પરિવારના વારસાથી નહી પરંતુ વિચારધારાથી અહી સુધી પહોંચી છે બીજેપીઃ PM મોદી

મોદીએ સાંસદોને કહ્યું કે, તે કાર્યકર્તાઓ સાથે સંપર્ક જાળવી રાખે, તેમની સાથે સંબંધો બનાવી રાખે

નવી દિલ્હીઃ ભાજપે શનિવારે પોતાના લોકસભા અને રાજ્યસભાના સાંસદો માટે બે  દિવસીય અભ્યાસ વર્ગની શરૂઆત કરી હતી જેમાં વડાપ્રધાન મોદી અને ગૃહમંત્રી અમિત શાહ પહોંચ્યા હતા. વડાપ્રધાન મોદીને આ દરમિયાન પાર્ટીના સાંસદોને કહ્યું કે, એક પરિવારના વારસાના કારણે નહી પરંતુ ભાજપ પોતાની વિચારધારા અને વિચારના કારણે અહી સુધી પહોંચી છે. સૂત્રોએ કહ્યું કે, મોદીએ સાંસદોને કહ્યું કે, તે કાર્યકર્તાઓ સાથે સંપર્ક જાળવી રાખે, તેમની સાથે સંબંધો બનાવી રાખે. તે સાંસદની કાર્યવાહીમાં સક્રીય હિસ્સેદારી રાખે. તેમણે સાંસદોને ખૂબ મહેનત કરવાની ભલામણ કરી હતી. મોદીએ કહ્યું કે, ભાજપ પોતાની વિચારધારા અને વિચારના કારણે અહી સુધી પહોંચ્યો છે. આ દરમિયાન તેમણે કહ્યું કે, આ બાબતોને કાગળ પર નહી પરંતુ દિલમાં ઉતારો. દરમિયાન અમિત શાહે આ અંગે ટ્વિટ કર્યું હતું જેમાં કહ્યું કે, વડાપ્રધાન મોદીની ઉપસ્થિતિમાં આજે ભાજપના સાંસદોના બે દિવસીય કાર્યશાળામાં આવેલા તમામ સાંસદ સભ્યો સાથે સંવાદ કર્યો. નવા સાંસદોને પાર્ટીની વિચારધારાથી લઇને સંગઠનની કળા શીખવવાની પરિકલ્પના કરવામાં આવી. આ કાર્યશાળામાં અમિત શાહ, સંરક્ષણ મંત્રી રાજનાથ સિંહ, ભાજપના કાર્યકારી અધ્યક્ષ જેપી નડ્ડા પણ હાજર રહ્યા હતા.

Pictures of BJP's 'Sansad Karyashala' being held at GMC Balyogi Auditorium, Parliament Library Building, New Delhi. pic.twitter.com/ivplHsToeo

— BJP (@BJP4India) August 3, 2019

આ કાર્યક્રમમાં કુલ નવ સત્ર રહેશે. અભ્યાસ વર્ગમાં કહેવામાં આવશે કે સાંસદની અંદર અને બહાર સાંસદોએ કેવી રીતે વર્તન કરવું જોઇએ. સાથે લોકો સાથે જોડાવવાના ઉપાયો પણ બતાવવામાં આવશે. સાથે તેમને જણાવવામાં આવશે કે તેમના વિસ્તારની સમસ્યાઓને સાંસદમાં કેવી રીતે રજૂ કરવી જોઇએ.