Gujarat Rain: મહીસાગરના લુણાવાડામાં મેઘરાજાની ધમાકેદાર બેટિંગ, બજારમાં ભરાયા ઘૂંટણસમા પાણી
મહીસાગર જિલ્લામાં આજે સાર્વત્રિક વરસાદી માહોલ જોવા મળ્યો છે. લુણાવાડા શહેરમાં ધોધમાર વરસાદ વરસતા અનેક વિસ્તારોમાં પાણી ભરાઈ ગયા છે.
- મહીસાગર જિલ્લામાં ભારે વરસાદ, લુણાવાડામાં ઘૂંટણસમા પાણી ભરાયા.
- કોઠંબા સહિત અનેક વિસ્તારોમાં જળભરાવથી જનજીવન પ્રભાવિત થયું.
- હાઈવે પર વિઝિબિલિટી ઘટી, વાહનચાલકોને અવરજવરમાં મુશ્કેલી પડી.
- હવામાન વિભાગ દ્વારા આગામી બે દિવસ વરસાદની આગાહી કરાઈ છે.
Mahisagar heavy rain : મહીસાગર જિલ્લામાં આજે સાર્વત્રિક વરસાદી માહોલ જોવા મળ્યો છે. લુણાવાડા શહેરમાં ધોધમાર વરસાદ વરસતા અનેક વિસ્તારોમાં પાણી ભરાઈ ગયા છે. હાટડિયા બજારમાં ઘૂંટણસમા પાણી ભરાતા સ્થાનિકો અને વેપારીઓ પરેશાન થયા છે. બીજી તરફ માંડવી બજાર, હુસૈની ચોક અને વરધરી રોડ સહિતના વિસ્તારોમાં પણ જળભરાવાની સ્થિતિ સર્જાઈ છે. ભારે વરસાદના કારણે શહેરના જનજીવન પર પણ અસર જોવા મળી રહી છે.
લુણાવાડાના હાટડિયા બજારમાં ઘૂંટણસમા પાણી
લુણાવાડા શહેરમાં ભારે વરસાદ બાદ હાટડિયા બજારમાં ઘૂંટણસમા પાણી ભરાઈ ગયા હતા. રસ્તાઓ પર પાણી ભરાતા વાહનચાલકો તેમજ રાહદારીઓને અવરજવરમાં મુશ્કેલીનો સામનો કરવો પડ્યો હતો. બજાર વિસ્તારમાં દુકાનો અને વેપારીઓને પણ પાણી ભરાવાની સમસ્યાનો સામનો કરવો પડ્યો છે. લુણાવાડાના માંડવી બજાર, હુસૈની ચોક અને વરધરી રોડ સહિતના વિસ્તારોમાં વરસાદી પાણીનો જમાવડો થયો છે. ભારે વરસાદ બાદ શહેરના અનેક માર્ગો પર પાણી ભરાતા સામાન્ય જનજીવન પ્રભાવિત થયું છે.
કોઠંબામાં ધોધમાર વરસાદથી રસ્તાઓ પાણીમાં
મહીસાગર જિલ્લાના કોઠંબા તાલુકામાં પણ ધોધમાર વરસાદ વરસ્યો છે. કોઠંબાના બસ સ્ટેન્ડ વિસ્તાર તેમજ લુણાવાડા તરફ જતા માર્ગ સહિતના અનેક વિસ્તારોમાં પાણી ભરાઈ ગયા છે. ભારે વરસાદના કારણે વાહનચાલકોને પણ મુશ્કેલી પડી રહી છે. વરસાદી પાણીના ભરાવા વચ્ચે લુણાવાડાના કેટલાક વિસ્તારોમાં ગટરના પાણી પણ ઉભરાતા હોવાની ફરિયાદો સામે આવી છે. સ્થાનિકોમાં પાલિકાની પ્રિ-મોનસૂન કામગીરીને લઈને નારાજગી જોવા મળી રહી છે. સ્થાનિકોના આક્ષેપ મુજબ યોગ્ય કામગીરીના અભાવે વરસાદ દરમિયાન જળભરાવાની સમસ્યા સર્જાઈ છે.
હાઈવે પર વિઝિબિલિટી ઘટી
મહીસાગર જિલ્લામાં સાર્વત્રિક વરસાદના કારણે હાલોલ-શામળાજી હાઈવે અને લુણાવાડા-અમદાવાદ હાઈવે પર વિઝિબિલિટી ઘટી છે. ભારે વરસાદ વચ્ચે વાહનચાલકોને રસ્તો જોવામાં મુશ્કેલી પડી રહી છે. જેના કારણે હાઈવે પર વાહન ચલાવતી વખતે સાવચેતી રાખવી જરૂરી બની છે. વરસાદના કારણે કેટલાક વિસ્તારોમાં રસ્તાઓ પર પાણી ભરાતા વાહનવ્યવહારને અસર થઈ છે. હાઈવે પર ઓછી વિઝિબિલિટી અને શહેરના વિસ્તારોમાં જળભરાવાના કારણે વાહનચાલકોને મુશ્કેલી પડી રહી છે. ભારે વરસાદ દરમિયાન વાહનચાલકોને ધીમી ગતિએ અને સાવચેતીપૂર્વક વાહન ચલાવવાની જરૂર છે.
આ પણ વાંચો- Gujarat Rain: ગુજરાતમાં એક સાથે 4 સિસ્ટમ સક્રીય, આજે 7 જિલ્લામાં તૂટી પડશે ભારે વરસાદ
જરાતમાં આગામી બે દિવસ વરસાદી માહોલ યથાવત રહેવાની હવામાન વિભાગે આગાહી કરી છે. રાજ્યમાં એકસાથે ચાર સિસ્ટમ સક્રિય થતાં અનેક વિસ્તારોમાં વરસાદ થવાની શક્યતા છે. આજે રાજ્યના કેટલાક જિલ્લાઓમાં ભારે વરસાદને લઈને યલો એલર્ટ જાહેર કરવામાં આવ્યું છે.
Before You Go
Bhavnagar Diamond Industry: ભાવનગરના હીરા ઉદ્યોગ પર મંદીનું લાગ્યું ગ્રહણ
ટોપ સ્ટોરી
ટ્રેન્ડિંગ સમાચાર
