મધ્યપ્રદેશ: સરકારી અધિકારીને બેટથી મારનાર આરોપી ધારાસભ્ય આકાશ વિજયવર્ગીયને મળ્યા જામીન

ઈંદોરમાં નગર નિગમના અધિકારી સાથે મારપીટના મામલે ભાજપના નેતા કૈલાશ વિજયવર્ગીયના પુત્ર અને ધારાસભ્ય આકાશ વિજયવર્ગીયને જામીન મળી ગયા છે. ધારાસભ્ય આકાશની જામીન અરજીને આજે ભોપાલની સ્પેશલ કોર્ટ મંજૂરી આપી હતી.

ભોપાલ: ઈંદોરમાં નગર નિગમના અધિકારી સાથે મારપીટના મામલે ભાજપના નેતા કૈલાશ વિજયવર્ગીયના પુત્ર અને ધારાસભ્ય આકાશ વિજયવર્ગીયને જામીન મળી ગયા છે. ધારાસભ્ય આકાશની જામીન અરજીને આજે ભોપાલની સ્પેશલ કોર્ટ મંજૂરી આપી હતી. આકાશ વિજયવર્ગીયને 20-20 હજારના બોન્ડ પર જામીન મળ્યા છે.

BJP MLA Akash Vijayvargiya has been granted bail in both the cases - thrashing a Municipal Corporation officer and case in connection with a protest in Rajbada over power cuts in the state - on a cash bail of Rs 50,000 and Rs 20,000 respectively. #MadhyaPradesh https://t.co/MosOWNQ6s2

— ANI (@ANI) June 29, 2019

આકાશ વિજયવર્ગીયના જામીન મામલે શનિવારે બપોરે સુનાવણી પૂર્ણ થઈ હતી. બંને પક્ષોને વકીલોએ પોતાની દલીલો કોર્ટ સામે રાખી હતી. બાદમાં જજ સુરેશ સિંહે નિર્ણયને યથાવત રાખી અને જામીન આપવાની જાહેરાત કરી હતી. આ પહેલા આકાશ વિજયવર્ગીયની જામીન અરજી ઈંદોરની કોર્ટ ફગાવી હતી. ઈંદોર કોર્ટે કહ્યું હતું કે આ મામલો ધારાસભ્ય સાથે જોડાયેલો છે, તેની સુનાવણી અમારા ક્ષેત્રમાં નથી. આ મામલાની સુનાવણી ધારાસભ્યો અને સાંસદો માટે બનાવેલી સ્પેશલ કોર્ટમાં કરવામાં આવે. ત્યારબાદ આકાશના વકીલે ભોપાલની સ્પેશલ કોર્ટમાં જામીન અરજી કરી હતી. ઉલ્લેખનીય છે કે આકાશની નગર નિગમના અધિકારીને બેટથી ફટકારવા મામલે ધરપકડ કરવામાં આવી હતી. ગુંડાગર્દીના આરોપમાં તેને 14 દિવસ પોલીસ કસ્ટડીમાં મોકલવામાં આવ્યો હતો. આ મામલો ધારાસભ્ય સાથે જોડાયેલો હોવાથી આ મામલાની સુનાવણી ભોપાલની સ્પેશલ કોર્ટમાં થઈ હતી.