ખેડામાં દારૂની મહેફિલ પર પોલીસના દરોડા, મહેમદાવાદના કૉંગ્રેસના પૂર્વ ધારાસભ્ય સહિત સાત ઝડપાયા

ખેડાના કતકપુર નજીક ગોડાઉન પાસે ચાલતી દારૂની મહેફિલ પર પોલીસે દરોડા પાડ્યા હતા.

ખેડાઃ ખેડામાં દારૂની મહેફિલ પર પોલીસે દરોડા પાડ્યા હતા. મળતી જાણકારી અનુસાર ખેડાના કતકપુર નજીક ગોડાઉન પાસે ચાલતી દારૂની મહેફિલ પર પોલીસે દરોડા પાડ્યા હતા.પોલીસે દારૂની મહેફિલ માણતા સાત લોકોને ઝડપ્યા હતા.મહેમદાવાદના કૉંગ્રેસના પૂર્વ ધારાસભ્ય ગૌતમ ચૌહાણ સહિત સાત જણા દારૂની મહેફિલ માણતા ઝડપાયા હતા. તમામને ખેડા ટાઉન પોલીસ લાવવામાં આવ્યા હતા.

આ મામલે ગૌતમ ચૌહાણે કહ્યું કે હું તો મારા મતદારભાઇને મળતા જતો હતો. હું કોઇ દિવસ પીતો નથી. હું મતદારભાઇને મળતા જતો હતો ત્યારે પોલીસ મને પકડીને અહી લાવી છે. તમારે આવવાનું છે તેમ કહીને પોલીસ મને અહી લાવી છે. પોલીસ મને છેતરીને અહી લાવી છે.

રાધનપુરમાં યુવતી પર હુમલો

રાધનપુરના શેરગઠ ગામે યુવતી પર જીવલેણ હુમલો થતાં આખા ગામમાં હાહાકાર મચી ગયો છે. એક યુવકે યુવતી પર હુમલો કર્યો હતો. યુવતી ગંભીર રીતે ઘાયલ થતા 108 એમ્બ્યુલન્સ દ્વારા રાધનપુર સારવાર અર્થે હોસ્પિટલમાં ખસેડવામાં આવી છે. રાધનપુર પોલીસે  સમગ્ર ઘટના બાબતે તપાસ શરૂ કરી છે. હાલ કોઈ કારણ પોલીસ કહેતી નથી.

મળતી વિગતો પ્રમાણે, અત્યારે પોલીસ દ્વારા આરોપીને ઝડપી લેવામાં આવ્યો છે. આરોપીની પૂછપરછ પછી વધુ વિગતો સામે આવશે. આ ઘટનાને પગલે સમગ્ર પંથકમાં ભારે ચકચાર મચી ગઈ છે.  ઘટનાની જાણ થતાં પોલીસ ઘટનાસ્થળે દોડી આવી હતી અને તપાસનો ધમધમાટ શરૂ કરવામાં આવ્યો છે. આ હુમલાની ઘટનાને પગલે લોકોના ટોળા એકઠા થઈ ગયા હતા તેમજ યુવતીને 108 મારફત હોસ્પિટલમાં ખસેડવામાં આવી છે. 

ગુજરાતમાં એક જ દિવસમાં બે-બે સગીરા પર દુષ્કર્મની ઘટનાથી ખળભળાટ, જાણો સંપૂર્ણ વિગત

સુરતઃ ગુજરાતમાં આજે એક જ દિવસમાં સગીરા પર દુષ્કર્મની બે-બે ઘટના સામે આવી છે. છોટાઉદેપુરના બોડેલી ખાતે અભ્યાસ અર્થે આવેલ વિદ્યાર્થિની સાથે દુષ્કર્મ આચર્યું છે. ફોટા વાયરલ કરી બદનામ કરવાની ધમકી આપી 15 વર્ષની તરૂણી સાથે દુષ્કર્મ  આચર્યું હતું. ડુમા ગામ પાસે ડુંગરમાં લઈ જઈ બદકામ કર્યું. છેલ્લા બે વર્ષથી અવારનવાર દુષ્કર્મ આચાર્યાનો આક્ષેપ થયો છે. સગીરાની માતાએ બોડેલી પોલીસ મથકે ફરિયાદ નોંધાવી છે. જોકે, આરોપી ફરાર થઈ ગયા છે.