Gujarat Rain: રાજ્યમાં ફરી ખાબકશે કમોસમી વરસાદ, 7 જિલ્લામાં બે દિવસ વરસાદની આગાહી
રાજ્યમાં ફરી વાતાવરણમાં પલટો આવશે અને કમોસમી વરસાદ વરસશે. રાજ્યના હવામાન વિભાગ દ્વરાા 7 જિલ્લાઓમાં વરસાદની આગાહી કરવામાં આવી છે.
- રાજ્યમાં હાલ 40 ડિગ્રી તાપમાન, ગરમીનો અનુભવ.
- 19 થી 21 એપ્રિલ દરમિયાન કમોસમી વરસાદની આગાહી.
- સાત જિલ્લાઓમાં હળવોથી મધ્યમ વરસાદની શક્યતા.
Gujarat Rain Alert : ગુજરાતમાં હાલ કાળઝાળ ગરમી પડી રહી છે. મોટા ભાગના વિસ્તારમાં તાપમાન 40 ડિગ્રીની નજીક છે. તાપમાન વધતાં મોટાભાગના વિસ્તારમાં લોકો ગરમીનો અનુભવ કરી રહ્યાં છે. જો કે મહત્વની વાત એ છે કે, રાજ્યમાં ફરી વાતાવરણમાં પલટો આવશે અને કમોસમી વરસાદ વરસશે. રાજ્યના હવામાન વિભાગ દ્વરાા 7 જિલ્લાઓમાં વરસાદની આગાહી કરવામાં આવી છે.
હવામાન વિભાગની આગાહી અનુસાર, વધુ એક સિસ્ટમ એક્ટિવ થતાં ગુજરાતમાં 19 એપ્રિલથી તાપમાનનો પારો ગગડશે અને મોટાભાગના વિસ્તારમાં વાદળછાયું વાતાવરણ જોવા મળશે. 19 એપ્રિલથી 21 એપ્રિલ દરમિયાન વરસાદનું અનુમાન છે. 19થી 21 દરમિયાન કમોસમી વરસાદ વરસશે. જેની સૌથી વધુ અસર દક્ષિણ ગુજરાત અને સૌરાષ્ટ્રના દરિયાકાંઠાના વિસ્તારમાં જોવા મળી શકે છે. આ સિવાય પણ સૌરાષ્ટ્રના અનેક જિલ્લાઓમાં વાદળછાયું વાતાવરણ રહેશે.
રાજ્યના આ જિલ્લાઓમાં પડશે કમોસમી વરસાદ
હવામાન વિભાગની આગાહી મુજબ ઉત્તર ગુજરાત અને સૌરાષ્ટ્રના વિસ્તારોમાં હળવોથી મધ્યમ વરસાદ વરસી શકે છે. આગાહી અનુસાર, સાબરકાંઠા, દાહોદ, મહીસાગર,અરવલ્લી, પંચમહાલ, ભાવનગર અને અમરેલી જિલ્લામાં માવઠું પડવાની શક્યતા છે. રાજસ્થાન પર સર્જાયેલું અપર એર સાયક્લોનિક સર્ક્યુલેશન હવામાનમાં પલટા માટે જવાબદાર છે. આ સિસ્ટમને કારણે ભેજવાળા પવનો ફૂંકાશે.
18 એપ્રિલ સુધી રાજ્યમાં કાળઝાળ ગરમી અને બફારો ચાલુ રહેશે. ખાસ કરીને સૌરાષ્ટ્ર-કચ્છના દરિયાકાંઠાના વિસ્તારોમાં ગરમીનું જોર વધી શકે છે. અમદાવાદમાં તાપમાનનો પારો 40 ડિગ્રીની આસપાસ રહેવાની શક્યતા છે. સૌરાષ્ટ્રના ઘણા શહેરોમાં તાપમાન સતત વધી રહ્યું છે.
19 એપ્રિલે કયાં પડશે વરસાદ
19 એપ્રિલના રોજ વરસાદનું અનુમાન વ્યક્ત કરવામાં આવ્યું છે. દીવ, ગીર સોમાથ, જૂનાગઢ, અમરેલી, ભાવનગર, બોટાદ, સુરેન્દ્રનગર, રાજકોટ, પોરંબદર, જામનગર, મોરબી, અમદાવાદ, આણંદ, ખેડા, સુરત, વલસાડ, દમણ દાદરા નગર હવેલી, પંચમહાલ, પાટણ, વાવ, થરાદમાં વાદળછાયા વાતાવરણ વચ્ચે છૂટછવાયો હળવો વરસાદ વરસી શકે છે.
19 એપ્રિલથી 21 એપ્રિલ દરમિયાન વરસાદનું અનુમાન
હવામાન વિભાગે 19 એપ્રિલથી 21 એપ્રિલ દરમિયાન વરસાદનું અનુમાન વ્યક્ત કર્યું છે. વધુ એક સિસ્ટમ એક્ટિવ થતાં ગુજરાતમાં 19 એપ્રિલથી તાપમાનનો પારો ગગડશે અને મોટાભાગના વિસ્તારમાં વાદળછાયું વાતાવરણ જોવા મળશે અને 19થી 21 દરમિયા કમોસમી વરસાદ વરસશે. જેની સૌથી વધુ અસર દક્ષિણ ગુજરાત અને સૌરાષ્ટ્રના દરિયાકાંઠાના વિસ્તારમાં જોવા મળશે.
Before You Go
Gujarat Government: રાજ્યના ખેડૂતો માટે સરકારનો મહત્વનો નિર્ણય
ટોપ સ્ટોરી
ટ્રેન્ડિંગ સમાચાર
