સૌરાષ્ટ્ર- કચ્છ અને દક્ષિણ ગુજરાતમાં વાવાઝોડા સાથે વરસાદને લઈ હવામાન વિભાગે શું કરી આગાહી ?

રાજ્યમાં આગામી 48 કલાકમાં કમોસમી વરસાદની આગાહી કરવામાં આવી છે. સૌરાષ્ટ્ર- કચ્છ અને દક્ષિણ ગુજરાતમાં   વરસાદની આગાહી કરવામાં આવી છે. હવામાન વિભાગ મુજબ આગામી 24 કલાકમાં બનાસકાંઠા, સાબરકાંઠા, અરવલ્લીમાં માવઠું પડી શકે છે .

ગાંધીનગર: રાજ્યમાં આગામી 48 કલાકમાં કમોસમી વરસાદની આગાહી કરવામાં આવી છે. સૌરાષ્ટ્ર- કચ્છ અને દક્ષિણ ગુજરાતમાં   વરસાદની આગાહી કરવામાં આવી છે. હવામાન વિભાગ મુજબ આગામી 24 કલાકમાં બનાસકાંઠા, સાબરકાંઠા, અરવલ્લીમાં માવઠું પડી શકે છે .

મહીસાગર, અમદાવાદ, ગાંધીનગર, દાહોદમાં પણ વરસાદની આગાહી કરવામાં આવી છે.  છોટાઉદેપુર, નર્મદા, તાપી, ડાંગમાં પણ વરસાદ પડી શકે છે. રાજ્યમાં 48 કલાક દરમિયાન સુરત, જામનગર, રાજકોટ, અમરેલી, ભાવનગરમાં પણ આગાહી કરવામાં આવતા ખેડૂતો મુશ્કેલીમાં મુકાયા છે. ઉનાળાની સિઝનમાં અચાનક પડતા કમોસમી વરસાદનાં કારણે ખેડુતોને નુક્શાન સહન કરવાનો વારો આવે છે.

અમુક ઠેકાણે હજુ પાક ઉતારવાની કામગીરી ચાલી રહી છે તે વચ્ચે કરવામાં આવેલી આગાહીને લઈ ખેડૂતોનું ચિંતામાં મુકાવું સ્વાભાવિક છે. રાજ્યમાં એક તરફ કાળઝાળ ગરમી પડી રહી છે.રાજ્યમાં અનેક જગ્યાએ વરસાદ સાથે બરફનાં કરા પણ પડ્યા હતા. અમરેલી જિલ્લાના ધારી પંથકમાં કરા સાથે વરસાદ વરસ્યો હતો.

ત્રણ દિવસ વાવાઝોડાની આગાહી

રાજ્યમાં આગામી ત્રણ દિવસ વાવાઝોડાની આગાહી કરવામાં આવી છે. ત્યારે વાવાઝોડાની આગાહી વચ્ચે દાહોદ અને અરવલ્લી જિલ્લાના વાતાવરણમાં પલટો આવ્યો હતો. આજે સમગ્ર દાહોદ જિલ્લામાં વાદળછાયું વાતાવરણ છવાયું હતું. લીમખેડા  સહિત આસપાસના  વિસ્તારમાં  કમોસમી વરસાદી માવઠું પડ્યું હતું. માવઠું પડતા ધરતીપુત્રોમાં ચિંતાનું મોજું ફરી વળ્યું હતું. 

નવસારી જિલ્લાના વાતાવરણમાં પણ પલટો આવ્યો છે. જિલ્લામાં વહેલી સવારથી વાદળછાયુ વાતાવરણ છવાયું હતું. ભર ઉનાળે વાંસદા તાલુકામાં કમોસમી માવઠું આવ્યું હતું. માવઠુ થતાં વાંસદાના રસ્તાઓ ભીંજાયા હતા. કમોસમી વરસાદથી ખેડૂતોની ચિંતા વધી છે. વાતાવરણમાં ભેજનું પ્રમાણ વધતાં કેરીના પાકને પણ અસર થવાની સંભાવના છે. 

 

અરવલ્લી જિલ્લામાં વાતાવરણ આવ્યો પલટો આવ્યો હતો. વહેલી સવારથી વાદળછાયુ વાતાવરણ સર્જાયું હતું. શામળાજી , ટીંટોઇ, મોટી ઇસરોલ , જીવણપુર સહિતના વિસ્તારોમાં વાતાવરણમાં પલટો આવ્યો છે. માવઠું થવાની ભીતિ ખેડૂતોની ચિંતામાં વધારો થયો છે. મગફળી,બાજરી સહિતના પાકમાં નુકશાન થઈ શકે છે.