રેશન કાર્ડ ધારકો માટે ખુશખબર! હવે અંગૂઠો ઘસવાની જરૂર નહીં, QR Code સ્કેન કરો અને અનાજ મેળવો, જાણો નવી રીત

ration card qr code system: રાજ્યના અન્ન અને નાગરિક પુરવઠા વિભાગે રેશનિંગ વ્યવસ્થાને ડિજિટલ અને પારદર્શક બનાવવા માટે એક મહત્વનું પગલું ભર્યું છે.

રેશન કાર્ડ ધારકો માટે ખુશખબર

ration card qr code system: ગુજરાતમાં રેશન કાર્ડ (Ration Card) ધારકો માટે મોટા રાહતના સમાચાર છે. હવે સસ્તા અનાજની દુકાને કલાકો સુધી લાઈનમાં ઉભા રહેવાની કે સર્વર ડાઉન હોવાને કારણે ધક્કા ખાવાની સમસ્યાનો અંત આવશે. રાજ્ય સરકાર દ્વારા અનાજ વિતરણ વ્યવસ્થામાં આધુનિક ટેકનોલોજીનો ઉપયોગ કરીને એક નવી પહેલ શરૂ કરવામાં આવી છે. જે અંતર્ગત હવે લાભાર્થીઓ માત્ર QR કોડ (QR Code) સ્કેન કરીને પોતાનું અનાજ મેળવી શકશે. અમદાવાદમાં આ સિસ્ટમનો પાયલોટ પ્રોજેક્ટ શરૂ કરી દેવામાં આવ્યો છે.

સાબરમતી ઝોનમાં 'ડિજિટલ ફૂડ કરન્સી' પ્રોજેક્ટ શરૂ

રાજ્યના અન્ન અને નાગરિક પુરવઠા વિભાગે રેશનિંગ વ્યવસ્થાને ડિજિટલ અને પારદર્શક બનાવવા માટે એક મહત્વનું પગલું ભર્યું છે. અમદાવાદ શહેરના સાબરમતી ઝોનમાં 'ડિજિટલ ફૂડ કરન્સી' (Digital Food Currency) ના પાયલોટ પ્રોજેક્ટનો પ્રારંભ કરવામાં આવ્યો છે. અત્યાર સુધી 25 જેટલા રેશન કાર્ડ ધારકો પર આ રિયલ ટાઈમ બેઝિસ ટેસ્ટિંગ સફળતાપૂર્વક કરવામાં આવ્યું છે. આ નવી પદ્ધતિમાં લાભાર્થીના મોબાઈલ ફોનમાં એક ખાસ પ્રકારનું ડિજિટલ વોલેટ (Digital Wallet) બનાવવામાં આવે છે.

કેવી રીતે કામ કરશે નવી સિસ્ટમ?

આ નવી પ્રણાલી મુજબ, દર મહિનાની 1st તારીખે રેશન કાર્ડ ધારકના મોબાઈલ વોલેટમાં અનાજ માટેની 'ડિજિટલ કુપન' ઓટોમેટિક જમા થઈ જશે.

લાભાર્થીએ જ્યારે અનાજ લેવું હોય ત્યારે સસ્તા અનાજની દુકાને જવાનું રહેશે.

ત્યાં દુકાનદારનો કોડ સ્કેન કરવાનો રહેશે.

જેવું કુપન રિડીમ થશે, તરત જ તમને મળવાપાત્ર ઘઉં, ચોખા, ખાંડ કે મીઠું મળી જશે. આ પ્રક્રિયા ડિજિટલ પેમેન્ટ જેવી જ સરળ અને ઝડપી હશે.

બાયોમેટ્રિક અને સર્વરની સમસ્યામાંથી મુક્તિ

અત્યાર સુધીની વ્યવસ્થામાં બાયોમેટ્રિક્સ (Biometrics) એટલે કે અંગૂઠાનું નિશાન આપવું ફરજિયાત હતું. ઘણીવાર સિનિયર સિટીઝન્સના ફિંગરપ્રિન્ટ મેચ ન થવા કે સર્વર ડાઉન હોવાની ફરિયાદો ઉઠતી હતી, જેના કારણે ગરીબ પરિવારોને અનાજ મેળવવામાં ભારે હાલાકી ભોગવવી પડતી હતી. હવે આ નવી QR કોડ સિસ્ટમથી લાંબી પ્રોસેસ નીકળી જશે અને ગણતરીની સેકન્ડોમાં અનાજનું વિતરણ શક્ય બનશે, જેનાથી લોકોના કિંમતી સમયની બચત થશે.

