Gujarat Rain: આગામી ત્રણ કલાકમાં આ જિલ્લાઓમાં તૂટી પડશે વરસાદ, હવામાન વિભાગની આગાહી

ગુજરાતના હવામાન વિભાગ દ્વારા વરસાદને લઈ આગાહી કરવામાં આવી છે.  હવામાન વિભાગની આગાહી પ્રમાણે ગુજરાતમાં કેટલાક જિલ્લાઓમાં આગામી ત્રણ કલાક દરમિયાન વરસાદ વરસી શકે છે.

પ્રતિકાત્મક તસવીર

અમદાવાદ: ગુજરાતના હવામાન વિભાગ દ્વારા વરસાદને લઈ આગાહી કરવામાં આવી છે.  હવામાન વિભાગની આગાહી પ્રમાણે ગુજરાતમાં કેટલાક જિલ્લાઓમાં આગામી ત્રણ કલાક દરમિયાન વરસાદ વરસી શકે છે.   આગામી ત્રણ કલાકમાં ભારે પવન અને ગાજવીજ સાથે   સામાન્યથી મધ્યમ વરસાદની આગાહી કરવામાં આવી છે.  

હવામાન વિભાગના જણાવ્યા અનુસાર, બનાસકાંઠા, દાહોદ, મહીસાગર, નર્મદા, અરવલ્લી, તાપી, વલસાડ, ડાંગ, દાહોદ, દમણ, દાદરા નગર હવેલી  અને કચ્છમાં આગામી ત્રણ કલાકમાં વરસાદની આગાહી કરવામાં આવી છે.  

ગાંધીનગર,  પાટણ,  મહેસાણા,  સાબરકાંઠા,  ખેડા, અમદાવાદ,  આણંદ,  પંચમહાલ,  વડોદરા,  છોટાઉદેપુર,  ભરૂચ,  સુરત,  નવસારી,  સુરેન્દ્રનગર અને  રાજકોટમાં સામાન્ય વરસાદની આગાહી હવામાન વિભાગે કરી છે.  

જ્યારે  જામનગર, પોરબંદર, જુનાગઢ, અમરેલી, ભાવનગર, મોરબી, દ્વારકા, ગીર સોમનાથ અને  બોટાદમાં પણ આગામી ત્રણ કલાકમાં વરસાદની આગાહી હવામાન વિભાગ દ્વારા કરવામાં આવી છે. છેલ્લા બે દિવસની સૌરાષ્ટ્રના અનેક જિલ્લાઓમાં મેઘરાજા તોફાની બેટિંગ કરી રહ્યા છે.   

હવામાન વિભાગે રાજ્યમાં આગામી સાત દિવસ માટે ભારે વરસાદની આગાહી કરી છે. જેમાં ચાર જિલ્લામાં ભારેથી અતિભારે વરસાદનું રેડ એલર્ટ આપવામાં આવ્યું છે.

આજે (24 જૂન, 2024):

• રેડ અલર્ટ (ભારે થી અતિ ભારે વરસાદ): જામનગર, દ્વારકા, વલસાડ, દમણ અને દાદરા નગર હવેલી
• ઓરેન્જ અલર્ટ (અતિભારે વરસાદ): જૂનાગઢ, અમરેલી, ભાવનગર, ગીરસોમનાથ, દીવ, સુરત, ડાંગ, નવસારી, તાપી
• યેલો અલર્ટ (ભારે વરસાદ): અરવલ્લી, મહીસાગર, છોટાઉદેપુર, નર્મદા, ભરૂચ

માછીમારોને દરિયો ન ખેડવા સૂચના

• દક્ષિણ ગુજરાતમાં આજે સર્ક્યુલર સાયકલોનિક સિસ્ટમ સક્રિય થયું છે.
• અમદાવાદમાં આજે વરસાદની શક્યતા છે.
• દક્ષિણ ગુજરાતના માછીમારોને આગામી બે દિવસ દરિયામાં ન જવાની સૂચના આપવામાં આવી છે.

આગામી દિવસોમાં વરસાદની આગાહી:

• 25 જૂન: ભારે થી અતિ ભારે વરસાદ – બનાસકાંઠા અને ભારે વરસાદની આગાહી   સાબરકાંઠા, છોટાઉદેપુર, નર્મદા, ડાંગ, વલસાડ, તાપી, દમન, દાદરા નગર હવેલી, જુનાગઢ, અમરેલી, ગીર સોમનાથ
• 26 જૂન: ભારે વરસાદ - પંચમહાલ, વડોદરા, છોટાઉદેપુર, અમરેલી, ભાવનગર, ગીર સોમનાથ
• 27 જૂન: ભારે વરસાદ - નવસારી, વલસાડ, તાપી, દમનદાદરા નગર હવેલી
• 28 જૂન: ભારે વરસાદ - ભરૂચ, ડાંગ, નવસારી, તાપી, ગમન દાદા નગર હવેલી

 

છેલ્લા 24 કલાકમાં 130 તાલુકામાં વરસાદ ખાબક્યો

• 24 કલાકમાં 32 તાલુકામાં એકથી સાડા ત્રણ ઈંચ વરસાદ 
• 24 કલાકમાં મેંદરડા તાલુકામાં સાડા ત્રણ ઈંચ વરસાદ 
• 24 કલાકમાં ખંભાળીયામાં ત્રણ ઈંચ વરસાદ 
• 24 કલાકમાં સંખેડામાં અઢી ઈંચ વરસાદ 
• 24 કલાકમાં સુબીર, તાલાલામાં અઢી ઈંચ વરસાદ 
• 24 કલાકમાં મુન્દ્રા, જૂનાગઢમાં સવા બે ઈંચ વરસાદ 
• 24 કલાકમાં વંથલી, કાલાવડમાં સવા બે ઈંચ વરસાદ 
• 24 કલાકમાં બોટાદ, વિસાવદરમાં બે બે ઈંચ વરસાદ 
• 24 કલાકમાં પાલિતાણા, લોધિકામાં બે ઈંચ વરસાદ
• 24 કલાકમાં સાવરકુંડલામાં વરસ્યો બે ઈંચ વરસાદ
• 24 કલાકમાં ટંકારા, વાલીયામાં વરસ્યો દોઢ દોઢ ઈંચ વરસાદ
• 24 કલાકમાં બોડેલી,માંગરોળમાં વરસ્યો દોઢ ઈંચ વરસાદ 
• 24 કલાકમાં નેત્રંગ, માળીયા હાટીનામાં દોઢ ઈંચ વરસાદ 
• 24 કલાકમાં પડધરી, ચુડામાં દોઢ દોઢ ઈંચ વરસાદ
• 24 કલાકમાં જેતપુર પાવી, ક્વાંટમાં દોઢ દોઢ ઈંચ વરસાદ 
• 24 કલાકમાં કોટડા સાંગાણી, લાઠીમાં સવા ઈંચ વરસાદ 
• 24 કલાકમાં વાપી, મહુવા, બારડોલીમાં એક એક ઈંચ વરસાદ 
• 24 કલાકમાં નસવાડી, લાલપુરમાં પોણો ઈંચ વરસાદ 
• 24 કલાકમાં રાજકોટ શહેરમાં બે ઈંચ વરસાદ 
• 24 કલાકમાં કેશોદ, જામજોધપુર, ડોલવણમાં પોણો ઈંચ વરસાદ
• 24 કલાકમાં ખેરગામ, ધાનપુરમાં પોણો ઈંચ વરસાદ 
• 24 કલાકમાં દાહોદ, નિઝર, સિનોરમાં પોણો ઈંચ વરસાદ