Kheda Rain: ખેડા જિલ્લામાં વીજળીના કડાકા ભડાકા સાથે ધોધમાર વરસાદ
હવામાન વિભાગની આગાહી વચ્ચે રાજ્યના અનેક જિલ્લાઓમાં કમોસમી વરસાદ વરસી રહ્યો છે. ખેડા જિલ્લાના વાતાવરણમાં પણ અચાનક જ પલટો આવ્યો છે.
નડીયાદ: હવામાન વિભાગની આગાહી વચ્ચે રાજ્યના અનેક જિલ્લાઓમાં કમોસમી વરસાદ વરસી રહ્યો છે. ખેડા જિલ્લાના વાતાવરણમાં પણ અચાનક જ પલટો આવ્યો છે. વાદળછાયા વાતાવરણ વચ્ચે કમોસમી વરસાદ વરસ્યો છે. ખેડા જિલ્લામાં ભારે પવન ફૂંકાયો હતો. અનેક ગામડાઓમાં વરસાદની શરુઆત થઈ છે.
બપોર પછી એકાએક વાતાવરણમાં પલટો આવ્યો હતો. ભારે પવન સાથે વરસાદની શરૂઆત થઈ હતી. ખેડાના સાયલા, ભલાડા, પરીયેજ, શેખુપુર સહિતના ગામડાઓમાં ભારે પવન ફૂંકાયો હતો. અચાનક પવન ફુંકાતા ધૂળની ડમરીઓ ઉડી હતી અને ભારે પવન સાથે વરસાદની પણ શરૂઆત થઈ હતી.
ભારે પવન સાથે વરસાદ પડતા ખેડૂતોના પાકને વ્યાપક નુકસાનની ભીતિ છે. ભારે પવનના કારણે બાઇક ચાલકો વાહન પણ ચલાવી શકે તેવી સ્થિતિમાં નથી. લોકો ભારે પવનના કારણે જે તે જગ્યાએ ઉભા રહી ગયા હતા. વીજળીના કડાકા ભડાકા સાથે ધોધમાર વરસાદ ખાબક્યો છે.
માતરમાં વરસાદ
ખેડા જિલ્લાના માતર પંથકમા વાતાવરણમાં પલટો આવ્યો છે. સીંજીવાડા , પરીએજ, બામણગામ , સાયલા ગામ જેવા વિસ્તારોમા વાવાઝોડા સાથે ધોધમાર વરસાદ વરસ્યો છે. વાવાઝોડા સાથે વરસાદ આવતા રોડ પર અનેક વૃક્ષો ધરાશાયી થયા છે. કમોસમી વરસાદ આવતા ખેડૂતોના મહામુલા ઉનાળુ ડાંગરના પાકને નુકસાન થવાની શક્યતા છે. પવન સાથે વિજળીના કડાકા ભડા ભડાકા સાથે વરસાદ શરુ થયો છે.
બોટાદ જિલ્લામાં કરા સાથે વરસાદ વરસ્યો
બોટાદ તાલુકાના પાળીયાદ ગામ સહિત રાણપુર તાલુકાના રાણપુર સહિત મોટી વાવડી ગામે કમોસમી વરસાદ શરૂ થયો છે. કમોસમી વરસાદ પડતાં ખેડૂતોના જુવાર, બાજરી, તલ સહિતના ઉનાળુ પાકને મોટાપાયે નુકશાન થવાની શક્યતા છે.
ભાવનગર જિલ્લાના વાતાવરણમાં પલટો
ભાવનગર જિલ્લાના વાતાવરણમાં પલટો આવ્યો છે. ભાવનગર જિલ્લામાં વાતાવરણ અચાનક પલટો આવ્યો હતો. વાદળછાયા વાતાવરણ વચ્ચે કમોસમી વરસાદ શરૂ થયો છે. ભાવનગર-રાજકોટ હાઇવે રોડ પર સિહોર, સોનગઢ, સણોસરા સહિતના વિસ્તારના ગામોમાં હળવો વરસાદ શરૂ થયો છે.
આજે આ જિલ્લાઓમાં કરાઈ છે વરસાદની આગાહી
આજે સોમવાર 5મેના દિવસે પણ રાજ્યના અનેક જિલ્લાઓમાં વરસાદની આગાહી કરવામાં આવી છે. જેમાં કચ્છ, બનાસકાંઠા, અમરેલી, ભાવનગર અને બોટાદ સહિતના જિલ્લાઓનો સમાવેશ થાય છે. સુરત, તાપી, નવસારી, ડાંગ અને વલસાડમાં છૂટાછવાયા સ્થળો પર વરસાદની આગાહી કરાઈ છે.
આગામી પાંચ દિવસ તાપમાનમાં 2 થી 3 ડિગ્રી ઘટશે. હાલ સાયકલોનિક સર્ક્યુલેશન સક્રિય થતા વરસાદની આગાહી કરાઈ છે. રાજ્યમાં અચાનક હવામાનમાં પલટો આવ્યો છે. ગુજરાતના અનેક જિલ્લાઓમાં વરસાદ પડ્યો છે. હવામાન વિભાગ દ્વારા વરસાદને લઈ આગાહી પણ કરવામાં આવી છે. આજે પણ વરસાદને લઇ ઓરેન્જ એલર્ટ જાહેર કરવામાં આવ્યું છે. 8મે સુધી રાજ્યમાં વરસાદની આગાહી કરવામાં આવી છે.
ટોપ સ્ટોરી
ટ્રેન્ડિંગ સમાચાર