પારદર્શિતા વધશે: મોબાઈલ સ્ક્રીન પર જ બધું દેખાશે

આ ટેકનોલોજીનો સૌથી મોટો ફાયદો પારદર્શિતા છે.

લાભાર્થી અનાજ લેવા જાય તે પહેલાં જ પોતાના મોબાઈલ સ્ક્રીન પર જોઈ શકશે કે તેને કેટલો જથ્થો મળવાપાત્ર છે.

દુકાનદાર પાસેથી કુપન રિડીમ થયા પછી, તરત જ મોબાઈલમાં રિયલ ટાઈમ રિસીપ્ટ (Real Time Receipt) મળી જશે.

એટલું જ નહીં, રાજ્ય સરકાર પ્રત્યેક કાર્ડધારક પાછળ કેટલો ખર્ચ કે સબસિડી ભોગવે છે, તેની જાણકારી પણ લાભાર્થીને મળશે.

દુકાનદારને પણ સ્ટોક અને વિતરણની માહિતી રિયલ ટાઈમમાં અપડેટ મળતી રહેશે.

આગામી દિવસોમાં આ સફળ મોડેલનું અમલીકરણ સમગ્ર રાજ્યમાં કરવામાં આવશે.

નોંધનીય છે કે હાલમાં આ પ્રોજેક્ટ પાયલોટ પ્રોજેક્ટ (Pilot Project) તરીકે અમદાવાદના સાબરમતી ઝોનમાં શરૂ થયો છે, તેથી આ ફીચર ધીમે ધીમે અપડેટ થશે. સામાન્ય રીતે ગુજરાત સરકારની રેશનિંગ વ્યવસ્થા 'My Ration' એપ દ્વારા ચાલે છે.

સ્ટેપ 1: એપ ડાઉનલોડ કરવી

1. તમારા સ્માર્ટફોનમાં Google Play Store ઓપન કરો.

2. સર્ચ બારમાં "My Ration Gujarat" લખીને સર્ચ કરો. (ખાતરી કરો કે એપના ડેવલપર તરીકે Director Food and Civil Supply Gujarat અથવા સરકારી વિભાગનું નામ હોય).

3. Install બટન પર ક્લિક કરીને એપ ડાઉનલોડ કરો.

સ્ટેપ 2: રજીસ્ટ્રેશન અને લોગીન પ્રક્રિયા

1. એપ ઓપન કરો. તમને ભાષા પસંદ કરવાનો વિકલ્પ મળશે, તેમાં Gujarati અથવા English પસંદ કરો.

2. હવે User Registration અથવા Login વિકલ્પ પર ક્લિક કરો.

3. તમારે તમારો Ration Card Number (રેશન કાર્ડ નંબર) દાખલ કરવાનો રહેશે. (આ નંબર તમારા રેશન કાર્ડના પહેલા પાના પર હોય છે).

4. ત્યારબાદ તમારા રેશન કાર્ડ સાથે લિંક થયેલા Mobile Number પર એક OTP આવશે.

5. OTP દાખલ કરીને Verify કરો.

સ્ટેપ 3: ડિજિટલ કુપન અને QR કોડનો ઉપયોગ

1. એકવાર લોગીન થઈ ગયા પછી, ડેશબોર્ડ પર તમને તમારી મળવાપાત્ર વસ્તુઓની વિગત દેખાશે.

2. જો તમે સાબરમતી ઝોનના પાયલોટ પ્રોજેક્ટ હેઠળ આવતા હશો, તો તમને Digital Wallet અથવા e-Coupon નો વિકલ્પ દેખાશે.

3. ત્યાં જનરેટ થયેલો QR Code અથવા કુપન તમારે સસ્તા અનાજની દુકાને જઈને દુકાનદારને બતાવવાનો રહેશે.

4. દુકાનદાર આ કોડ સ્કેન કરશે અને સિસ્ટમ વેરીફાય કરશે, ત્યારબાદ તમને અનાજ મળી જશે.

મહત્વની બાબતો:

• મોબાઈલ લિંક હોવો જરૂરી: આ સુવિધાનો લાભ લેવા માટે તમારો મોબાઈલ નંબર તમારા રેશન કાર્ડ અને આધાર કાર્ડ સાથે લિંક હોવો ફરજિયાત છે.

• રિયલ ટાઈમ રિસીપ્ટ: અનાજ લીધા બાદ એપમાં જ તમને Transaction History માં પહોંચ (Receipt) મળી જશે.