BPCL એ લોન્ચ કર્યું 10 kg નું નવું LPG સિલિન્ડર: જાણો કિંમત અને વિશેષતાઓ

BPCL ના નવા 'ભારતગેસ લાઇટ ઝીપ' ફાઇબર કમ્પોઝિટ LPG સિલિન્ડરનું કનેક્શન લેવું એકદમ સરળ છે. આ હળવા વજનના સિલિન્ડરની માત્ર 4 કલાકમાં જ ફાસ્ટ ડિલિવરી મળી જશે.

10 Kg Bharatgas Lite ZIP LPG Cylinder Launch Price Booking Process

Source : Bharatgas/X

Show Quick Read

Key points generated by AI, verified by newsroom

• ભારત પેટ્રોલિયમ 'ભારતગેસ લાઇટ ઝીપ' 10 કિલોનો સિલિન્ડર લાવ્યું.
• હળવો, કાટવિહીન, પારદર્શક સિલિન્ડર ગેસનું સ્તર સરળતાથી દર્શાવે છે.
• નવું કનેક્શન ₹4812 માં, ચાર કલાકમાં ફાસ્ટ ડિલિવરી.
• મંગલુરુમાં લોન્ચ, 70+ શહેરોમાં વિસ્તરણનું BPCLનું લક્ષ્ય.

10 kg Bharatgas Lite ZIP composite cylinder: ઘરમાં ગેસનો બાટલો પૂરો થાય એટલે સૌથી મોટું ટેન્શન એ ભારેખમ લોખંડના સિલિન્ડરને ઊંચકવાનું અને ખસેડવાનું હોય છે. પણ હવે ગૃહિણીઓ અને સામાન્ય ગ્રાહકો માટે એક મોટા રાહતના સમાચાર છે. ભારત પેટ્રોલિયમ કોર્પોરેશન લિમિટેડ (BPCL) એ ગ્રાહકોની સુવિધાને ધ્યાનમાં રાખીને 10 કિલોગ્રામનું નવું ફાઇબર કમ્પોઝિટ LPG સિલિન્ડર બજારમાં ઉતાર્યું છે. 'ભારતગેસ લાઇટ ઝીપ' (Bharatgas Lite ZIP) નામનું આ નવું સિલિન્ડર વજનમાં એકદમ હળવું છે, તેને કાટ લાગતો નથી અને તે પારદર્શક હોવાથી અંદર કેટલો ગેસ બચ્યો છે તે પણ સરળતાથી જોઈ શકાય છે. હવે નવું કનેક્શન લેવા માટે લાંબી પ્રક્રિયામાંથી પસાર થવું પડશે નહીં. માત્ર ₹4812 ચૂકવીને તમે સરળતાથી આ કનેક્શન મેળવી શકો છો અને બુકિંગ કર્યાના માત્ર 4 કલાકમાં જ તેની ફાસ્ટ ડિલિવરી મળી જશે. ચાલો જાણીએ આ નવા સિલિન્ડરની તમામ મહત્વની વિગતો.

નવા 'Bharatgas Lite ZIP' સિલિન્ડરની ખાસિયતો શું છે?

લોખંડના જૂના સિલિન્ડરોની સરખામણીમાં આ નવું સિલિન્ડર ઘણી રીતે આધુનિક અને સુવિધાજનક છે:

હળવું વજન: આ ફાઇબર કમ્પોઝિટ ટેકનોલોજીથી બનેલું એકદમ હળવા વજનનું LPG સિલિન્ડર છે, જેથી તેને એક જગ્યાએથી બીજી જગ્યાએ લઈ જવું ખૂબ જ સરળ છે.

ક્ષમતા: આ સિલિન્ડરની અંદર 10 કિલોગ્રામ ગેસ ભરેલો હશે.

કાટથી મુક્તિ: લોખંડના સિલિન્ડરની જેમ આમાં કાટ લાગવાની કોઈ જ સમસ્યા રહેશે નહીં.

