિભાગની આગાહી મુજબ આગામી સાત દિવસ સુધી વરસાદી માહોલ રહેશે. આજે ભારેથી અતિભારે વરસાદની આગાહી હવામાન વિભાગ દ્વારા કરવામાં આવી છે. આજે બનાસકાંઠા, સાબરકાંઠામાં અત્યંત ભારે વરસાદની આગાહી સાથે રેડ એલર્ટ જાહેર કરવામાં આવ્યું છે. આગામી પાંચ દિવસ સુધી માછીમારો દરિયો ન ખેડવાની સૂચના આપવામાં આવી છે.
રાજ્યના અનેક જિલ્લાઓમાં ઓરેન્જ એલર્ટ
જ્યારે કચ્છ, પાટણ, ગાંધીનગર, મહેસાણા, અરવલ્લી, અમદાવાદ, સુરેન્દ્રનગર, મહીસાગર, દાહોદ, સુરત, નર્મદા, તાપી, ડાંગ, નવસારી, વલસાડ, દમણ, દાદરા નગર હવેલીમાં અતિ ભારે વરસાદનું ઓરેન્જ એલર્ટ આપવામાં આવ્યું છે.
રાજ્યના અનેક જિલ્લાઓમાં યલો એલર્ટ
મોરબી, જામનગર, રાજકોટ, બોટાદ, અમરેલી, ભાવનગર, ખેડા,પંચમહાલ, આણંદ, વડોદરા, છોટાઉદેપુર અને ભરૂચમાં ભારે વરસાદનું યલો એલર્ટ આપવામાં આવ્યું છે.
ટોપ સ્ટોરી
ટ્રેન્ડિંગ સમાચાર
