ઠોસ પરિણામોની આશા', BRICS ના સમાપન પર બોલ્યા PM મોદી, ચીનનો કેમ કર્યો ઉલ્લેખ

BRICS 2026: પ્રધાનમંત્રી નરેન્દ્ર મોદીએ સમાપન ટિપ્પણી કરતા કાર્યક્રમમાં સક્રિય ભાગીદારી માટે તમામ દેશોનો આભાર વ્યક્ત કર્યો છે. સાથે જ આગામી બ્રિક્સ સંમેલનની અધ્યક્ષતા માટે ચીનને શુભકામનાઓ પાઠવી છે.

PM નરેન્દ્ર મોદી

Source : PTI

Show Quick Read

Key points generated by AI, verified by newsroom

• ૧૮મા બ્રિક્સ સંમેલન સમાપ્ત, પીએમ મોદીએ સહભાગીઓનો આભાર માન્યો.
• પીએમ મોદીએ કહ્યું, બ્રિક્સ ઉકેલોની એક સિસ્ટમ છે.
• નવી દિલ્હી ઘોષણાપત્ર ભવિષ્યના સહયોગને સ્પષ્ટ દિશા આપશે.
• જમીની સ્તરે અસર કરતા ઠોસ પરિણામો પર ભાર મૂકાયો.

BRICS 2026: નવી દિલ્હી સ્થિત ભારત મંડપમ્ ખાતે યોજાયેલ 18th બ્રિક્સ સંમેલનનું સમાપન થઈ ગયું છે. આ સંમેલનની અધ્યક્ષતા કરી રહેલા ભારતના પ્રધાનમંત્રી નરેન્દ્ર મોદીએ સમાપન ટિપ્પણી કરતા કાર્યક્રમમાં સક્રિય ભાગીદારી માટે ધન્યવાદ આપ્યો. આ ઉપરાંત તેમણે આગામી બ્રિક્સ સંમેલનની અધ્યક્ષતા માટે ચીનને પણ શુભકામનાઓ પાઠવી છે.

 

પ્રધાનમંત્રી નરેન્દ્ર મોદીએ કહ્યું, મિત્રો, 18th બ્રિક્સ શિખર સંમેલનના સમાપન પર હું આપ સૌની સક્રિય ભાગીદારી અને મૂલ્યવાન યોગદાન માટે હૃદયપૂર્વક ધન્યવાદ આપું છું. તમારા મહત્વપૂર્ણ વિચારો અને સૂચનોએ આપણા સહયોગને વ્યાપકતા પણ આપી છે અને ઊંડાણ પણ આપ્યું છે. તમારી હાજરી BRICS ની વધતી સુસંગતતા, ખુલ્લાપણું અને સમાવેશીતાનું પ્રમાણ છે. છેલ્લા બે દિવસની આપણી ચર્ચાઓએ આપણો વિશ્વાસ વધુ મજબૂત કર્યો છે કે બ્રિક્સ માત્ર દેશોનો સમૂહ જ નથી, પરંતુ ઉકેલોની એક સિસ્ટમ છે.

નવી દિલ્હી ઘોષણાપત્ર અમારી સહિયારી વિચારસરણી-સહયોગને સ્પષ્ટ દિશા આપશે

તેમણે કહ્યું, અમને આશા છે કે આ સમિટમાં અપનાવવામાં આવેલું 'નવી દિલ્હી ઘોષણાપત્ર' આપણી સહિયારી વિચારસરણી અને ભવિષ્યના સહયોગ માટે એક સ્પષ્ટ દિશા આપશે. આપણે તમામ પરિણામોને નિર્ધારિત સમયમર્યાદા વાળા કામોમાં બદલવા પડશે, જેની અસર જમીની સ્તર સુધી દેખાય. આપણે મળીને એ સુનિશ્ચિત કરીશું કે આપણું ફ્રેમવર્ક માત્ર કાગળની કામગીરી સુધી સીમિત ન રહે, પરંતુ વાસ્તવિક જીવનમાં ઠોસ અસર પાડે.

 

#WATCH | Delhi: On Day 2 of the BRICS Summit 2026, Prime Minister Narendra Modi says, "BRICS is poised to enter its third decade. The world now expects concrete results from us, not just ideas and commitments. I am confident that through our collective efforts, we will certainly… pic.twitter.com/k20yXFStQr

— ANI (@ANI) September 13, 2026

બ્રિક્સ પોતાના ત્રીજા દશકમાં પ્રવેશ કરી રહ્યું છે

તેમણે કહ્યું, બ્રિક્સ હવે પોતાના ત્રીજા દશકમાં પ્રવેશ કરવા જઈ રહ્યું છે. દુનિયા હવે આપણી પાસેથી માત્ર વિચારો અને વાયદાઓની નહીં, પરંતુ ઠોસ પરિણામોની આશા રાખે છે. મને વિશ્વાસ છે કે આપણે આપણા સામૂહિક પ્રયાસોથી આ આશાઓ પર ચોક્કસપણે ખરા ઊતરીશું. હું BRICS ની આગામી યજમાની માટે ચીનને ફરી એકવાર શુભકામનાઓ આપું છું. નવી દિલ્હી સમિટને સફળ બનાવવા માટે હું આપ સૌની અને તમારી ટીમોની ખાસ કરીને પ્રશંસા કરું છું. હું આપ સૌની સુખદ અને સુરક્ષિત યાત્રાની કામના કરું છું.

આ પણ વાંચો

મહારાષ્ટ્રથી ઉત્તરાખંડ સુધી મેઘતાંડવ, મુંબઈ અને થાણેમાં ધોધમાર વરસાદથી જળબંબાકાર

મુંબઇના નાલાસોપારામાં વરસાદ વચ્ચે અચાનક ગણેશ મૂર્તિ પડતાં 4 ભક્તો દબાયા, જાણો અપડેટસ