વૂમન્સ ડે પર આશાવર્કર્સના હાલ બેહાલ, પગાર સહિતના મુદ્દે અવાજ ઉઠાવતાં અટકાયત
આજે આંતરરાષ્ટ્રીય વૂમન્સ ડે છે અને આ અવસરે આશાવર્કસ બહેનો તેમની પેન્ડિંગ માંગણીઓને લઇને પરેશાની થતી જોવા મળી. સમયસર પગાર આપવા સહિતને મુદ્દે સત્યાગ્રહ છાવણીમાં ધરણા પ્રદર્શન કર્યું હતું
ગાંધીનગર: આજે સમગ્ર વિશ્વ વૂમન્સના સન્માનમાં ઇન્ટરનેશનલ વૂમન્સ ડેની ઉજવણી કરી રહ્યો છે. ત્યારે આ અવસરે ગાંધીનગરમાં આશાવકર્સ તેમના પેન્ડિંગ પ્રશ્નોને લઇને વિરોધ પ્રદર્શન કરતી જોવા મળી હતી. આ દરમિયાન પોલીસે મહિલાઓની અટકાયત કરી હતી.ગાંધીનગરમાં આશા વર્કર બહેનોએ સત્યાગ્રહ છાવણીમાં ધરણા પ્રદર્શન કર્યું હતું. તેમના પડતર માંગણીમાં ઈન્સેટીવ પ્રથા, ઓનલાઈન કામગીરી બંધ કરવા માગનો સમાવેશ થાય છે. આ ઉપરાંત નોકરીના કલાક નક્કી કરવા, પગાર સમયસર કરવાની માગણી સાથે કાળી પટ્ટી બાંધીને મહિલાઓએ તેમના અધિકારોને લઇને અવાજ ઉઠાવ્યો હતો. આ વિરોધ પ્રદર્શન દરમિયાન આશા વર્કસની અટકાયત કરવામાં આવી હતી. સૂત્રો દ્રારા મળતી માહિતી મુજબ આશાવર્કશ બહેનોએ ધરણા અને વિરોધ પ્રદર્શન રેલી માટે મંજૂરી લીધી ન હતી. મહિલા દિવસના અવસરે આ મહિલા કર્મચારીઓ ઘરણા કરીને તેમના સળગતા પ્રશ્નો સામે સરકારનું ધ્યાન દોરવા ઇચ્છતી હતી. આશાવર્કસ તેમના પ્રશ્નો ન ઉકેલાતા રોષમાં જોવા મળ્યાં હતા. આક્રોશ અને માયુસી સાથે આશાવર્કસનું કહેવાનું હતું કે, "જો ખરા અર્થમાં વૂમન્સનું સન્માન કરવા ઇચ્છો અને ખરા અર્થમાં વૂમન્સ ડેની ઉજવણી કરવા ઇચ્છતાં હોય તો પહેલા ગુજરાતની આશા વર્કર, આશા ફેસિલિટેટર, આંગણવાડીની બહેનો અને મધ્યાહન ભોજનના કર્મચારીઓને તેમનો બંધારણીય હક લઘુત્તમ વેતન આપીને તેમને આર્થિક રીતે સશક્ત કરો"
એક આશા વર્કરે મીડિયા સમક્ષ પોતાની વ્યથા રજૂ કરતા જણાવ્યું કે,વધુમાં તેમણે ઉમેર્યું કે, ઉદ્યોગપતિઓેને જો જમીન આપવાની હોય કે મોટા કોન્ટ્રાક્ટ આપવાના હોય તો નવા નિયમો બની જાય છે. પરંતુ બંધારણની અંદર જે નિયમ છે લઘુત્તમ વેતનનો તેનું પાલન કરવા માટે આ લોકો તૈયાર નથી. આ સ્પષ્ટ દેખાઈ રહ્યું છે કે, સરકારને આ SC, ST અને OBCની પછાત તથા ગરીબ મહિલાઓને ન્યાય આપવામાં જરાય રસ નથી. આક્રોશ વ્યકત કરતા જણાવ્યું કે, , સરકારને ખબર છે કે કેટલાય વર્ષોથી આશા વર્કર બહેનો પીડાઈ રહી છે. તેમની માંગણીઓ નાની નાની છે, લઘુત્તમ વેતનથી લઈને અન્ય પ્રશ્નો છે. પરંતુ આજદિન સુધી જાણતા હોવા છતાં અજાણ્યા બનવાનો ઢોંગ કરી રહ્યા છે અને મહિલાઓને મદદ કરવા તૈયાર નથી.તેમના બિલ્ડરોને જો કોઈ નુકસાન થવાનું હોય તો રાતોરાત નિયમો બદલાઈ જાય છે.
ટોપ સ્ટોરી
ટ્રેન્ડિંગ સમાચાર
