BRICS Summit 2026: બ્રિક્સના તમામ પ્રસ્તાવ મંજૂર, PM મોદીની જાહેરાત

BRICS Summit 2026: ભારત તરફથી બ્રિક્સ સમિટ દરમિયાન રાખવામાં આવેલા તમામ પ્રસ્તાવને સ્વીકારી લેવામાં આવ્યા છે. પીએમ મોદીએ જાહેરાત કરતા કહ્યું છે કે ન્યુ દિલ્હી ડિક્લેરેશન પ્રસ્તાવને સર્વસંમતિથી સ્વીકારી લેવામાં આવ્યો છે.

બ્રિક્સ સમિટ 2026

Source : PTI

Show Quick Read

Key points generated by AI, verified by newsroom

• ૧૮મા બ્રિક્સ શિખર સંમેલનમાં ભારતનો પ્રસ્તાવ સર્વસંમતિથી મંજૂર થયો.
• પીએમ મોદીએ બેઠકને રચનાત્મક ગણાવી, ભારતના ૧૦ પ્રસ્તાવો સ્વીકારાયા.
• વડાપ્રધાન મોદીએ યુએન કાયમી સભ્યપદ વિસ્તારની હાકલ કરી.
• આગામી ૨૦ વર્ષ માટે બ્રિક્સનો મહત્વાકાંક્ષી એજન્ડા સૂચવાયો.

BRICS Summit 2026: નવી દિલ્હીમાં ચાલતા 18મા બ્રિક્સ સમિટમાં ભારત તરફથી રાખવામાં આવેલા ન્યુ દિલ્હી ડિક્લેરેશન પ્રસ્તાવને સર્વસંમતિથી સ્વીકારી લેવામાં આવ્યો છે. પીએમ મોદીએ બ્રિક્સની બેઠકને સાર્થક અને રચનાત્મક ગણાવતા નિવેદન જારી કર્યું છે. સાથે જ જાહેરાત કરતા કહ્યું છે કે ભારત તરફથી રાખવામાં આવેલા તમામ 10 પ્રસ્તાવોને મંજૂર કરી લેવામાં આવ્યા છે.

 

પીએમ મોદીએ પ્રસ્તાવ રાખતા કહ્યું, New Delhi Declaration ને સ્વીકાર કરવાનો પ્રસ્તાવ રાખું છું. ન્યુ દિલ્હી ડિક્લેરેશનને સર્વસંમતિથી Adopt કરવામાં આવે છે. કોઈ પણ સભ્યએ કોઈ વાંધો ઉઠાવ્યો નથી. નવી દિલ્હી ઘોષણા 2026 ને સર્વસંમતિથી અપનાવવામાં આવી છે.

તેમણે આગળ કહ્યું, આજે આપણી બેઠક સાર્થક અને રચનાત્મક રહી. આપણી સંયુક્ત કટિબદ્ધતા સામે આવી છે. બદલાતા વિશ્વનું સંચાલન જૂના સંસાધનોથી કરી શકાય નહીં. ત્રણેયમાં સુધારાની જરૂર છે. ગ્લોબલ સાઉથની ભાગીદારી હોવી જોઈએ. આજે Adopt કરવામાં આવેલું New Delhi Declaration આપણી સંયુક્ત કટિબદ્ધતા દર્શાવે છે.

BRICS समिट में न्यू दिल्ली डिक्लेरेशन 2026 को सर्वसम्मति से किया गया पास, सभी प्रस्ताव किए गए स्वीकार. #BRICSSummit #NarendraModi #DelhiMeinDosti #DostiSeDiplomacy #DilliSeDosti #ABPNews pic.twitter.com/AITQd7QtFz

— ABP News (@ABPNews) September 12, 2026

 

આ ઘોષણાને સર્વસંમતિથી સ્વીકૃતિ અપાવવી એ કેટલું મહત્વપૂર્ણ પગલું છે?
નિષ્ણાતોના મતે, બ્રિક્સ (BRICS)ના આ સંયુક્ત ઘોષણાપત્રને સર્વસંમતિથી સ્વીકૃતિ અપાવવી એ વડાપ્રધાન મોદી માટે એક મહત્વપૂર્ણ સફળતા છે. ચીનના રાષ્ટ્રપતિ શી જિનપિંગની હાજરીમાં જ સંયુક્ત રાષ્ટ્રની કાયમી સદસ્યતાના વિસ્તાર માટે વડાપ્રધાન મોદીએ કરેલી હાકલ એક ઉત્કૃષ્ટ પગલું હતું. તેમણે ચીનને પણ સ્પષ્ટ સંદેશ આપ્યો, કારણ કે ભારતની કાયમી સદસ્યતાની દાવેદારીમાં ચીન જ અનેક રીતે અવરોધ ઊભો કરતું રહ્યું છે. વધુમાં, ઘોષણાપત્રમાં ઉલ્લેખિત મુદ્દાઓ પર - ખાસ કરીને કાયમી સદસ્યતા માત્ર પાંચ દેશો પૂરતી મર્યાદિત હોવા અને નિર્ણય લેવાની સત્તા અમુક પસંદગીના દેશોના હાથમાં કેન્દ્રિત હોવા અંગે  સર્વસંમતિ સાધવી એ એક નોંધપાત્ર સિદ્ધિ છે.

આગામી 20 વર્ષ માટે મુખ્ય એજન્ડા પર કામ કરો

પીએમ મોદીએ જણાવ્યું હતું કે આપણે આગામી બે દાયકા માટે નવા અને મહત્વાકાંક્ષી લક્ષ્યો સાથેના એજન્ડા પર કામ કરવાની જરૂર છે. આપણે આ પ્રક્રિયા આપણી આંતરિક કાર્યપદ્ધતિઓની તપાસ કરીને શરૂ કરવી જોઈએ. જોકે બ્રિક્સનું પ્રમુખપદ વાર્ષિક ધોરણે બદલાય છે, આનાથી આપણી સંસ્થાકીય કામગીરીની ગતિ પર અસર થવી જોઈએ નહીં. હું બ્રિક્સમાં એક સિસ્ટમ સ્થાપિત કરવાનો પ્રસ્તાવ મૂકું છું જેથી કાર્યની સાતત્યતા અને અસરકારક અમલીકરણ સુનિશ્ચિત થાય. આ 'ટ્રોઇકા' મિકેનિઝમ દ્વારા તમામ પહેલ અને પરિણામો પર ફોલો-અપ ક્રિયાઓને સરળ બનાવશે. આપણે દરેક નિર્ણય માટે નોડલ પોઈન્ટ, સમયરેખા અને અમલીકરણ સ્થિતિના રેકોર્ડ જાળવવા માટે એક સુરક્ષિત ડિજિટલ ભંડાર પણ બનાવી શકીએ છીએ.

આ પણ વાંચો

BRICS: PM મોદીએ પુતિનને ભેટમાં કયું પુસ્તક આપ્યું? જુઓ તસવીરો

'BRICS આર્થિક તાકાતના મામલે G7થી આગળ,  પશ્ચિમી દેશ નબળા પડી રહ્યા છે', દિલ્હીમાં પુતિનનું મોટું નિવેદન