Kheda: ખેડામાં ગેરકાયદે હથિયારની હેરાફેરીનો પર્દાફાશ, સેવાલિયા ચેકપોસ્ટ પર બસમાંથી ઝડપાયો જથ્થો
Kheda Illegal Weapons: પોલીસની પ્રાથમિક તપાસમાં પકડાયેલા આરોપી પાસેથી બે દેશી પિસ્ટલ અને 12 જીવતા કારતૂસ જપ્ત કરવામાં આવ્યા છે

- ખેડા પોલીસે સેવાલિયા ચેકપોસ્ટ પરથી ગેરકાયદે હથિયારો પકડ્યા.
- ઉત્તરપ્રદેશના રાજા અનવર અંસારી પાસેથી પિસ્તોલ, કારતૂસ જપ્ત થયા.
- આ હથિયારો મધ્યપ્રદેશથી લાવી અમદાવાદમાં પહોંચાડવાના હતા.
- પોલીસ આંતરરાજ્ય હથિયાર તસ્કરી નેટવર્કની ઊંડાણપૂર્વક તપાસ કરી રહી છે.
Kheda Illegal Weapons: ખેડા જિલ્લામાં સેવાલિયા ચેકપોસ્ટ પર પોલીસે ઈન્દોરથી અમદાવાદ આવતી એક લક્ઝરી બસમાંથી ગેરકાયદે હથિયારોનો જથ્થો ઝડપી પાડ્યો છે. આ કાર્યવાહી દરમિયાન ઉત્તર પ્રદેશના રાજા અનવર અંસારી નામના શખ્સની ધરપકડ કરવામાં આવી છે, જેણે મધ્યપ્રદેશના જાવલીથી આ હથિયારો લાવ્યા હોવાની કબૂલાત કરી છે.
પોલીસની પ્રાથમિક તપાસમાં પકડાયેલા આરોપી પાસેથી બે દેશી પિસ્ટલ અને 12 જીવતા કારતૂસ જપ્ત કરવામાં આવ્યા છે. આરોપી આ ગેરકાયદે હથિયારોનો જથ્થો અમદાવાદમાં કયા શખ્સને પહોંચાડવાનો હતો તે અંગે સઘન તપાસ શરૂ કરી છે. આંતરરાજ્ય હથિયાર તસ્કરીના આ રેકેટ પાછળ અન્ય કોણ સંડોવાયેલું છે તે શોધી કાઢવા માટે પોલીસ દ્વારા મધ્યપ્રદેશ અને ઉત્તર પ્રદેશ સુધીના નેટવર્કની કડીઓ જોડવામાં આવી રહી છે.
આ પ્રકારની ગેરકાયદે હથિયારોની હેરાફેરી રાજ્યની આંતરિક સુરક્ષા માટે મોટો ખતરો સાબિત થઈ શકે છે. પોલીસની સમયસૂચકતા અને સતર્કતાથી એક મોટો અપરાધ અટકી ગયો છે, ત્યારે આગામી સમયમાં આવા ગુનેગારો પર કડક કાનૂની શંકો ગાળિયો કસાવાથી ગુનાખોરીના પ્રમાણમાં ઘટાડો થવાની સંભાવના છે.
Before You Go
Parshottam Solanki: કોળી સમાજના મુખ્યમંત્રીની પબુભાની ઈચ્છા પર મંત્રી સોલંકીનું પ્રથમ નિવેદન





















