ગુજરાતમાં કઈ જગ્યાએ વાવાઝોડા સાથે ભારે વરસાદ થશે? જાણો કઈ તારીખથી વરસાદનું થશે આગમન?

હવામાન ખાતાના જણાવ્યા અનુસાર, ચોમાસુ આજે અથવા કાલે કેરળમાં પહોંચશે અને લો-પ્રેશર એરિયા સર્જાવાને કારણે તે ઝડપથી આગળ વધશે. મુંબઈ તેમજ ગુજરાતના કાંઠા વિસ્તારોમાં 13મી જુન સુધીમાં ચોમાસાનું આગમન થવાની સંભાવના જોવા મળી રહી છે.

અમદાવાદ: ગુજરાતમાં ચાલી રહેલા કાળઝાળ ગરમી વચ્ચે આવતાં અઠવાડિયે સૌરાષ્ટ્રમાં ધમાકેદાર વરસાદ પડે તેવી સંભાવના છે. હાલ મધ્યપૂર્વ અરબ સાગરમાં લો પ્રેશર આકાર લઈ રહ્યું છે. આ લો પ્રેસરની અસર હેઠળ સૌરાષ્ટ્રમાં વરસાદ પડે તેવી શક્યતા છે. નૈઋત્ય ચોમાસું હાલ શ્રીંલંકા સુધી પહોંચી ગયું છે અને કેરળમાં તેની એન્ટ્રી થવાની તૈયારી છે. હવામાન ખાતાના જણાવ્યા અનુસાર, ચોમાસુ આજે અથવા કાલે કેરળમાં પહોંચશે અને લો-પ્રેશર એરિયા સર્જાવાને કારણે તે ઝડપથી આગળ વધશે. મુંબઈ તેમજ ગુજરાતના કાંઠા વિસ્તારોમાં 13મી જુન સુધીમાં ચોમાસાનું આગમન થવાની સંભાવના જોવા મળી રહી છે. આ દરમિયાન વાવાઝોડાં જેવી સ્થિતિ સર્જાવાની શક્યતા પણ નકારી શકાય તેમ નથી. આ સિસ્ટમથી તેની અસર હેઠળ આવનારા વિસ્તારોમાં ભારેથી અતિભારે વરસાદ પણ થાય તેવી શક્યતાઓ છે. મહત્વનું છે કે, કેરળમાં ચોમાસાનું આગમન થવામાં વિલંબ થયું છે જેના કારણે હવે ગુજરાતમાં પણ ચોમાસું મોડું શરૂ થવાનું છે. હાલ અમદાવાદ સહિત ગુજરાતના મોટાભાગના વિસ્તારોમાં કાળઝાળ ગરમી પડી રહી છે.