Gujarat Rain: રાજ્યના વાતાવરણમાં આવશે પલટો, વીજળીના કડાકા સાથે વરસાદની આગાહી
ગુજરાતના વાતાવરણમાં ફરી એક વખત પલટો આવશે. હવામાન વિભાગે રાજ્યમાં કમોસમી વરસાદની આગાહી કરી છે.
- રાજ્યમાં 5 એપ્રિલ સુધી કમોસમી વરસાદની આગાહી.
- અમદાવાદ સહિત અનેક જિલ્લાઓમાં ગાજવીજ સાથે વરસાદ પડશે.
- સાયક્લોનિક સર્ક્યુલેશન અને વેસ્ટર્ન ડિસ્ટર્બન્સની અસર જોવા મળશે.
- ઉત્તર, દક્ષિણ ગુજરાત અને સૌરાષ્ટ્ર-કચ્છમાં વરસાદની આગાહી.
અમદાવાદ: ગુજરાતના વાતાવરણમાં ફરી એક વખત પલટો આવશે. હવામાન વિભાગે રાજ્યમાં કમોસમી વરસાદની આગાહી કરી છે. રાજ્યમાં ભર ઉનાળે હવામાન વિભાગે વરસાદની આગાહી કરી છે. આગામી 5 એપ્રિલ સુધી વાતાવરણમાં પલટો રહેશે. આજે પણ રાજ્યના કેટલાક જિલ્લાઓમાં ગાજવીજ સાથે વરસાદની આગાહી કરવામાં આવી છે. અમદાવાદમાં આજે વરસાદ વરસી શકે છે.
હવામાન વિભાગની આગાહી મુજબ, પવનના ભારે તોફાન અને વિજળીના કડાકા સાથે વરસાદની આગાહી કરવામાં આવી છે. સાયક્લોનિક સર્ક્યુલેશન અને ટ્રફ લાઈનના કારણે વરસાદની આગાહી કરવામાં આવી છે. સાયક્લોનિક સર્ક્યુલેશન સિસ્ટમની પણ અસર થશે. રાજ્યના અનેક જિલ્લાઓના વાતાવરણમાં પલટો આવશે. હવામાન વિભાગે અનેક જિલ્લાઓમાં ભારે પવન સાથે વરસાદની આગાહી કરી છે.
વેસ્ટર્ન ડિસ્ટર્બન્સ પણ સક્રિય હોવાથી વરસાદની આગાહી હવામાન વિભાગ દ્વારા કરવામાં આવી છે. ઉત્તર ગુજરાત, દક્ષિણ ગુજરાત અને સૌરાષ્ટ્ર-કચ્છમાં વરસાદની આગાહી કરવામાં આવી છે. મધ્ય ગુજરાતમાં પણ વાદળછાયું વાતાવરણ રહેશે. હવામાન વિભાગે આજે અમદાવાદ શહેરમાં હળવા વરસાદની સંભાવના વ્યક્ત કરી છે. રાજ્યના અનેક જિલ્લાઓમાં આજે વાદળછાયું વાતાવરણ રહેશે.
આજે આ જિલ્લાઓમાં વરસાદની આગાહી
હવામાન વિભાગની આગાહી અનુસાર, આજે બનાસકાંઠા, પાટણ, મહેસાણા, સાબરકાંઠા, ગાંધીનગર, અરવલ્લી, અમદાવાદ, દાહોદ, મહીસાગર, ડાંગ, નવસારી, વલસાડ, દમણ, દાદરાનગર હવેલી, સુરેન્દ્રનગર, જામનગર, પોરબંદર, મોરબી, દ્વારકા અને કચ્છમાં વરસાદની આગાહી કરવામાં આવી છે. આ સિવાય 2 અને 3 એપ્રિલે પણ ફરી વાતાવરણમાં પલટા સાથે વરસાદની આગાહી કરવામાં આવી છે.
2026 માં પ્રી-મોન્સૂન સીઝનના આગમન સાથે ઘણા રાજ્યોમાં વરસાદ ફરી શરૂ થયો છે. પ્રી-મોન્સૂનની દેશ પર અસર પડશે. પરિણામે, ભારતીય હવામાન વિભાગ (IMD) એ આગામી ચાર દિવસ માટે ઘણા રાજ્યો માટે ભારે વરસાદની ચેતવણી જારી કરી છે.
ઝરમર વરસાદ માટે પણ ચેતવણી જારી કરવામાં આવી
દેશના ઘણા ભાગોમાં પ્રી-મોન્સૂન અસર જોવા મળશે. પરિણામે, હવામાન વિભાગે આગામી ચાર દિવસમાં ઉત્તર પશ્ચિમ ભારત, પૂર્વ અને મધ્ય ભારત, દક્ષિણ ભારત, પશ્ચિમ ભારત અને ઉત્તરપૂર્વ ભારતના ઘણા ભાગોમાં હળવાથી મધ્યમ વરસાદ માટે ચેતવણી જારી કરી છે. આ સમયગાળા દરમિયાન, ઘણી જગ્યાએ ભારે પવન, વીજળી અને કરા પડવાની પણ ચેતવણી આપવામાં આવી છે.
Before You Go
Mumbai | મુંબઈની ઈમારતમાં આગ લાગતા એકનું મોત, 10થી વધુ લોકોનું કરાયું રેસ્ક્યૂ
ટોપ સ્ટોરી
ટ્રેન્ડિંગ સમાચાર
