Arvind Kejriwal: અરવિંદ કેજરીવાલ પર ચાલશે કેસ, ગૃહમંત્રાલયે EDને આપી મંજૂરી
Arvind Kejriwal: ED એ અરવિંદ કેજરીવાલને દારૂ કૌભાંડના માસ્ટરમાઈન્ડ ગણાવ્યા હતા. EDએ તેમને કાવતરાખોર અને મુખ્ય સૂત્રધાર ગણાવ્યા હતા
Delhi Liquor Policy Case: કેન્દ્રીય ગૃહ મંત્રાલયે દિલ્હી દારૂ કૌભાંડ સંબંધિત કથિત મની લોન્ડરિંગ કેસમાં અરવિંદ કેજરીવાલ સામે કાર્યવાહી કરવા માટે EDને મંજૂરી આપી છે. સૂત્રોના જણાવ્યા અનુસાર, મંત્રાલયે મનીષ સિસોદિયા સામે કેસ દાખલ કરવાની મંજૂરી પણ આપી દીધી છે. ગયા વર્ષે નવેમ્બરમાં સુપ્રીમ કોર્ટે એક આદેશ આપ્યો હતો અને કહ્યું હતું કે જાહેર સેવક પર કેસ ચલાવવા માટે સત્તાધિકારી પાસેથી પરવાનગી લેવી પડશે.
Home Ministry grants ED to prosecute Arvind Kejriwal, Manish Sisodia in liquor scam case
Read @ANI Story | https://t.co/LYuHFAy3Ot#HomeMinistry #ED #Prosecution #ArvindKejriwal #ManishSisodia pic.twitter.com/2i15vJP9FK— ANI Digital (@ani_digital) January 15, 2025
ED એ અરવિંદ કેજરીવાલને દારૂ કૌભાંડના માસ્ટરમાઈન્ડ ગણાવ્યા હતા. EDએ તેમને કાવતરાખોર અને મુખ્ય સૂત્રધાર ગણાવ્યા હતા. ED એ અરવિંદ કેજરીવાલ વિરુદ્ધ ચાર્જશીટ પણ દાખલ કરી છે, જેની સામે કેજરીવાલે દિલ્હી હાઈકોર્ટનો સંપર્ક કર્યો હતો અને કહ્યું હતું કે ચાર્જશીટ પર સંજ્ઞાન લેવા પર રોક લગાવવી જોઈએ.
ED ચાર્જશીટમાં મનીષ સિસોદિયાનું નામ પણ છે
ED એ 21 માર્ચ, 2024ના રોજ દિલ્હીના તત્કાલીન મુખ્યમંત્રી અરવિંદ કેજરીવાલની ધરપકડ કરી હતી અને મે મહિનામાં તેમની, આમ આદમી પાર્ટી અને અન્ય લોકો સામે ચાર્જશીટ દાખલ કરી હતી. EDની ચાર્જશીટમાં કેજરીવાલની સાથે મનીષ સિસોદિયાનું પણ કૌભાંડના માસ્ટરમાઈન્ડ તરીકે નામ આપવામાં આવ્યું છે. તપાસ એજન્સીના જણાવ્યા અનુસાર, કેજરીવાલ અને સિસોદિયાએ દિલ્હી એક્સાઇઝ પોલિસી 2021-22માં ફેરફાર કર્યા હતા જેના માટે કથિત રીતે 100 કરોડ રૂપિયાની લાંચ આપવામાં આવી હતી.
દિલ્હી ચૂંટણી પહેલા કેજરીવાલની મુશ્કેલીઓ વધી
અરવિંદ કેજરીવાલને સુપ્રીમ કોર્ટમાંથી 10-10 લાખ રૂપિયાના બે જામીન પર જામીન મળ્યા હતા. કોર્ટે કેજરીવાલ પર અનેક પ્રતિબંધો લાદ્યા હતા. દિલ્હીમાં 5 ફેબ્રુઆરીએ વિધાનસભા ચૂંટણી યોજાવા જઈ રહી છે. ભાજપ અને કોંગ્રેસ આ મુદ્દા પર આમ આદમી પાર્ટી પર નિશાન સાધી રહ્યા છે. આવી સ્થિતિમાં કેસનો આદેશ મળવાથી AAP અને કેજરીવાલ બંનેની મુશ્કેલીઓ વધી શકે છે.
દિલ્હીમાં કોરોના પછી નવેમ્બર 2024માં નવી આબકારી નીતિ લાગુ કરવામાં આવી હતી. આ અંતર્ગત, એવું કહેવામાં આવ્યું હતું કે દિલ્હીમાં દારૂનો કોન્ટ્રાક્ટ ખાનગી કંપનીઓને આપવામાં આવશે. જૂલાઈ 2022માં જ્યારે દિલ્હી સરકારની નીતિનો સખત વિરોધ થયો ત્યારે એલજી વીકે સક્સેનાએ તપાસ CBIને સોંપી દીધી હતી.
Congress: દિલ્હીમાં કોંગ્રેસની ત્રીજી યાદી જાહેર,એક બેઠક પર બદલવામાં આવ્યો ઉમેદવાર
ટોપ સ્ટોરી
ટ્રેન્ડિંગ સમાચાર
