ગોંડલમાં 5 ઇંચ વરસાદ ખાબકતા ખેતરો ધોવાયા, જાણો ગુજરાતમાં ક્યાં કેટલો વરસાદ પડ્યો

હવામાન વિભાગના અહેવાલ મુજબ 24 કલાકમાં રાજ્યના રાજકોટ જિલ્લાના ગોંડલ તાલુકામાં 132 મિમિ એટલે કે 5 ઇંચ વરસાદ નોંધાયો હતો.

અમદાવાદઃ ગુજરાતમાં હાલની ચોમાસાની સીઝનનો કુલ સરેરાશ 8.01 ટકા વરસાદ પડ્યો છે. રાજ્યના 251 તાલુકામાં વરસાદ પડ્યાના અહેવાલ છે. ગુજરાતમાં સરેરાશ અપેક્ષિત વરસાદ 816 મિમી છે તે પૈકી અત્યાર સુધીમાં 66.58 મિમી વરસાદ ડ્યો છે. હવામાન વિભાગના અહેવાલ મુજબ 24 કલાકમાં રાજ્યના રાજકોટ જિલ્લાના ગોંડલ તાલુકામાં 132 મિમિ એટલે કે 5 ઇંચ વરસાદ નોંધાયો હતો. જયારે પંચમહાલ જિલ્લાના જાંબુઘોડામાં 3 ઇંચ (75 મિમિ) વરસાદ નોંધાયો હતો. જ્યારે અમરેલી જિલ્લાના બગસરામાં 70 મિમિ વરસાદ નોંધાયો હતો. ગીર સોમનાથના ઉનામાં 60 મિમિ વરસાદ નોંધાયો હતો. ભાવનગર જિલ્લાના પાલિતાણા ખાતે 60 મિમિ વરસાદ નોંધાયો હતો. વરસાદના પગલે નદીઓમાં નવા નીરની આવક થઈ છે તો રાજ્યના અનેક જિલ્લાઓમાં વાવણી લાયક વરસાદ થતાં ખેડૂતોમાં ખુશહાલી જોવા મળી છે. 24 કલાકમાં વરસેલા વરસાદમાં રાજ્યના રાજ્યના 70 તાલુકમાં 1 મિમિથી 75 મિમિ જેટલો વરસાદ નોંધાયો છે. રાજ્યના અમરેલી જિલ્લાના સાવરકુંડલામાં 54 મિમિ રાજકોટના ગોંડલમાં 51 મિમિ અમરેલીના બાબરામાં 42 મિમિ ડાંગના વઘઈમાં 41 મિમિ જૂનાગઢના વિસાવદરમાં 40 મિમિ દાહોદના ધનપુરમાં 39 મિમિ મહેસાણાના બેચરાજીમાં 38 મિમિ સાબરકાંઠાના પોસીનામાં 30 મિમિ જામનગરના કાલાવડમાં 27 મી.મી, લાલપુરમાં 24 મી.મી વરસાદ નોંધાયો હતો.