Gujarat Rain: રાજ્યના આ જિલ્લાઓમાં ખાબકશે ધોધમાર વરસાદ, જાણો લેટેસ્ટ આગાહી
રાજ્યમાં ચોમાસાની ધમાકેદાર એન્ટ્રી થઈ છે. છેલ્લા એક મહિનાથી વરસાદ વરસી રહ્યો છે. ચોમાસાની શરૂઆતમાં જ રાજ્યના અનેક જિલ્લાઓમાં મેઘરાજા મન મૂકીને વરસ્યા છે.
Gujarat Rainfall : રાજ્યમાં ચોમાસાની ધમાકેદાર એન્ટ્રી થઈ છે. છેલ્લા એક મહિનાથી વરસાદ વરસી રહ્યો છે. ચોમાસાની શરૂઆતમાં જ રાજ્યના અનેક જિલ્લાઓમાં મેઘરાજા મન મૂકીને વરસ્યા છે. સૌરાષ્ટ્રથી લઇને ઉત્તર, મધ્ય અને દક્ષિણ ગુજરાતમાં વરસાદી કહેર જોવા મળ્યો છે. ગુજરાતમાં બે મોટી વરસાદી સિસ્ટમ સક્રિય થઇ છે. આ સિસ્ટમના કારણે ગુજરાત પર ભારે વરસાદની આગાહી કરવામાં આવી છે.
હવામાન વિભાગની આગાહી અનુસાર જુલાઈ મહિનાની શરૂઆત સાથે જ ભારેથી અતિભારે વરસાદ વરસી શકે છે. અપર એર સાયકલોનિક સર્ક્યુલેશન સિસ્ટમ રાજસ્થાન ગુજરાતમાં સર્કિય થયું છે. જેના કારણે કેટલાક જિલ્લાઓ પ્રભાવિત થયા છે. આ કારણે ભારે પવન સાથે વીજળીના કડાકા ભડાકા સાથે ગુજરાત રાજ્યમાં વરસાદ આવશે.
આજે આ જિલ્લાઓમાં વરસાદની આગાહી
ગુજરાતના સૌરાષ્ટ કચ્છમાં વરસાદની આગાહી છે. આ ઉપરાંત દક્ષિણ ગુજરાતમાં આહવા, ડાંગ, વલસાડ, સુરત તથા નવસારી માં ભારેોતા અતિભારે વરસાદની શક્યતા છે. વડોદરા, ખંભાત, બોડેલી, મહીસાગર, પંચમહાલ, તાપી નર્મદાના ભાગોમાં ભારેથી અતિભારે વરસાદની શક્યતા છે. ઉત્તર ગુજરાતના અરવલ્લી, સાબરકાંઠા, મહેસાણા, બનાસકાંઠાના પાલનપુર, કાંકરેજ, થરાદના ભાગોમાં ભારે વરસાદની શક્યતા છે. દસાડા, માંડલ આજુબાજુના વનપરડી, કડવાસણ ગ્રામ્ય વિસ્તારોમાં ભારે વરસાદની શક્યતા છે. સાણંદ, ધોળકા, લખતર, લિંબડી, વઢવાણ, સુરેન્દ્રનગર, હળવદ, ધ્રાંગધ્રા, મોરબી, ચોટીલા તથા થાનના ભાગોમાં ભારે વરસાદ આવી શકે છે.
છેલ્લા 24 કલાકમાં 191 તાલુકામાં વરસાદ
રાજ્યમાં ચોમાસાની ધમાકેદાર બેટિંગ થઇ રહી છે, છેલ્લા એક મહિનાથી ગુજરાતમાં મેઘરાજાએ જ્યાં જુઓ ત્યાં પાણી પાણી કરી દીધુ છે. ઉત્તરથી લઇને મધ્ય અને દક્ષિણ ગુજરાત ઉપરાંત સૌરાષ્ટ્રમાં વરસાદે કહેર વર્તાવ્યો છે. હવામાન વિભાગે છેલ્લા 24 કલાકના આંકડા જાહેર કર્યા છે, જેમાં 191 તાલુકાઓમાં વરસાદ ખાબક્યો છે અને સૌથી વધુ વરસાદ વ્યારામાં પડ્યો છે.
હવામાન વિભાગના તાજા આંકડા પ્રમાણે, ગુજરાતના 191 તાલુકામાં નોંધપાત્ર વરસાદ ખાબક્યો છે. સૌથી વધુ વરસાદ તાપીના વ્યારામાં 3.82 ઈંચ વરસાદ વરસ્યો છે. જ્યારે જામનગરના કાલાવાડમાં 3.2 ઈંચ વરસાદ નોંધાયો છે. પંચમહાલના કલોલમાં 3.11, પોરબંદરના રાણાવાવમાં 3.07 ઈંચ વરસાદ નોંધાયો છે. રાજ્યના 16 તાલુકામાં 2 ઈંચથી વધુ વરસાદ ખાબક્યો છે. આ સિવાય ઘણા તાલુકાઓમાં સામાન્યથી લઈને હળવો વરસાદ વરસ્યો છે.
ટોપ સ્ટોરી
ટ્રેન્ડિંગ સમાચાર
