રાજ્ય સરકારની વર્ગ-3 ભરતી માટે લેવાશે સંયુકત પરીક્ષા, CCE પરીક્ષાના નવા નિયમો જાહેર
અગાઉ પ્રિલિમ પરીક્ષા 100 ગુણની લેવાતી હતી, જ્યારે હવે તે 150 ગુણની લેવામાં આવશે. આ ફેરફારથી પરીક્ષાની સ્પર્ધાત્મકતા વધશે અને ઉમેદવારોના જ્ઞાનનું વધુ વ્યાપક મૂલ્યાંકન શક્ય બનશે. આ ઉપરાંત CCE પરીક્ષાના સિલેબસમાં પણ કેટલાક મહત્વપૂર્ણ ફેરફારો કરવામાં આવ્યા છે.
સ્પર્ધાત્મક પરીક્ષાની તૈયારી કરતા ઉમેદવારો માટે મહત્વના સમાચાર સામે આવ્યા છે. ગુજરાત સરકારે વર્ગ 3ની ભરતી પરીક્ષા માટે નવા નિયમો જાહેર કર્યા છે. હવેથી ઓફિસ આસિસ્ટન્ટ, જુનિયર ક્લર્ક, સિનિયર ક્લર્ક, હેડ ક્લર્ક સહિતના વર્ગ-3ની જગ્યાઓ પર ભરતી માટે નવો નિયમ લાગુ પડશે. ગ્રુપ-A અને ગ્રુપ-B ની તમામ જગ્યાઓ માટે એક સમાન પ્રાથમિક પરીક્ષા યોજવામાં આવશે. આ પરીક્ષા 150 ગુણની અને 2 કલાકની રહેશે. ગુજરાતી અને અંગ્રેજીના 15-15 ગુણ રહેશે. સામાન્ય જ્ઞાન અને વર્તમાન પ્રવાહમા ક્વાન્ટીટેટિવ એપ્ટિટ્યુટના હશે, જે 30-30 માર્ક્સના હશે. જ્યારે 60 માર્કસની રિઝનીંગની પરીક્ષા લેવાશે. દરેક ખોટા જવાબ માટે 0.25 નેગેટિવ માર્કિંગ રહેશે.ગ્રુપ-A અને ગ્રુપ-B માટે અલગ-અલગ મુખ્ય પરીક્ષા લેવાશે.ગ્રુપ-Aમાં મુખ્ય પરીક્ષા વર્ણનાત્મક પ્રકારની રહેશે. જેમાં ગુજરાતી ભાષા કૌશલ્ય 100 ગુણની, અંગ્રેજી ભાષા કૌશલ્ય 100 ગુણની અને સામાન્ય અભ્યાસ 150 ગુણના એમ કુલ 350 ગુણના પેપર લેવાશે. જ્યારે ગ્રુપ-Bમાં મુખ્ય પરીક્ષા હેતુલક્ષી પ્રકારની રહેશે. આ પરીક્ષા 200 ગુણની અને 2 કલાકની હશે. પ્રાથમિક પરીક્ષા માત્ર સ્ક્રિનિંગ ટેસ્ટ તરીકે રહેશે, તેના ગુણ અંતિમ મેરિટમાં ગણવામાં આવશે નહીં. અંતિમ પસંદગી મુખ્ય પરીક્ષાના ગુણોના આધારે કરવામાં આવશે.આ સંયુક્ત સ્પર્ધાત્મક પરીક્ષા અંતર્ગત ઓફિસ આસિસ્ટન્ટ, જુનિયર ક્લર્ક, સિનિયર ક્લર્ક, હેડ ક્લર્ક, ઓફિસ સુપરિન્ટેન્ડન્ટ, સબ-રજિસ્ટ્રાર, ઇન્સ્પેક્ટર ઓફ સ્ટેમ્પ્સ સહિત અનેક વર્ગ-3 પદોનો સમાવેશ કરવામાં આવ્યો છે. સચિવાલય, જિલ્લા કલેક્ટર કચેરીઓ, પંચાયત સેવા પસંદગી મંડળ હેઠળની કચેરીઓ અને રાજ્ય સરકારના વિવિધ વિભાગોમાં આ નિયમો લાગુ પડશે.
આ પદ્દો માટે થશે ભરતી
આ સંયુક્ત સ્પર્ધાત્મક પરીક્ષા અંતર્ગત ઓફિસ આસિસ્ટન્ટ, જુનિયર ક્લર્ક, સિનિયર ક્લર્ક, હેડ ક્લર્ક, ઓફિસ સુપરિન્ટેન્ડન્ટ, સબ-રજિસ્ટ્રાર, ઇન્સ્પેક્ટર ઓફ સ્ટેમ્પ્સ સહિત અનેક વર્ગ-3 પદોનો સમાવેશ કરવામાં આવ્યો છે. સચિવાલય, જિલ્લા કલેક્ટર કચેરીઓ, પંચાયત સેવા પસંદગી મંડળ હેઠળની કચેરીઓ અને રાજ્ય સરકારના વિવિધ વિભાગોમાં આ નિયમો લાગુ પડશે.
અગાઉ પ્રિલિમ પરીક્ષા 100 ગુણની લેવાતી હતી, જ્યારે હવે તે 150 ગુણની લેવામાં આવશે. આ ફેરફારથી પરીક્ષાની સ્પર્ધાત્મકતા વધશે અને ઉમેદવારોના જ્ઞાનનું વધુ વ્યાપક મૂલ્યાંકન શક્ય બનશે. આ ઉપરાંત CCE પરીક્ષાના સિલેબસમાં પણ કેટલાક મહત્વપૂર્ણ ફેરફારો કરવામાં આવ્યા છે.
સરકારી સૂત્રોના જણાવ્યા મુજબ, આ નવા નિયમોના અમલ બાદ આગામી દિવસોમાં ગૌણ સેવા પસંદગી મંડળ (GSSSB) દ્વારા વર્ગ-3ની નવી ભરતીની જાહેરાત કરવામાં આવશે.
ટોપ સ્ટોરી
ટ્રેન્ડિંગ સમાચાર
