Gujarat Election 2022: સાણંદમાં બીજેપીનો વિરોધ, મહિલાઓએ ભાજપ હાય હાયના નારા લગાવ્યા

Gujarat Assembly Election 2022: એક તરફ સૌરાષ્ટ્ર અને દક્ષિણ ગુજરાતમાં મતદાન ચાલી રહ્યું છે તો બીજી તરફ મધ્ય ગુજરાત ઉત્તર ગુજરાતમાં ચૂંટણી પ્રચારનો ધમધમાટ ચાલી રહ્યો છે.

સાણંદમાં ભાજપને વિરોધનો સામનો કરવો પડ્યો

Gujarat Assembly Election 2022: એક તરફ સૌરાષ્ટ્ર અને દક્ષિણ ગુજરાતમાં મતદાન ચાલી રહ્યું છે તો બીજી તરફ મધ્ય ગુજરાત ઉત્તર ગુજરાતમાં ચૂંટણી પ્રચારનો ધમધમાટ ચાલી રહ્યો છે. તો બીજી તરફ સાણંદમાં ભાજપને વિરોધનો સામનો કરવો પડ્યો છે.  એસટી બસ સ્ટેન્ડ નજીક મહિલાઓએ વિરોધ નોંધાવ્યો છે. મહિલાઓએ ભાજપ હાય હાયના નારા લગાવતા વાતાવરણ તંગ થઈ ગયું હતું. ભાજપની ઝંડીઓ ઉતારીને વિરોધ કરવામાં આવ્યો હતો. પોલીસે વિરોધને ખાળવાનો પ્રયાસ કર્યો હતો. ભાજપના પ્રચાર માટેના વાહનને પણ મહિલાઓએ ભગાડ્યું હતું. 

આ શહેરમાં કિન્નરોએ કર્યું મતદાન

ગુજરાત વિધાનસભાની ચૂંટણીનું પ્રથમ તબક્કામાં 19 જિલ્લાની 89 બેઠકો પર મતદાન શરૂ થઈ ગયું છે. સાંજે 4 વાગ્યા સુધીમાં 54 ટકા મતદાન થયું છે.    આ મતદાનમાં કચ્છ, સૌરાષ્ટ્ર અને દક્ષિણ ગુજરાતના મતદારો પોતાના મતાધિકારનો ઉપયોગ કરી સહભાગી બનશે. આ બેઠકો પર 788 ઉમેદવારોનું ભાવિ ઈવીએમમાં કેદ થશે.  આ દરમિયાન સુરતના લિંબાયતમાં કિન્નરોએ મતદાન કરીને લોકોને વોટ આપવા અપીલ કરી હતી.

સુરતમાં પ્રથમ વખત મતદાન કરવાના યુવાનો અલગ અંદાજમાં મતદાન કરવા પહોંચ્યા હતા.  સુરતના બે નવા મતદાતાઓએ લોકોને આકર્ષિત કર્યા છે.  પ્રથમ વખત મતદાન કરવા નવા મતદાતાઓ ઘોડા પર સવાર થઈ મતદાન મથક સુધી પહોંચ્યા હતા. પાર્થ ચોકસી અને દેવનાશી ચોકસી ઘોડા પર સવાર થઈ મતદાન કરવા પહોંચ્યા હતા. અન્ય મતદાતાઓને મતદાન કરવાનો સંદેશ આપ્યો હતો.

આ જગ્યાએ મતદાન જાગૃતિ માટે ખાસ ઓફર, ગાઠીયા-ભજીયા સાથે જલેબી ફ્રી

પોરબંદરમાં મતદાન જાગૃતિને લઈ વેપારી અને તબીબો પણ મેદાને આવ્યા છે. મતદાતાઓ માટે ખાસ ઓફર રાખવામા આવી હતી.પોરબંદરમાં આજે વિધાનસભાની ચુંટણી યોજાઈ હતી. પોરબંદર વિધાનસભા બેઠકમાં સૌથી વધારે મતદાન થાય તે માટે પોરબંદરના ખાણીપીણીના ધંધાર્થીઓએ ખાસ ઓફર રાખી હતી. જાણીતા કનુભાઈ ગાંઠીયા અને ભજીયાવાળા દ્વારા જે મતદાર મતદાન કરીને આવે તેમને ગાઠીયા અને ભજીયાની પ્લેટ સાથે જલેબીની પ્લેટ ફ્રી આપવામા આવી હતી. તો શિવા બેકર્સ દ્વારા જે મતદાતા મતદાન કરી અને તેમની શોપ ઉપર આવે તેમને પેસ્ટ્રી ખવડાવી અને મીઠુ મોઢુ કરાવવામા આવ્યુ હતુ. વેપારીઓ એવુ જણાવ્યું હતુ કે લોકશાહીના પર્વની ઉજવણી લોકો આનંદ અને ઉત્સાહ સાથે કરે તે માટે આ ખાસ ઓફર મુકવામા આવી હતી. તો બીજી તરફ પોરબંદરના મનન ટેસ્ટ ટયુબ બેબી અને ડેન્ટલ હોસ્પીટલ દ્વારા મતદાન જગૃતિ્‌ને ખાસ ઓફર આપવામાં આવી હતી. જે દર્દી મતદાન કર્યાનુ નિશાન દેખાડશે તેમને એક સપ્તાહ સુધી એકઅપ ફ્રી કરી આપવા માટેની ખાસ ઓફર આપી છે. તેમને સારો એવો પ્રતિસાદ મળ્યો હતો. પોરબંદરમાં આજે મતદાનના દીવસે લોકોમાં પણ એનરો ઉત્સાહ જોવા મળ્યો હતો. તો બીજી તરફ મતદાન જગૃતિના અભિાયાનમાં વેપરીઓ અને તબીબો પણ જોડાયા હતા.