Gujarat Rain: ત્રણ વરસાદી સિસ્ટમ સક્રિય, યલો એલર્ટ સાથે વરસાદની આગાહી, જાણો ક્યાં વરસશે
છેલ્લા ઘણા સમયથી ગુજરાતના વાતાવરણમાં પલટો આવ્યો છે. ત્રણ વરસાદી સિસ્ટમ અને 2 સાયક્લોનિક સર્ક્યુલેશન સિસ્ટમ સક્રિય થઈ હોવાથી હવામાન વિભાગે ભારે પવન સાથે વરસાદની આગાહી કરી છે.
- કમોસમી વરસાદ સાથે ભારે પવન અને આંધીની આગાહી.
- અમદાવાદ સહિત અનેક જિલ્લાઓમાં યલો એલર્ટ સાથે વરસાદ.
- કચ્છ, સૌરાષ્ટ્ર અને ઉત્તર ગુજરાતમાં વરસાદની સંભાવના.
ગાંધીનગર: છેલ્લા ઘણા સમયથી ગુજરાતના વાતાવરણમાં પલટો આવ્યો છે. ત્રણ વરસાદી સિસ્ટમ અને 2 સાયક્લોનિક સર્ક્યુલેશન સિસ્ટમ સક્રિય થઈ હોવાથી હવામાન વિભાગે ભારે પવન સાથે વરસાદની આગાહી કરી છે. હવામાન વિભાગ અનુસાર, આંધી તોફાન સાથે કમોસમી વરસાદ વરસી શકે છે. આજે અમદાવાદ શહેરમાં વરસાદનું અનુમાન વ્યક્ત કરવામાં આવ્યું છે. રાજ્યમાં યલો એલર્ટ સાથે છૂટાછવાયા વરસાદની હવામાન વિભાગે આગાહી કરી છે.
આજે કમોસમી વરસાદની આગાહી
હવામાન વિભાગ મુજબ, રાજ્યમાં આજે કમોસમી વરસાદની આગાહી કરવામાં આવી છે. 3 વરસાદી સિસ્ટમ અને 2 સાયક્લોનિક સર્ક્યુલેશન સિસ્ટમ સક્રિય થઈ છે. કેટલાક જિલ્લામાં યલો એલર્ટ સાથે છુટાછવાયા વરસાદની આગાહી કરવામાં આવી છે. કચ્છ, બનાસકાંઠા, પાટણ, મહેસાણામાં વરસાદની આગાહી કરવામાં આવી છે. સૌરાષ્ટ્રના અનેક જિલ્લાઓમાં આજે વાદળછાયું વાતાવરણ રહેશે.
આ સિવાય સાબરકાંઠા, અરવલ્લી, ગીર સોમનાથમાં પણ કમોસમી વરસાદની શક્યતા વ્યક્ત કરાઈ છે. પંચમહાલ, મહીસાગરમાં કમોસમી વરસાદની આગાહી કરવામાં આવી છે. દાહોદ, વડોદરા, છોટાઉદેપુર, ભરૂચ, નર્મદામાં પણ કમોસમી વરસાદ વરસી શકે છે. હવામાન વિભાગે છુટાછવાયા સ્થળો પર સામાન્યથી લઈ ભારે વરસાદનું અનુમાન વ્યક્ત કર્યું છે.
હવામાન વિભાગે આજે દ્વારકા, જામનગર, રાજકરોટ, મોરબીમાં કમોસમી વરસાદની શક્યતા વ્યક્ત કરી છે. આંધી તોફાન સાથે કમોસમી વરસાદની આગાહી કરવામાં આવી છે. રાજ્યના વાતાવરણમાં અચાનક પલટો આવી શકે છે. ભારે તોફાન સાથે અનેક જિલ્લાઓમાં વરસાદનું અનુમાન વ્યક્ત કરવામાં આવ્યું છે.
દેશના અનેક રાજ્યોમાં ભારે પવન સાથે વરસાદની આગાહી
હવામાન વિભાગ (IMD) અનુસાર, 7 એપ્રિલે દેશભરમાં હવામાનમાં પલટો આવશે. પશ્ચિમી વિક્ષેપ, ચક્રવાતી પરિભ્રમણ અને વિવિધ હવામાન પ્રણાલીઓ સક્રિય છે. દેશના અનેક રાજ્યોમાં ભારે પવન સાથે વરસાદ, વાવાઝોડા અને કરા પડવાની શક્યતા વ્યક્ત કરવામાં આવી છે. પશ્ચિમી વિક્ષેપની અસર ઉત્તર ભારતમાં અનુભવાશે, જે હળવોથી મધ્યમ વરસાદ, બરફવર્ષા અને કરા પડી શકે છે. ઉત્તરપૂર્વીય રાજ્યો માટે ભારે વરસાદની ચેતવણી જારી કરવામાં આવી છે.
મધ્ય અને દક્ષિણ ભારતમાં વાવાઝોડા અને ભારે પવન સાથે હળવો વરસાદ પણ થવાની સંભાવના છે. ઘણી જગ્યાએ પવનની ગતિ 30 થી 50 કિમી પ્રતિ કલાક સુધી પહોંચી શકે છે, જ્યારે કેટલાક વિસ્તારોમાં તે 60 થી 70 કિમી પ્રતિ કલાક સુધી પહોંચી શકે છે.
હવામાન વિભાગે એમ પણ જણાવ્યું છે કે જમ્મુ અને કાશ્મીર પર સક્રિય પશ્ચિમી વિક્ષેપ સમુદ્ર નજીક રચાયેલી સિસ્ટમ હવામાનને અસર કરી રહી છે. વધુમાં, બંગાળની ખાડી અને દેશના કેટલાક ભાગોમાં ચક્રવાતી સિસ્ટમો પણ વરસાદ અને તીવ્ર પવનોમાં વધારો કરી રહી છે.
Before You Go
Navratri Dome Collapses: અમદાવાદમાં નવરાત્રી પહેલાં દુર્ઘટના! પરંપરા નવરાત્રીનો ડોમ ધરાશાયી
ટોપ સ્ટોરી
ટ્રેન્ડિંગ સમાચાર
