પાટણ જિલ્લામાં નર્મદા કેનાલમાં ગાબડુ પડ્યું, ખેતરોમાં પાણી ફરી વળ્યા
ઉત્તર ગુજરાતમાં ફરી કેનાલમાં ગાબડું પડ્યું છે. આ વખતે પાટણ જિલ્લામાં કેનાલમાં ગાબડું પડ્યું છે. સાંતલપુરમાં નર્મદા કેનાલમાં ગાબડુ પડતા, ખેતરો પાણીથી તરબોળ થઈ ગયા છે.
પાટણ: ઉત્તર ગુજરાતમાં ફરી કેનાલમાં ગાબડું પડ્યું છે. આ વખતે પાટણ જિલ્લામાં કેનાલમાં ગાબડું પડ્યું છે. સાંતલપુરમાં નર્મદા કેનાલમાં ગાબડુ પડતા, ખેતરો પાણીથી તરબોળ થઈ ગયા છે. જારૂસા ગામ પાસે પસાર થતી સાંતલપુર- બામરોલી ડિસ્ટ્રીક કેનાલમાં ભંગાણ સર્જાતા આસપાસના 4થી વધુ ખેતરોમાં પાણી ફરી વળ્યા છે. જીરૂ, રાયડા સહિતનો પાક પલળી જતા ખેડૂતોને મોટું નુકસાન થયું છે.
ખેડૂતોએ નર્મદા વિભાગના અધિકારીઓ પર બેદરકારીનો આરોપ લગાવ્યો છે. ખેડૂતોના મતે, સમારકામ અને સફાઈ વગર કેનાલમાં પાણી છોડાય છે, જેના કારણે અવારનવાર ગાબડા પડવાની ઘટના બને છે.
Gujarat Election Result 2022: સટ્ટાબજારમાં હાર્દિકની જીતનો કેટલો છે ભાવ ? જાણો કઈ બેઠક પર ભાજપની જીત છે મુશ્કેલ
ગુજરાત અને હિમાચલમાં વિધાનસભાની ચૂંટણી પૂર્ણ થયા બાદ હવે પરિણામોની રાહ જોવાઈ રહી છે. 8 ડિસેમ્બરે ચૂંટણીના પરિણામો આવવાના છે, જો કે તે પહેલા એક્ઝિટ પોલના પરિણામો પક્ષોની જીત અને હારની આગાહી કરી રહ્યા છે. ગુજરાતમાં સોમવારે બીજા તબક્કાના મતદાન બાદ આવેલા મોટાભાગના એક્ઝિટ પોલમાં સતત 7મી વખત ભાજપની સરકાર બનવાની આગાહી કરવામાં આવી છે.
મતદાન પૂર્ણ થયા અને એક્ઝીટ પોલ બાદ સટ્ટા બજારમાં પણ ભાજપના પ્રચંડ બહુમતના સંકેત છે. સટ્ટોડીયાઓના મતે ભાજપને 140-142 બેઠક તો આપને 4-6 બેઠક અને કોંગ્રેસને 30-34 બેઠક મળવાનું અનુમાન છે. બીજા તબક્કાના મતદાન અગાઉ સટ્ટાબજારનું સેશન ભાજપને 137-139નું હતું જે વધીને 140-142નું થયું છે.
બનાસકાંઠાની વાવ અને થરાદ બેઠક પર કાંટાની ટક્કરની વચ્ચે મોટો સટ્ટો લાગી રહ્યો છે. સટ્ટાબજારમાં હાર્દિક પટેલની જીતનો ભાવ 90 પૈસા તો અલ્પેશ ઠાકોરની જીતનો ભાવ 80 પૈસા છે. સટ્ટાબજારમાં ખેડબ્રહ્મા , મહેસાણા , ઊંઝા , માણસા , ઈડર , મોરબી , રાજકોટ પશ્ચિમ બેઠક પર ભાજપની જીત નક્કી છે. સટ્ટોડીયાઓને પાટણ બેઠકથી કોંગ્રેસની ઉમેદવાર કિરીટ પટેલની જીત નક્કી લાગી રહી છે. વડોદરા શહેરની તમામ બેઠકો પર સટ્ટોડીયાઓ ભાજપની જીત બેઠક માની રહ્યા છે.
ટ્રેન્ડિંગ સમાચાર
ટોપ સ્ટોરી
