પોલીસ ભરતીને લઈ મોટા સમાચાર: LRD શારીરિક કસોટીનું પરિણામ જાહેર, આ તારીખે લેવાશે લેખિત પરીક્ષા

ગુજરાત પોલીસ ભરતી બોર્ડ દ્વારા લેવાયેલી લોકરક્ષક દળ (LRD) ની ભરતીને લઈ મહત્વના સમાચાર સામે આવ્યા છે.  પોલીસ ભરતી બોર્ડ દ્વારા શારીરિક કસોટીનું  પરિણામ જાહેર કરવામાં આવ્યું છે.

પ્રતિકાત્મક તસવીર

Source : તસવીર સોશિયલ મીડિયા

ગાંધીનગર:  ગુજરાત પોલીસ ભરતી બોર્ડ દ્વારા લેવાયેલી લોકરક્ષક દળ (LRD) ની ભરતીને લઈ મહત્વના સમાચાર સામે આવ્યા છે.  પોલીસ ભરતી બોર્ડ દ્વારા શારીરિક કસોટીનું  પરિણામ જાહેર કરવામાં આવ્યું છે. લોકરક્ષક કેડરની શારીરિક કસોટી પૂર્ણ થતાં તેનું પરિણામ જાહેર કરવામાં આવ્યું છે. રાજ્યના 15 કેન્દ્રો પર યોજાયેલી શારીરિક કસોટી સફળતાપૂર્વક પૂર્ણ થયા બાદ ઉમેદવારો હવે પોતાનું પરિણામ ઓનલાઇન જોઈ શકે છે. મોટી સંખ્યામાં ઉમેદવારો આગામી તબક્કા માટે ક્વોલિફાય થયા છે. વધુ માહિતી બોર્ડની સત્તાવાર વેબસાઈટ gprb.gujarat.gov.in પરથી મળી રહેશે.

➢ શારીરરક કસોટીમાં ઉતીર્ણ  પુરુષ ઉમેદવારોની યાદી 
➢ શારીરરક કસોટીમાં ઉતીર્ણ મહિલા ઉમેદવારોની યાદી  
➢ શારીરરક કસોટીમાં ઉતીર્ણ માજી સૈનિક ઉમેદવારોની યાદી 

કુલ 13,591 જગ્યાઓ માટેની ભરતી પ્રક્રિયા હાથ ધરવામાં આવી હતી

ગુજરાત પોલીસ ભરતી બોર્ડ દ્વારા પોલીસ વિભાગના વર્ગ-3 સંવર્ગ હેઠળ પોલીસ સબ ઈન્સ્પેક્ટર (PSI) અને લોકરક્ષક દળ (LRD) કેડરની કુલ 13,591 જગ્યાઓ માટેની ભરતી પ્રક્રિયા હાથ ધરવામાં આવી હતી. જેમાં LRDની શારીરિક કસોટી માટે 10 લાખ લોકોએ દોડમાં ભાગ લીધો હતો, જેમાંથી 1.10 લાખ લોકો ઉત્તિર્ણ થયા હતા. રાજ્યના 15 જેટલા કેન્દ્રો પર 21 જાન્યુઆરી 2026થી શારીરિક કસોટીનું આયોજન કરવામાં આવ્યું હતું. જાહેર થયેલા આ આંકડાઓમાં કોન્સ્ટેબલ અને PSI બંને કેડરના ઉમેદવારોનો સમાવેશ થાય છે. 

ગુજરાત પોલીસ ભરતી બોર્ડ દ્વારા  જાહેર કરાયેલા નોટિફિકેશન અનુસાર, શારીરિક કસોટીમાં ઉત્તીર્ણ થયેલા પુરુષ, મહિલા તેમજ માજી સૈનિક ઉમેદવારો માટે અલગ-અલગ લિંક દ્વારા વિગત ઉપલબ્ધ કરાવવામાં આવી છે. ઉમેદવારોને પોતાની કેટેગરી મુજબની લિંક પર ક્લિક કરી માહિતી મેળવવાની સલાહ આપવામાં આવી છે.

ઉમેદવારોને વધુ માહિતી માટે સત્તાવાર વેબસાઈટની મુલાકાત લેવા સૂચના આપવામાં આવી

કોઈ ઉમેદવારને પરિણામ અંગે કોઈ વાંધો કે રજૂઆત કરવી હોય તો જરૂરી દસ્તાવેજો સાથે ગુજરાત પોલીસ ભરતી બોર્ડ, ગાંધીનગર ખાતે નિર્ધારિત સમયમર્યાદામાં લેખિતમાં રજૂઆત કરવાની રહેશે. સમયમર્યાદા બાદ મળતી રજૂઆતો માન્ય ગણાશે નહીં. ઉમેદવારોને વધુ માહિતી માટે સત્તાવાર વેબસાઈટની મુલાકાત લેવા સૂચન કરવામાં આવ્યું છે.

પરિણામ જાહેર થયા બાદ કોઈ ઉમેદવારને પોતાની વિગતો કે ગુણ બાબતે કોઈ વાંધો હોય તો 8 એપ્રિલ 2026ના રોજ સાંજે 5:30 વાગ્યા સુધીમાં પોતાની રજૂઆત કરી શકશે.