પારદર્શકતા: આ સિલિન્ડરનો સૌથી મોટો ફાયદો એ છે કે તે પારદર્શક (ટ્રાન્સપરન્ટ) છે. તમે બહારથી જ જોઈ શકશો કે અંદર કેટલો ગેસ બાકી છે.

એડવાન્સ પ્લાનિંગ: ગેસનું લેવલ દેખાતું હોવાથી, ગેસ અચાનક ખતમ થઈ જાય તે પહેલાં જ તમે નવા સિલિન્ડર માટે એડવાન્સમાં પ્લાનિંગ કરી શકશો.

કનેક્શન અને બુકિંગની પ્રક્રિયા થઈ ગઈ એકદમ સરળ

કંપનીએ નવું કનેક્શન મેળવવાની પ્રક્રિયાને પહેલા કરતા ઘણી જ આસાન અને ઝડપી બનાવી દીધી છે:

BPCL એ આ નવા સિલિન્ડરને 'ફ્રી-ટ્રેડ LPG' શ્રેણીમાં રજૂ કર્યું છે.

ગ્રાહકો એકદમ સરળ ઓનબોર્ડિંગ પ્રોસેસ દ્વારા કોઈપણ જાતના લાંબા કાગળિયા વગર તાત્કાલિક ધોરણે નવું કનેક્શન મેળવી શકે છે.

સૌથી આકર્ષક વાત એ છે કે, બુકિંગ કર્યા પછી લગભગ 4 કલાકની અંદર જ સિલિન્ડર તમારા ઘરે ડિલિવર થઈ જવાનો દાવો કરવામાં આવી રહ્યો છે.

જે લોકોને ઈમરજન્સીમાં કે તાત્કાલિક ગેસ સિલિન્ડરની જરૂર પડતી હોય છે, તેમના માટે આ ફાસ્ટ સર્વિસ ખૂબ જ ફાયદાકારક સાબિત થશે.

હાલમાં કયા શહેરોમાં મળશે આ સુવિધા?

કંપની આ સેવાને તબક્કાવાર રીતે સમગ્ર દેશમાં લાગુ કરી રહી છે:

હાલ પૂરતું, આ નવું સિલિન્ડર કર્ણાટક રાજ્યના મેંગલુરુ શહેરથી લોન્ચ કરવામાં આવ્યું છે.

શરૂઆતના તબક્કામાં કંપની તેને દેશના અન્ય 29 શહેરોમાં ઉપલબ્ધ કરાવવાની પૂરજોશમાં તૈયારી કરી રહી છે.

આગામી 15 ઓગસ્ટ સુધીમાં આ શાનદાર સેવાને 70 થી વધુ શહેરોમાં વિસ્તારવાનું BPCL નું મોટું લક્ષ્ય છે.

આવનારા ભવિષ્યમાં દેશભરના તમામ નાના અને મોટા શહેરોમાં આ સિલિન્ડર સરળતાથી ઉપલબ્ધ થઈ જશે.

કિંમત કેટલી ચૂકવવી પડશે?

આ નવા 'ભારતગેસ લાઇટ ઝિપ' સિલિન્ડર લેવા માટે શરૂઆતી કિંમત ₹4,812 નક્કી કરવામાં આવી છે.

આ એક કોમ્બો પ્રાઇસ છે, એટલે કે આ રકમમાં જ તમારી ગેસ કનેક્શન ફી, નવા ફાઇબર સિલિન્ડરની કિંમત અને તેમાં ભરેલા પહેલા ગેસના જથ્થાનો સમાવેશ થઈ જાય છે.

આનો સીધો અર્થ એ છે કે, ગ્રાહકોએ આ સિવાય કનેક્શન મેળવવા માટે કોઈ અલગથી ફી કે ચાર્જ ચૂકવવાની જરૂર રહેશે નહીં.