(Source: ECI/ABP News)
Gir Somnath Rain: ગીર સોમનાથના વાતાવરણમાં આવ્યો પલટો, તુલસીશ્યામમાં ખાબક્યો વરસાદ
ગીર સોમનાથના તુલસીશ્યામમાં કાળઝાળ ગરમી વચ્ચે વરસાદ ખાબક્યો છે. ગીર ગઢડા તાલુકાના તુલસીશ્યામમાં કમોસમી વરસાદ વરસ્યો છે.
- ગીર સોમનાથ, દાહોદ, મહેસાણામાં કમોસમી વરસાદ ખાબક્યો.
- અચાનક પલટો: બફારા બાદ વરસાદથી ખેડૂતો ચિંતિત.
- સાયક્લોનિક સર્ક્યુલેશન, વેસ્ટર્ન ડિસ્ટર્બન્સ સક્રિય.
ગીર સોમનાથ : રાજ્યમાં ફરી એક વખત વરસાદી માહોલ જામ્યો છે. હવામાન વિભાગની વરસાદની આગાહી વચ્ચે ગીર સોમનાથ જિલ્લાના વાતાવરણમાં અચાનક પલટો આવ્યો છે. ગીર સોમનાથના તુલસીશ્યામમાં કાળઝાળ ગરમી વચ્ચે વરસાદ ખાબક્યો છે. ગીર ગઢડા તાલુકાના તુલસીશ્યામમાં કમોસમી વરસાદ વરસ્યો છે. અસહ્ય ગરમી અને બફારા વચ્ચે વાતાવરણમાં પલટો આવ્યો હતો.
જંગલ વિસ્તારોમાં અચાનક વરસાદ ખાબક્યો
તુલસીશ્યામ અને આસપાસના જંગલ વિસ્તારોમાં અચાનક વરસાદ ખાબક્યો છે. અસહ્ય બફારા બાદ વાતાવરણમાં અચાનક પલ્ટો આવ્યો હતો. અચાનક વરસેલા વરસાદથી ઉનાળુ પાકને નુકસાનની ભીતિ છે. કમોસમી વરસાદને લઈ ખેડૂતોમાં ચિંતા વ્યાપી છે. હવામાન વિભાગ દ્વારા આજે વરસાદની આગાહી કરવામાં આવી હતી.
રાજ્યમાં ડબલ ઋતુનો અનુભવ થઈ રહ્યો છે. આજે રાજ્યના અનેક તાલુકાઓમાં વરસાદી માહોલ જોવા મળ્યો છે. અનેક તાલુકાઓમાં વરસાદી ઝાપટા પડ્યા છે. વાતાવરણમાં અચાનક પલટો આવતા કમોસમી વરસાદ વરસ્યો છે. સાયક્લોનિક સર્ક્યુલેશન અને વેસ્ટર્ન ડિસ્ટર્બન્સ જેવી સિસ્ટમ સક્રિય થતા અચાનક વાતાવરણમાં પલટો આવ્યો છે.
રાજ્યમાં વરસી રહેલા કમોસમી વરસાદથી સામાન્ય લોકોને ગરમીમાં રાહત મળી છે, પરંતુ ખેડૂતો મુશ્કેલીમાં મુકાયા છે. પશુઓના ઘાસચારાના પાકને મોટાપાયે નુકસાન થવાની શક્યતા છે.
રાજ્યના વાતાવરણમાં અચાનક પલટો
હવામાન વિભાગની આગાહી પ્રમાણે કેટલાક વિસ્તારોના વાતાવરણમાં પલટો આવ્યો હતો. ગુજરાતના ત્રણ તાલુકામાં ભર ઉનાળે વરસાદ વરસ્યો છે. ટેટ ઈમરજન્સી ઓપરેશન સેન્ટરના આંકડા પ્રમાણે, સવારે 6 થી 8 કલાક દરમિયાન દાહોદના ફતેપુરામાં વરસાદ વરસ્યો છે.
આ સિવાય મહેસાણાના ખેરાલુ અને અરવલ્લીના મેઘરજ અને માલપુર સહિત શામળાજીના વાતાવરણમાં પણ અચાનક પલટો આવ્યો હતો. ખેરાલુ અને સતલાસણા પંથકમાં વહેલી સવારે આકાશમાં કાળા દિબાંગ વાદળો જોવા મળ્યા હતાં. દક્ષિણ ગુજરાતમાં પ્રિ-મૉનસૂન એક્ટિવિટી શરૂ થઇ ગઇ છે અને સાયક્લોનિક સર્ક્યુલેશન અને વેસ્ટર્ન ડિસ્ટર્બન્સ જેવી સિસ્ટમ સક્રિય થતા કરા સાથે કમોસમી વરસાદ ખાબક્યો છે.
આ પણ વાંચો- Gujarat Rain : કાળઝાળ ગરમી વચ્ચે કમોસમી વરસાદની ચેતવણી, અંબાલાલ પટેલની લેટેસ્ટ આગાહી
દાહોદ જિલ્લાના વાતાવરણમાં પલટો આવ્યો હતો. દાહોદ, ઝાલોદ સહિતના વિસ્તારોમાં ભારે પવન અને વિજળીના કડાકા ભડાકા સાથે વરસાદ ખાબક્યો હતો. કમોસમી વરસાદે ખેડૂતોની ચિંતામાં વધારો કર્યો છે. સુરેન્દ્રનગર જિલ્લાના સાયલા તાલુકામાં પણ ગત મોડી સાંજે જોરદાર પવન ફૂંકાયો હતો. દિવસભરના અસહ્ય ઉકળાટ અને ગરમી બાદ સાયલા અને આસપાસના ગ્રામ્ય વિસ્તારોમાં વરસાદ વરસ્યો હતો.
રાજ્યમાં વરસી રહેલા કમોસમી વરસાદને કારણે બાગાયતી પાકને નુકસાન થવાની શક્યતા છે. હાલ ઉનાળામાં વરસાદી માહોલ જોવા મળી રહ્યો છે. કમોસમી વરસાદને લઈ ખેડૂતો પણ ચિંતામાં મૂકાયા છે.
ટોપ સ્ટોરી
ટ્રેન્ડિંગ સમાચાર
