Gujarat Monsoon : ગુજરાતમાં ચોમાસાની શરુઆત ક્યારથી થશે, જાણો મહત્વના સમાચાર

કેરલ નજીક ચોમાસુ પહોચી ગયું છે. એક કે બે દિવસમાં ચોમાસુ કેરળમાં બેસી જશે. સામાન્ય રીતે કેરળમાં ચોમાસુ બેઠા પછી 15 દિવસ બાદ મુંબઇ અને દક્ષિણ ગુજરાત થઇને ગુજરાતમાં ચોમાસુ પ્રવેશતું હોય છે.

પ્રતિકાત્મક તસવીર

ચોમાચાને લઈ મોટા સમાચાર મળી રહ્યા છે. કેરલ નજીક ચોમાસુ પહોચી ગયું છે. એક કે બે દિવસમાં ચોમાસુ કેરળમાં બેસી જશે. સામાન્ય રીતે કેરળમાં ચોમાસુ બેઠા પછી 15 દિવસ બાદ મુંબઇ અને દક્ષિણ ગુજરાત થઇને ગુજરાતમાં ચોમાસુ પ્રવેશતું હોય છે.   વાતાવરણમાં થતા બદલાવને આધારે કેરળમાં ચોમાસુ બેસવાની તારીખ ચાર દિવસ આગળ-પાછળ થઇ શકે છે. 

હવામાન વિભાગના મુજબ હાલ ચોમાસુ લક્ષદ્વીપ અને માલદીવ પાસે પહોંચ્યું છે.  સૌરાષ્ટ્ર-કચ્છ અને ઉત્તર ગુજરાતમાં આગામી પાંચ દિવસ  વાવાઝોડું આવશે.   30 થી 40 કિમીની ઝડપે પવન ફૂંકાશે.  અમદાવાદમાં કમોસમી વરસાદની આગાહી કરાઈ છે.  હવામાન વિભાગના મતે 5 જૂને અરબી સમુદ્રમાં સાયક્લોનિક સર્ક્યુલેશન બનશે. 7 જૂન આસપાસ સાયક્લોનિક સર્ક્યુલેશન લો-પ્રેશર બની શકે છે. જેને લઈ સૌરાષ્ટ્ર અને દક્ષિણ ગુજરાતમાં 7 થી 11 જૂન વચ્ચે ભારે વરસાદ વરસી શકે છે. 

રાજ્યના ત્રણ જિલ્લામાં આગામી ત્રણ કલાક વરસાદની કરાઈ આગાહી

રાજ્યમાં આગામી 3 કલાક હળવા વરસાદની આગાહી હવામાન વિભાગ દ્વારા કરવામાં આવી છે.  અમદાવાદ શહેર,બોટાદ અને આણંદમાં હળવા વરસાદની આગાહી હવામાન વિભાગ દ્વારા કરવામાં આવી છે.  અમદાવાદ શહેરમાં આગામી ત્રણ કલાકમાં ભારે વરસાદની આગાહી હવામાન વિભાગ દ્વારા કરવામાં આવી છે. હવામાન વિભાગના ડિરેક્ટર મનોરમા મોહંતીએ આગામી ત્રણ કલાકમાં અમદાવાદ શહેરમાં ભારે વરસાદની આગાહી કરી છે. 40 થી 41 ડિગ્રીની આસપાસ તાપમાન રહી શકે છે. રાજ્યમાં છેલ્લા ઘણા સમયથી કમોસમી વરસાદ વરસી રહ્યો છે.     

અમદાવાદમાં વરસાદની સંભાવના

હવામાન વિભાગે અમદાવાદમાં વરસાદ થવાની સંભાવના પણ વ્યક્ત કરી છે.  આગામી ત્રણ કલાકમાં  શહેરમાં ભારે વરસાદની આગાહી કરી છે. તેમણે જણાવ્યું છે કે, પશ્ચિમી પવનો છે જેના કારણે હવામાં ભેજનું પ્રમાણ વધુ છે. લોકલ કન્વેક્ટિવિટીના કારણે વરસાદ થવાની સંભાવના છે.  અમદાવાદમાં આજે ભારે પવન સાથે વરસાદ પડી શકે છે. સાંજના સમયે વરસાદ થવાની શક્યતાઓ સાથે થંડરસ્ટોર્મ એક્ટિવિટીની પણ સંભાવનાઓ વ્યક્ત કરાઈ છે.

વધુમાં કહ્યું છે કે દક્ષિણ-પશ્ચિમ રાજસ્થાન પર સર્ક્યુલેશન બનેલું છે,  જેના લીધે ભેજ એકઠો થઈ રહ્યો છે આ સાથે ગરમી પણ છે જેના કારણે લોકલ કન્વેક્ટિવિટી બનવાથી વરસાદની સંભાવના વ્યક્ત કરવામાં આવી છે.