Vande Bharat: દેશને મળશે એક સાથે પાંચ વંદે ભારત ટ્રેનની ભેટ, ભોપાલમાં PM મોદી બતાવશે લીલી ઝંડી
વડાપ્રધાન નરેન્દ્ર મોદી મંગળવારે મધ્યપ્રદેશના પ્રવાસે છે. તેઓ સવારે 11 વાગ્યે પાંચ વંદે ભારત ટ્રેનોને લીલી ઝંડી બતાવશે
ભારતીય રેલવે 27મી જૂન એટલે કે મંગળવારે દેશવાસીઓને એક સાથે પાંચ નવી વંદે ભારત ટ્રેનની ભેટ આપશે. વડાપ્રધાન નરેન્દ્ર મોદી મંગળવારે મધ્યપ્રદેશના પ્રવાસે છે. તેઓ સવારે 11 વાગ્યે રાજધાની ભોપાલના રાણી કમલાપતિ રેલવે સ્ટેશનથી પાંચ વંદે ભારત ટ્રેનોને લીલી ઝંડી બતાવશે. દરમિયાન વડાપ્રધાન મોદી રાણી કમલાપતિ-જબલપુર વંદે ભારત એક્સપ્રેસ ટ્રેન સિવાય બાકીની ચાર ટ્રેનોને વર્ચ્યુઅલ રીતે લીલી ઝંડી બતાવશે
प्रधानमंत्री श्री @narendramodi के 27 जून को मध्य प्रदेश में सार्वजनिक कार्यक्रम।
— BJP (@BJP4India) June 26, 2023
लाइव देखें:
📺https://t.co/ZFyEVlesOi
📺https://t.co/vpP0MIos7C
📺https://t.co/lcXkSnOnsV
📺https://t.co/4XQ2GzrhRl pic.twitter.com/z5QAn5e2Nz
પીએમ મોદી આ 5 વંદે ભારત ટ્રેનને લીલી ઝંડી બતાવશે
વડાપ્રધાન નરેન્દ્ર મોદી મંગળવારે ભોપાલથી રાણી કમલાપતિ-જબલપુર વંદે ભારત એક્સપ્રેસ, ખજુરાહો-ભોપાલ-ઈન્દોર વંદે ભારત એક્સપ્રેસ, મડગાંવ-મુંબઈ વંદે ભારત એક્સપ્રેસ, ધારવાડ-બેંગલુરુ વંદે ભારત એક્સપ્રેસ અને રાંચી-પટના વંદે ભારત એક્સપ્રેસને લીલી ઝંડી બતાવશે. મધ્યપ્રદેશને આ વખતે એક સાથે બે વંદે ભારત ટ્રેન મળવા જઈ રહી છે. ગોવા, બિહાર અને ઝારખંડને તેમની પ્રથમ વંદે ભારત ટ્રેન મળવા જઈ રહી છે. આ સિવાય કર્ણાટકને બીજી વંદે ભારત ટ્રેનની ભેટ મળશે.
મધ્ય પ્રદેશમાં રાણી કમલાપતિ-જબલપુર વંદે ભારત એક્સપ્રેસ ભોપાલ અને જબલપુરને જોડશે. તે રાજ્યના અનેક પ્રવાસન સ્થળો પરથી પસાર થશે. જેમાં ભેડાઘાટ, પંચમઢી અને સતપુડાનો સમાવેશ થાય છે. જ્યારે ખજુરાહો-ભોપાલ-ઈન્દોર વંદે ભારત ટ્રેન રાજ્યના માલવા અને બુંદેલખંડ વિસ્તારોને ભોપાલ સાથે જોડશે. આ દરમિયાન આ ટ્રેન મહાકાલેશ્વર, માંડુ, મહેશ્વર, ખજુરાહો જેવા પર્યટનના મહત્વપૂર્ણ સ્થળો પરથી પસાર થશે.
બિહાર, ઝારખંડ અને ગોવાને પ્રથમ વંદે ભારત ટ્રેન મળશે
બિહાર અને ઝારખંડના મુસાફરોની રાહનો પણ અંત આવી રહ્યો છે. આ બંને રાજ્યોને સંયુક્ત રીતે પહેલી ટ્રેન મળવા જઈ રહી છે. અપ અને ડાઉન દિશામાં આ ટ્રેન જહાનાબાદ, ગયા, બરકાકાના, કોડરમા, હજારીબાગ ટાઉન અને મેસરાના રસ્તે ચલાવવામાં આવશે. આ ટ્રેન પટના અને રાંચી વચ્ચેનું અંતર માત્ર 6 કલાકમાં કાપશે. આ ટ્રેન મંગળવાર સિવાય પટના અને રાંચીથી અઠવાડિયામાં છ દિવસ દોડશે. બિહાર અને ઝારખંડની જેમ ગોવામાં પણ પહેલી ટ્રેન મળવા જઈ રહી છે. મડગાંવ-મુંબઈ વંદે ભારત એક્સપ્રેસ છત્રપતિ શિવાજી મહારાજ ટર્મિનસ અને ગોવાના મડગાંવ સ્ટેશન વચ્ચે ચલાવવામાં આવશે.
કર્ણાટકને બીજી વંદે ભારત ટ્રેનની ભેટ
ભારતીય રેલવે કર્ણાટકને બીજી વંદે ભારત ટ્રેનની ભેટ આપવા જઈ રહી છે. ચેન્નઈ-મૈસુર વંદે ભારત એક્સપ્રેસ ટ્રેન અહીં પહેલાથી જ દોડી રહી છે. હવે રેલવે ધારવાડ-બેંગલુરુ રૂટ પર વંદે ભારત એક્સપ્રેસનું સંચાલન કરશે. આ ટ્રેન ધારવાડ, હુબલ્લી અને દાવણગેરેને બેંગલુરુ સાથે જોડવાનું કામ કરશે.
ટોપ સ્ટોરી
ટ્રેન્ડિંગ સમાચાર
