Gujarat: આગામી 7 દિવસ ઠંડી વધશે, 12 થી 8 જાન્યુઆરી વચ્ચે આ વિસ્તારોમાં માવઠાની આગાહી
Cold Wave: હવામાન વિભાગે જણાવ્યું કે રાજ્યમાં આગામી સાત દિવસ સુધી વાતાવરણ શુષ્ક રહેશે. આ સિવાય આગામી બે દિવસ લઘુત્તમ તાપમાનમાં બેથી ત્રણ ડિગ્રીનો ઘટાડો થશે
Cold Wave: રાજ્યભરમાં ઠંડીનું જોર સતત વધી રહ્યું છે, જાન્યુઆરીમાં આગામી સાત દિવસ તાપમાનનો પાર ગગડશે અને સમગ્ર ગુજરાત ઠંડીમાં ઠૂંડવાશે. હવામાન વિભાગે આગાહી છે કે, ઠંડી સાથે ગુજરાતના કેટલાક વિસ્તારોમાં માવઠું પણ થઇ શકે છે. રાજ્યમાં તાપમાનનો પારો 14થી પણ નીચે જવાનુ અનુમાન છે.
માહિતી પ્રમાણે, ઠંડીનો ચમકારો ગુજરાતભરમાં યથાવત રહેશે, હવામાન વિભાગે આગામી સાત દિવસનું અપડેટ આપ્યુ છે. હવામાન વિભાગે જણાવ્યું કે રાજ્યમાં આગામી સાત દિવસ સુધી વાતાવરણ શુષ્ક રહેશે. આ સિવાય આગામી બે દિવસ લઘુત્તમ તાપમાનમાં બેથી ત્રણ ડિગ્રીનો ઘટાડો થશે. એટલે કે રાજ્યમાં ઠંડીનું પ્રમાણ વધી શકે છે. રાજ્યમાં પવનની દિશા ઉત્તરથી ઉત્તર પૂર્વની જોવા મળી રહી છે. પવનોની દિશામાં ફેરફાર થવાને કારણે ઠંડીનું પ્રમાણ વધ્યું છે. અમદાવાદમાં લઘુત્તમ તાપમાન 13.5 ડિગ્રી નોંધાયું છે. ગુજરાતમાં સૌથી વધુ ઠંડી કચ્છના નલિયામાં પડી રહી છે. નલિયામાં 6.4 ડિગ્રી તાપમાન નોંધાયું છે. આગામી તારીખ 12 થી 18 જાન્યુઆરી સુધી રાજ્યના કેટલાક ભાગોમાં કમોસમી વરસાદ થઈ શકે છે. ઉત્તર ગુજરાત મધ્ય ગુજરાત અને કચ્છના કેટલાક ભાગોમાં માવઠા થવાની પ્રબળ શક્યતાઓ છે.
હવામાન વિભાગની આગાહી અનુસાર રાજ્યમાં ઠંડીમાં આંશિક વધારો થઇ શકે છે. આગામી કેટલાક દિવસે ગુજરાતના અનેક વિસ્તારોમાં કડકડતી ઠંડી જોવા મળે તેવી આગાહી કરવામાં આવી છે. વેસ્ટર્ન ડિસ્ટર્બન્સને કારણે તાપમાનમાં ઘટાડો થાય તેવી આગાહી કરવામાં આવી છે. તેમજ હાલ ઉત્તર પૂર્વથી પૂર્વના પવન ફૂંકાઈ રહ્યાં છે. હવામાન વિભાગની આગાહી અનુસાર આણંદ, અરવલ્લી, દાહોદ, ડાંગ, ગાંધીનગર, જુનાગઢ, ખેડા, પંચમહાલ, રાજકોટ, સાબરકાંઠા સહિતના જિલ્લાઓમાં 14 ડિગ્રી ન્યૂનતમ તાપમાન રહે તેવી શક્યતા છે. વડોદરા, નર્મદા, ડાંગ, છોટાઉદેપુર, ભાવનગર સહિતના જિલ્લાઓમાં 17 ડિગ્રી ન્યૂનતમ તાપમાન રહે તેવી શક્યતા છે. આ ઉપરાંત તાપી, નર્મદા, બોટાદ, ભરૂચ સહિતના જિલ્લાઓમાં 16 ડિગ્રી ન્યૂનતમ તાપમાન રહે તેવી શક્યતા છે. આગામી તારીખ 12 થી 18 જાન્યુઆરી સુધી રાજ્યના કેટલાક ભાગોમાં કમોસમી વરસાદ થઈ શકે છે. ઉત્તર ગુજરાત મધ્ય ગુજરાત અને કચ્છના કેટલાક ભાગોમાં માવઠા થવાની પ્રબળ શક્યતાઓ છે. અમદાવાદ અને ગાંધીનગરના કેટલાક વિસ્તારોમાં પણ હવામાનમાં પલટો આવશે. આ ઉપરાંત દક્ષિણ સૌરાષ્ટ્રના ભાગોમાં ક્યાંક છાંટા પણ પડી શકે છે.
જાન્યુઆરી મહિનામાં સામાન્ય કરતાં વધારે વરસાદ પડવાની શક્યતા છે. સૌરાષ્ટ્ર, કચ્છ અને ઉત્તર ગુજરાતના કેટલાક ભાગોમાં સામાન્ય કરતાં ઓછો વરસાદની આગાહી છે. જ્યારે ફેબ્રુઆરી અને માર્ચમાં સામાન્ય કરતાં વધારે વરસાદ થવાની આગાહી છે. જાન્યુઆરીમાં લઘુત્તમ તાપમાન સામાન્ય કરતાં વધારે રહેશે. સૌરાષ્ટ્ર, કચ્છના મધ્ય અને દક્ષિણ અને ગુજરાતનાં સાઉથ ઇસ્ટના કેટલાક ભાગોમાં સામાન્ય કે સામાન્યથી નીચે રહેવાનું પૂર્વાનુમાન છે.
આ પણ વાંચો
ટ્રેન્ડિંગ સમાચાર
ટોપ સ્ટોરી
