Punjab News: પંજાબમાં ત્રણ કલાકની અંદર બે વિસ્ફોટ, જલંધર અને અમૃતસરમાં BSF હેડક્વાર્ટર બહાર બ્લાસ્ટ

Punjab Double Blast News: પંજાબમાં રાત્રે બે અલગ અલગ સ્થળોએ થયેલા વિસ્ફોટો બાદ સુરક્ષા એજન્સીઓને હાઇ એલર્ટ પર રાખવામાં આવી છે.

જલંધર અને અમૃતસરમાં BSF હેડક્વાર્ટર બહાર બ્લાસ્ટ

Source : Source : sachin kumar

Show Quick Read

Key points generated by AI, verified by newsroom

• પંજાબમાં બે સ્થળોએ રાત્રે થયેલા વિસ્ફોટોથી સુરક્ષા તંત્ર એલર્ટ.
• જલંધરમાં BSF મુખ્યાલય પાસે સ્કૂટીમાં, અમૃતસરમાં આર્મી કેમ્પ નજીક વિસ્ફોટ.
• બંને સ્થળોએ કોઈ જાનહાનિ નહીં, સુરક્ષા એજન્સીઓ તપાસમાં કામે લાગી.
• વિસ્ફોટો પાછળ કોઈ સંબંધ કે અલગ ઘટના, એજન્સીઓ ચકાસણીમાં વ્યસ્ત.

Punjab Double Blast News:  પંજાબમાં રાત્રે બે અલગ અલગ સ્થળોએ થયેલા વિસ્ફોટો બાદ સુરક્ષા એજન્સીઓને હાઇ એલર્ટ પર રાખવામાં આવી છે. જલંધરમાં બીએસએફ પંજાબ મુખ્યાલયની બહાર થયેલા વિસ્ફોટ બાદ અમૃતસરના ખાસા વિસ્તારમાં આર્મી કેમ્પની બહાર પણ વિસ્ફોટ થયો હતો. સેના અને પંજાબ પોલીસની ટીમો ઘટનાસ્થળે પહોંચી હતી અને ફોરેન્સિક તપાસ શરૂ કરવામાં આવી હતી.

#WATCH | Punjab | Amritsar SP Aditya Warrior says, "Today, at around 10.50 PM, the police received a complaint about a sound of a blast near Khassa cantonment... The police team reached the spot along with the senior officials of the army residing in the cantonment. The BDS team… pic.twitter.com/53vmvky3wI

— ANI (@ANI) May 5, 2026

અધિકારીઓએ વિસ્તારને ઘેરી લીધો હતો અને સર્ચ ઓપરેશન શરૂ કર્યું હતું. અમૃતસર ગ્રામીણ પોલીસના પોલીસ અધિક્ષક (ડિટેક્ટીવ) આદિત્ય વોરિયરે જણાવ્યું હતું કે આ મામલાની ગંભીરતાથી તપાસ કરવામાં આવી રહી છે અને શંકાસ્પદ પ્રવૃત્તિઓ પર નજર રાખવામાં આવી રહી છે.

પહેલી ઘટના જલંધરમાં રાત્રે 8:15 વાગ્યે બની હતી. બીએસએફ પંજાબ હેડક્વાર્ટરની બહાર પાર્ક કરેલા સ્કૂટીમાં વિસ્ફોટ થયો હતો, જેના કારણે વિસ્તારમાં અફરા તફરી મચી ગઈ હતી. જોકે, રાહતની વાત એ છે કે હજુ સુધી કોઈ જાનહાનિની ​​પુષ્ટી થઈ નથી.

થોડા કલાકો પછી અમૃતસરમાં વિસ્ફોટ

જલંધરની ઘટનાના થોડા કલાકો પછી રાત્રે 10:30 વાગ્યે અમૃતસરના ખાસા વિસ્તારમાં એક આર્મી કેમ્પ પાસે વિસ્ફોટ થયો હતો. સ્થાનિકોના જણાવ્યા મુજબ, વિસ્ફોટનો અવાજ દોઢ કિલોમીટર દૂર સુધી સંભળાયો હતો. વધુમાં વિસ્ફોટની તીવ્રતા એટલી મોટી હતી કે તેનાથી કેમ્પસની દિવાલો હચમચી ગઈ હતી.

સુરક્ષા એજન્સીઓ ઘટનાસ્થળે પહોંચી હતી

બંને ઘટનાઓનો તાત્કાલિક જવાબ સેના અને પંજાબ પોલીસે આપ્યો હતો. ફોરેન્સિક ટીમોને પણ ઘટનાસ્થળે બોલાવવામાં આવી છે અને પુરાવા એકઠા કરવામાં આવી રહ્યા છે. આસપાસના વિસ્તારને ઘેરી લેવામાં આવ્યો છે અને તપાસ ચાલી રહી છે. અધિકારીઓના જણાવ્યા મુજબ, બંને ઘટનામાં કોઈ મોટું નુકસાન કે જાનહાનિની ​​પુષ્ટી થઈ નથી. જોકે, વિસ્ફોટોની સંપૂર્ણ તપાસ ચાલી રહી છે.

જલંધર પોલીસ કમિશનર ધનપ્રીત કૌરે જણાવ્યું હતું કે, "અમારી પેટ્રોલિંગ ટીમ રાત્રે 8 વાગ્યાની આસપાસ અહીં હાજર હતી. ગેટ પાસે એક સ્કૂટી પાર્ક કરવામાં આવી હતી. અચાનક તેમાં આગ લાગી ગઈ. અમે BSF પાસેથી માહિતી એકત્રિત કરી રહ્યા છીએ. પ્રાથમિક માહિતી મુજબ, સ્કૂટર અહીં કામ કરતા એક વ્યક્તિનું છે અને તે પહોંચતા જ તેમાં આગ લાગી ગઈ. અમે આ ઘટનાના દરેક પાસાની તપાસ કરવા માંગીએ છીએ."

એજન્સીઓએ શરૂ કરી તપાસ 

સુરક્ષા એજન્સીઓ એ નક્કી કરવાનો પ્રયાસ કરી રહી છે કે બે વિસ્ફોટો વચ્ચે કોઈ સંબંધ છે કે શું આ અલગ-અલગ ઘટનાઓ છે. વિસ્તારમાં સતર્કતા વધારી દેવામાં આવી છે અને શંકાસ્પદ પ્રવૃત્તિઓ પર નજર રાખવામાં આવી રહી છે. આ ઘટનાઓ બાદ કોઈપણ સંભવિત ખતરાને સમયસર અટકાવવા માટે સમગ્ર પંજાબમાં સુરક્ષા વધુ કડક કરવામાં આવી છે.