Election Result 2025 : રાજ્યની આ નગરપાલિકામાં ભાજપ અને અપક્ષ વચ્ચે ટાઈ, કૉંગ્રેસનું ખાતું ન ખુલ્યું
સ્થાનિક સ્વરાજની ચૂંટણીમાં ભારતીય જનતા પાર્ટીનો દબદબો જોવા મળી રહ્યો છે. ડાકોર નગરપાલિકા ચૂંટણીનું પરિણામ ચોંકાવનારુ આવ્યું છે.
Local Body Election Result 2025 : સ્થાનિક સ્વરાજની ચૂંટણીના પરિણામો આજે જાહેર થઈ રહ્યા છે. સવારે 9 વાગ્યાથી મતગણતરી શરૂ કરવામાં આવી હતી. જૂનાગઢ મહાનગરપાલિકા, 68 નગરપાલિકા અને 3 તાલુકા પંચાયતની ચૂંટણી માટે સરેરાશ 57 ટકા મતદાન થયું હતું. સ્થાનિક સ્વરાજની ચૂંટણીમાં ભારતીય જનતા પાર્ટીનો દબદબો જોવા મળી રહ્યો છે. ડાકોર નગરપાલિકા ચૂંટણીનું પરિણામ ચોંકાવનારુ આવ્યું છે. અહીં ભાજપ અને અપક્ષ વચ્ચે કાંટે કી ટક્કર જોવા મળી હતી. ડાકોર નગરપાલિકામાં ભાજપે 14 બેઠકો જીતી હતી, જ્યારે અપક્ષે પણ 14 બેઠકો જીતવામાં સફળતા મેળવી છે.
નગરપાલિકા : ડાકોર
કુલ વોર્ડ : 07
કુલ બેઠક : 28
ભાજપ : 14
કોંગ્રેસ : 00
અપક્ષો : 14
પાલિકા ચૂંટણીમાં ભાજપનો દબદબો
ગુજરાતમાં યોજાયેલી સ્થાનિક સ્વરાજ્યની ચૂંટણીનું ચિત્ર હવે લગભગ સ્પષ્ટ થઈ ગયું છે. જુનાગઢ મનપા અને 68 નગરપાલિકાના પરિણામની જાહેરાત પૂર્ણતાને આરે છે. જાહેર પરિણામમાં 62 નગરપાલિકામાં ભાજપને સ્પષ્ટ બહુમતી મળતી દેખાઈ રહી છે. તો સલાયા નગરપાલિકામાં કોંગ્રેસને બહુમતી મળી છે. જ્યારે રાજ્યની એક નગરપાલિકામાં ટાઈ થઈ છે. બે નગર પાલિકા પર સમાજવાદી પાર્ટીએ કબજો કરી લીધો છે.
5 હજાર ઉમેદવારો મેદાનમાં હતા
સ્થાનિક સ્વરાજ્યની ચૂંટણીમાં 5775 દાવેદારો મેદાનમાં ઉતર્યા હતા અને કુલ 36 લાખ 71 હજાર 479 મતદારોને મતાધિકાર મળ્યો હતો. રાજ્યમાં પાલિકા-પંચાયતના યોજાયેલા મતદાનમાં ઘણા મતદાન મથકો પર મતદારોની લાંબી લાંબી કતારો પણ જોવા મળી હતી.
ઉલ્લેખનીય છે કે, આ વખતે સ્થાનિક સ્વરાજ્યની ચૂંટણી માટે કુલ 7036 ઉમેદવારીપત્રો દાખલ થયા હતા, જેમાંથી 1261 પત્રો અમાન્ય ઠર્યા, જ્યારે કે 5775 ઉમેદવારોની ઉમેદવારી માન્ય રાખવામાં આવી. જે બાદ 478 ઉમેદવારોએ ઉમેદવારીપત્ર પરત ખેંચ્યા, જેના કારણે 213 બેઠકો બિનહરીફ થઈ ગઈ. જેના પગલે હરિફાઇ હેઠળની બેઠકો માટે કુલ 5 હજાર 84 ઉમેદવારો ચૂંટણીના જંગમાં મેદાને ઉતર્યા હતાં.
માંગરોળમાં બસપા કિંગ મેકર
જૂનાગઢ જિલ્લામાં પણ ભાજપે શાનદાર પ્રદર્શન કર્યું છે. જૂનાગઢ જિલ્લાની માંગરોળ નગરપાલિકામાં ટાઈ થઈ છે. અહીં ભાજપ અને કૉંગ્રેસને 15-15 બેઠકો મળી છે. જ્યારે માયાવતીની પાર્ટી બહુજન સમાજપાર્ટીએ અહીં 4 બેઠકો પર જીત મેળવી છે. બસપાના ઉમેદવારો જેની સાથે જશે તેમની પાલિકામાં સત્તા આવશે.
Local Body Election: દ્વારકાની તમામ 28 બેઠક પર ભાજપની જીત, 68માંથી 31માં નગરપાલિકામાં વિજય
ટ્રેન્ડિંગ સમાચાર
ટોપ સ્ટોરી
