જાણો ગેનીબેન ઠાકોરે હાર્દિક અંગે એવું તે શું કહ્યું કે રાજકારણ ગરમાયું

હાર્દિક પટેલે ગુરુવારે વિધિવત રીતે ભાજપની સદસ્યતા લીધી છે. જ્યારથી હાર્દિક પટેલે ભાજપમાં એન્ટ્રી કરી છે ત્યારથી પાટીદાર સમાજના આગેવાનોથી લઈને કોંગ્રેસના નેતાઓ વિવિધ પ્રકારની પ્રતિક્રિયાઓ આપી રહ્યા છે.

ગેનીબેન ઠાકોર

બનાસકાંઠા: હાર્દિક પટેલે ગુરુવારે વિધિવત રીતે ભાજપની સદસ્યતા લીધી છે. જ્યારથી હાર્દિક પટેલે ભાજપમાં એન્ટ્રી કરી છે ત્યારથી પાટીદાર સમાજના આગેવાનોથી લઈને કોંગ્રેસના નેતાઓ વિવિધ પ્રકારની પ્રતિક્રિયાઓ આપી રહ્યા છે. હવે આ મામલે વાવના ધારાસભ્ય ગેનીબેન ઠાકોરે પણ હાર્દિક પટેલ પર નિશાન સાધ્યું છે. ગેનીબેને નામ લીધા વગર હાર્દિક પટેલ પર કટાક્ષ કર્યો છે. ગેનીબેને હાર્દિકની સરખામણી કાગડા અને બગલા સાથે કરી છે. તેમણે કહ્યું કે, આજે એક કાગડો વોશિંગ મશીનમાં ગયો અને ઉજળો બગલો બની બહાર આવ્યો. નોંધનિય છે કે ગેનીબેન ઠાકોર પોતાના આકરા નિવેદનો માટે જાણીતા છે, તેમણે આ પહેલા પણ એક કાર્યક્રમમાં ભાજપની ટીકા કરવા આકરા શબ્દોનો પ્રયોગ કર્યો હતો.

હાર્દિક પટેલને સી.આર. પાટિલે 10 મિનિટ રાહ જોવડાવી ને 1 મિનિટમાં કાર્યક્રમ આટોપીને ચાલતી પકડી......
Hardik Patel In BJP: ગુજરાતના પાટીદાર યુવા નેતા અને ગુજરાતમાં કોંગ્રેસના કાર્યકારી અધ્યક્ષ રહેલા હાર્દિક પટેલ (Hardik Patel) આજે વિધિવત રીતે ભારતીય જનતા પાર્ટીમાં સામેલ થઇ ગયો છે. હાર્દિક પટેલે ગુરુવારે ભારતીય જનતા પાર્ટી (BJP) માં બીજેપીને દિગ્ગજ નેતાઓની હાજરીમાં કેસરિયો ખેસ પહેરી લીધો હતો. 

 

હાર્દિકને બીજેપીમાં સામેલ કરવાનુ વિધિવત આયોજન બીજેપીના ગુજરાત પ્રદેશ કાર્યાલય કમલમ ખાતે યોજાયુ હતુ, અહીં હાર્દિકે બીજેપી પ્રદેશ અધ્યક્ષ સીઆર પાટીલ, નીતિન પટેલ સહિતના દિગ્ગજોની હાજરીમાં બીજેપીને ખેસ પહેરી લીધો હતો, પરંતુ આ દરમિયાન એક ઘટનાએ બધાનુ ધ્યાન ખેંચ્યુ, ગુજરાત બીજેપી અધ્યક્ષ સીઆર પાટીલે કાર્યક્રમમાં હાર્દિકને 10 મિનીટ રાહ જોવડાવી હતી, એટલુ જ નહીં હાર્દિકને બીજેપીમાં સામેલ કરવાનો મોટો કાર્યક્રમ હોવા છતાં તે માત્ર 1 મિનીટમાં તમામ કાર્યક્રમ આટોપીને રવાના થઇ ગયા હતા. આ પ્રસંગે હાર્દિક પટેલે દાવો કર્યો છે કે તે આગામી સમયમાં કોંગ્રેસના ધારાસભ્યોને પણ બીજેપીમાં ખેંચી લાવશે. 

બીજેપીમાં સામેલ થતાંની સાથે જ હાર્દિકે સમાજ હિત, દેશ હિતમાં મોદીજીની સાથે નાનો સિપાહી બનીને કામ કરવાની વાત કહી હતી. હાર્દિકે કહ્યું કે પીએમ મોદી વિશ્વ ગૌરવ છે, પાટીદાર નેતાએ કહ્યું કે, રાષ્ટ્રહિત, પ્રદેશહિત, જનહિત તથા સમાજહિતના આ ભગીરથ કાર્યમાં આગળ વધવા માટે વડાપ્રધાન નરેન્દ્ર મોદીના નેતૃત્વમાં જે રાષ્ટ્ર સેવાનુ કામ ચાલી રહ્યું છે, તેમાં નાનો સિપાહી બનીને કામ કરવા માટે નવા અધ્યાયની શરૂઆત કરી રહ્યો છું.