શોધખોળ કરો

આગામી ત્રણ કલાકમાં આ જિલ્લામાં વાવાઝોડા સાથે વરસાદ પડશે, જાણો અન્ય ક્યા વિસ્તારને મેઘરાજા ઘમરોળશે

પોરબંદર, ગીર સોમનાથ, ભાવનગરમાં હળવા વાવાઝોડા સાથે વરસાદની શક્યતા છે તો અમરેલી, ભરૂચ, સુરતમાં પવન સાથે વરસાદની આગાહી છે.

Written By : gujarati.abplive.com | Updated at : 19 Jul 2023 11:30 AM (IST)

In the next three hours there will be rain with thunderstorm in Junagadh, Know which other areas are forecasted for rain આગામી ત્રણ કલાકમાં આ જિલ્લામાં વાવાઝોડા સાથે વરસાદ પડશે, જાણો અન્ય ક્યા વિસ્તારને મેઘરાજા ઘમરોળશે

ગીર સોમનાથમાં ભારે વરસાદ

Rain Forecast: અવિરત વરસાદની વચ્ચે રાજ્યમાં આગામી ત્રણ કલાક માટે હવામાન વિભાગે વરસાદની આગાહી કરી છે. હવામાન વિભાગ અનુસાર આગામી ત્રણ કલાક રાજ્યમાં સાર્વત્રિક વરસાદની આગાહી કરવામાં આવી છે. જેમાં જૂનાગઢ જિલ્લામાં વાવાઝોડા સાથે ભારે વરસાદની શક્યતા દર્શાવવામાં આવી છે.

આ ઉપરાંત પોરબંદર, ગીર સોમનાથ, ભાવનગરમાં હળવા વાવાઝોડા સાથે વરસાદની શક્યતા છે તો અમરેલી, ભરૂચ, સુરતમાં પવન સાથે વરસાદની આગાહી છે. નવસારી, આણંદ, અમદાવાદમાં પણ પવન સાથે વરસાદની શક્યતા છે. તો વલસાડ, ડાંગ, તાપી, ખેડામાં મધ્યમ વરસાદ પડી શકે છે. દીવ, દમણ અને દાદરાનગર હવેલીમાં પણ મધ્યમ વરસાદની આગાહી છે.

વહેલી સવારથી વાપીના અલગ અલગ વિસ્તારમાં ધોધમાર વરસાદ પડવાને કારણે પાણી ભરાવાની સ્થિતિ ઉત્પન્ન થઈ હતી જેમાં ગીતા નગર વિસ્તારમાં આવેલી પ્રાથમિક શાળા માં પણ પાણી ભરાયા હતા. ગીતા નગરની આ શાળામાં થોડા જ વરસાદની અંદર પાણી ભરાઈ જતા હોય છે. મુખ્ય માર્ગ પર આવેલી આ શાળામાં આજુબાજુના રસ્તા ઊંચા થઈ ગયા હોય જેને કારણે શાળામાંથી વરસાદી પાણી નીકળી શકતું નથી. હોલ શાળામાં પાણી ભરાઈ જવાને કારણે શિક્ષિકાઓ અને અન્ય કર્મચારીઓ શાળામાં વહેલી તકે આવીને પાણી નિકાલ માટે સ્વયં કામે લાગ્યા હતા. તો બીજી તરફ શાળાનો સામાન બગડી ન જાય તેની પણ વ્યવસ્થામાં તેઓ લાગ્યા હતા. આખા કમ્પાઉન્ડમાં અને લોબીમાં પણ પાણી ભરાઈ જવાને કારણે આજરોજ વિદ્યાર્થીઓને રજા આપવામાં આવી હતી