કોરોના વાયરસના કહેર વચ્ચે ગુજરાતમાં આ જગ્યાએ કમોસમી વરસાદ પડતાં નદીમાં બે કાંઠે વહેતી થઈ, જાણો

સોમવારે અમરેલી જિલ્લાના વાતાવરણમાં અચાનક પલટો આવતાં કમોસમી વરસાદ ખાબક્યો હતો. અમરેલીના લાઠીના ગ્રામ્ય વિસ્તારોના વાતાવરણ પલટાયું હતું.

અમરેલી: ગુજરાતમાં એકબાજુ કોરોના વાયરસને લઈને હાહાકાર મચ્યો છે તો બીજી બાજુ ગુજરાતના અમુક વિસ્તારોમાં વાતાવરણમાં અચાનક પલટો આવ્યો છે અને ક્યાંક ધોધમાર તો ક્યાંક ઝરમર કમોસમી વરસાદ કાબક્યો હતો. અમરેલીના અમુક વિસ્તારોમાં ધોધમાર વરસાદ પડ્યો હતો. તો ભાવનગરમાં પણ વરસાદ પડ્યો હોવાનું જાણવ મળ્યું છે. અમરેલીના સુખપુરની સ્થાનિક નદીમાં તો પૂર આવ્યું હતું. સોમવારે અમરેલી જિલ્લાના વાતાવરણમાં અચાનક પલટો આવતાં કમોસમી વરસાદ ખાબક્યો હતો. અમરેલીના લાઠીના ગ્રામ્ય વિસ્તારોના વાતાવરણ પલટાયું હતું. દામનગર શહેરમાં ધીમી ધારે વરસાદ વરસ્યો હતો. ઝરમર વરસાદને કારણે રસ્તાઓ ભાના થઈ ગયા હતા જ્યારે અમરેલીના ધારી ગીર પંથકમાં પણ ધોધમાર વરસાદ વરસ્યો હતો. આ ઉપરાંત સુખપુર, ગોવિંદપુર સહિતનાં ગામોમાં પણ ધોધમાર વરસાદ વરસ્યો હતો.

અમરેલીના સુખપુરમાં ધોધમાર વરસાદને કારણે સ્થાનિક નદી બે કાંઠો વહેતી થઈ હતી. ભર ઉનાળે તેજ પ્રવાહ સાથે વહેતી નદીને જોવા માટે આસપાસનાં ગ્રામજનો ઉમટી પડ્યા હતા. તો વરસાદને કારણે કેરીનાં પાકને નુકસાન થવાની સંભાવના છે. બીજી બાજુ ભાવનગરના વાતાવરણમાં પણ પલટો આવ્યો હતો. ધોળા ઉમરાળા રંઘોળાના ગ્રામ્ય વિસ્તારોમાં વરસાદ વરસ્યો હતો. કમોસમી વરસાદ ખાબતકાં ખેડૂતો મુશ્કેલીમાં મુકાઈ ગયા હતાં.