Assam Elections: આસામમાં કૉંગ્રેસે જાહેર કર્યા 7 ઉમેદવાર, જાણો કોને મળી ટિકિટ 

કૉંગ્રેસ પાર્ટીએ 9 એપ્રિલ, 2026 ના રોજ યોજાનારી આસામ વિધાનસભા ચૂંટણી 2026 માટે ઉમેદવારોની ચોથી યાદી જાહેર કરી છે.

પ્રતિકાત્મક તસવીર

Source : તસવીર સોશિયલ મીડિયા

Show Quick Read

Key points generated by AI, verified by newsroom

કૉંગ્રેસ પાર્ટીએ 9 એપ્રિલ, 2026 ના રોજ યોજાનારી આસામ વિધાનસભા ચૂંટણી 2026 માટે ઉમેદવારોની ચોથી યાદી જાહેર કરી છે. પાર્ટીએ આ યાદીમાં તેના સાત ઉમેદવારોના નામ જાહેર કર્યા છે. વધુમાં, તેમણે ગઠબંધનમાં ડાબેરી પક્ષો માટે 11 બેઠકો છોડી દિધી છે.

યાદીમાં કયા ઉમેદવારોનો સમાવેશ થાય છે?

કોંગ્રેસ પાર્ટી દ્વારા જાહેર કરાયેલ ચોથી યાદીમાં સાત ઉમેદવારોના નામ સામેલ છે: જેમાં જાલુકબાડી વિધાનસભા મતવિસ્તારમાંથી બિદિશા નિયોગને ઉમેદવાર બનાવ્યા છે, તાંગ્લાથી રોહિત પરિગા, બિશ્વનાથ સીટરથી જયંત બોરા, નૌબાઈચાની   (SC)રિઝર્વ બેઠક પરથી  ડૉ. જોય પ્રકાશ દાસ, મહમોરાથી જ્ઞાનદીપ મોહન, તિતાબોર બેઠક પરથી પ્રાણ કુર્મી અને હૈલાકાંડી વિધાનસભા બેઠક પરથી રાહુલ રોયને ઉમેદવાર બનાવ્યા છે. 

કોંગ્રેસે ડાબેરી પક્ષોને કઈ બેઠકો ફાળવી?

પાર્ટીએ પોતાના ઉમેદવારોના નામની ચોથી યાદીમાં સાથે સાથે 11 વિધાનસભા બેઠકોની જાહરાત કરી જે સહયોગી લેફ્ટ પાર્ટી માટે છોડી છે. જેમાં માનસ, દલગાંવ, ધિંગ, કાલિયાબોર, તેજપુર, સિસ્સિબારગાંવ, માર્ગેરિટા, દિગબોઈ, સિબસાગર, મારિયાની અને બોકાખાટની બેઠકોનો સમાવેશ થાય છે.

ગૌરવ ગોગોઈ જોરહાટ બેઠક પરથી ચૂંટણી લડશે

આસામ વિધાનસભા ચૂંટણી માટે કોંગ્રેસે રાજ્ય પાર્ટીના અધ્યક્ષ અને લોકસભામાં વિરોધ પક્ષના નાયબ નેતા ગૌરવ ગોગોઈને જોરહાટ બેઠક પરથી મેદાનમાં ઉતાર્યા છે. અત્યાર સુધીમાં, કોંગ્રેસ પાર્ટીએ ઉમેદવારોની કુલ ચાર યાદીઓ જાહેર કરી છે.

પાર્ટીએ આ મહિનાની શરૂઆતમાં 3 માર્ચ, 2026 ના રોજ ઉમેદવારોની પોતાની પ્રથમ યાદી જાહેર કરી હતી. ત્યારબાદ 14 માર્ચે બીજી યાદી, 18 માર્ચે 22 ઉમેદવારોના નામ સાથે ત્રીજી યાદી અને હવે 7 ઉમેદવારોના નામ સાથે ચોથી યાદી જાહેર કરવામાં આવી છે.

આસામ વિધાનસભા ચૂંટણી ક્યારે યોજાશે?

ભારતના ચૂંટણી પંચે આસામ વિધાનસભા ચૂંટણીની તારીખો જાહેર કરી છે. ચૂંટણી પંચે જણાવ્યું હતું કે આસામ વિધાનસભાની ચૂંટણીઓ આવતા મહિને, 9 એપ્રિલ, 2026 ના રોજ એક જ તબક્કામાં યોજાશે. મતગણતરી અને પરિણામોની જાહેરાત 4 મે, 2026 ના રોજ થશે. 

ચૂંટણી પંચે દેશના 5 રાજ્યો અને કેન્દ્રશાસિત પ્રદેશો (આસામ, કેરળ, પુડુચેરી, તમિલનાડુ અને પશ્ચિમ બંગાળ) ની વિધાનસભા ચૂંટણીઓનો કાર્યક્રમ સત્તાવાર રીતે જાહેર કરી દીધો છે. 2026ની આસામ વિધાનસભા ચૂંટણી માટે મતગણતરી 4 મેના રોજ થશે.  કેરળ, તમિલનાડુ અને પુડુચેરીના ચૂંટણી પરિણામો પણ તે જ દિવસે જાહેર કરવામાં આવશે.  ચૂંટણીની તારીખોની જાહેરાત થતાંની સાથે જ આ તમામ રાજ્યોમાં આદર્શ આચારસંહિતા (Model Code of Conduct) લાગુ થઈ ગઈ છે.