Kheda Rain: ખેડા જિલ્લાના વાતાવરણમાં અચાનક પલટો, ભારે પવન સાથે વરસાદ શરુ
હવામાન વિભાગની વરસાદની આગાહી વચ્ચે ખેડા જિલ્લાના વાતાવરણમાં અચાનક પલટો આવ્યો છે. નડિયાદમાં સૌપ્રથમ ભારે પવન ફૂંકાયો હતો.
નડિયાદ: હવામાન વિભાગની વરસાદની આગાહી વચ્ચે ખેડા જિલ્લાના વાતાવરણમાં અચાનક પલટો આવ્યો છે. નડિયાદમાં સૌપ્રથમ ભારે પવન ફૂંકાયો હતો. હવે અચાનક વરસાદની શરુઆત થઈ છે. ભારે પવન બાદ વરસાદની શરૂઆત થઈ હતી. હવામાન વિભાગે આજે રાજ્યના અનેક જિલ્લાઓમાં ભારે પવન સાથે વરસાદનું યલો એલર્ટ આપ્યું હતું.
નડિયાદમાં ભારે પવન શરૂ થતા મીની વાવાઝોડા જેવા દ્રશ્યો
નડિયાદમાં ભારે પવન શરૂ થતા મીની વાવાઝોડા જેવા દ્રશ્યો સર્જાયા હતા. વાદળછાયા વાતાવરણ વચ્ચે અનેક વિસ્તારોમાં જોરદાર પવન સાથે વરસાદ વરસ્યો છે. વાહન ચાલકોને ભારે પવનના કારણે મુશ્કેલીનો સામનો કરવો પડ્યો હતો. ભારે પવનના કારણે અમદાવાદ-વડોદરા હાઇવે પર વિઝિબિલિટી ઓછી થઇ ગઈ છે. વાતાવરણમાં અચાનક પલટો આવતા અનેક વિસ્તારોમાં વરસાદની શરૂઆત થઈ છે.
નડિયાદ શહેર અને આસપાસના વિસ્તારોમાં વરસાદ વરસ્યો છે. હવામાન વિભાગે આજે આ વિસ્તારોમાં વરસાદની આગાહી કરી હતી. ભારે પવન સાથે વરસાદ વરસ્યો છે.
આણંદ જિલ્લામાં પણ કમોસમી વરસાદ
હવામાન વિભાગની વરસાદની આગાહી વચ્ચે આણંદ જિલ્લામાં પણ વરસાદી માહોલ જામ્યો છે. આણંદના ગ્રામ્ય વિસ્તારોમાં પણ ભારે પવન સાથે વરસાદી ઝાપટા પડ્યા છે.
આજે કમોસમી વરસાદની આગાહી
હવામાન વિભાગ મુજબ, રાજ્યમાં આજે કમોસમી વરસાદની આગાહી કરવામાં આવી છે. 3 વરસાદી સિસ્ટમ અને 2 સાયક્લોનિક સર્ક્યુલેશન સિસ્ટમ સક્રિય થઈ છે. કેટલાક જિલ્લામાં યલો એલર્ટ સાથે છુટાછવાયા વરસાદની આગાહી કરવામાં આવી છે. કચ્છ, બનાસકાંઠા, પાટણ, મહેસાણામાં વરસાદની આગાહી કરવામાં આવી છે. સૌરાષ્ટ્રના અનેક જિલ્લાઓમાં આજે વાદળછાયું વાતાવરણ રહેશે.
આ સિવાય સાબરકાંઠા, અરવલ્લી, ગીર સોમનાથમાં પણ કમોસમી વરસાદની શક્યતા વ્યક્ત કરાઈ છે. પંચમહાલ, મહીસાગરમાં કમોસમી વરસાદની આગાહી કરવામાં આવી છે. દાહોદ, વડોદરા, છોટાઉદેપુર, ભરૂચ, નર્મદામાં પણ કમોસમી વરસાદ વરસી શકે છે. હવામાન વિભાગે છુટાછવાયા સ્થળો પર સામાન્યથી લઈ ભારે વરસાદનું અનુમાન વ્યક્ત કર્યું છે.
હવામાન વિભાગે આજે દ્વારકા, જામનગર, રાજકરોટ, મોરબીમાં કમોસમી વરસાદની શક્યતા વ્યક્ત કરી છે. આંધી તોફાન સાથે કમોસમી વરસાદની આગાહી કરવામાં આવી છે. રાજ્યના વાતાવરણમાં અચાનક પલટો આવી શકે છે. ભારે તોફાન સાથે અનેક જિલ્લાઓમાં વરસાદનું અનુમાન વ્યક્ત કરવામાં આવ્યું છે.
Before You Go
ચોરવાડમાં રિલાયન્સ પરિવારે યોજ્યો ભવ્ય કાર્યક્રમ, જિયોના 10 વર્ષની સફળતાની ભવ્ય ઉજવણી
ટોપ સ્ટોરી
ટ્રેન્ડિંગ સમાચાર
