કૉંગ્રેસે આસામ વિધાનસભા ચૂંટણીને લઈ 22 ઉમેદવારોની ત્રીજી યાદી જાહેર કરી, જાણો કોને મળી ટિકિટ  

આસામ વિધાનસભા ચૂંટણી માટે મતદાન ગુરુવાર (9 એપ્રિલ, 2026) ના રોજ થશે. મત ગણતરી અને ચૂંટણી પરિણામોની જાહેરાત 4 મે, 2026 ના રોજ થશે.

કૉંગ્રેસે 22 ઉમેદવારોની ત્રીજી યાદી જાહેર કરી

Source : ABP Live

Show Quick Read

Key points generated by AI, verified by newsroom

• આસામ ચૂંટણી 2026: કૉંગ્રેસે 22 ઉમેદવારોની ત્રીજી યાદી જાહેર કરી.
• પાંચ રાજ્યોમાં ચૂંટણીની જાહેરાત સાથે આચારસંહિતા લાગુ.

આસામ વિધાનસભા ચૂંટણી  2026ને લઈ કૉંગ્રેસ પાર્ટીએ  22 ઉમેદવારોની ત્રીજી યાદી જાહેર કરી છે. પાર્ટીએ 3 માર્ચે પહેલી યાદી જાહેર કર્યા બાદ ચૂંટણીની તારીખો પહેલા શનિવારે ઉમેદવારોની બીજી યાદી જાહેર કરી. પ્રદેશ કોંગ્રેસ પ્રમુખ ગૌરવ ગોગોઈને જોરહાટ બેઠક માટે ઉમેદવાર બનાવવામાં આવ્યા છે.

કૉંગ્રેસની ત્રીજી યાદીમાં ઉમેદવારોના નામ નીચે મુજબ છે

કૉંગ્રેસની ત્રીજી યાદીમાં કોકરાઝાર વિધાનસભાથી માનિક ચંદ્ર બ્રહ્મ, બાયોખુંગરીથી સપાલી મારક,  પર્બત ઝોરાથી મોહમ્મદ અશર્ફુલ ઈસ્લામ શેખ, ધુબરીથી બેબી બેગમ, જલેશ્વરથી આફતાબ ઉદ્દીન, અભયપુરીથી પ્રદીપ સરકાર, સિડલી ચિરાંગથી મેત્તીલાલ નરઝરી, ચેંગાથી અબ્દુર રહીમ અહમદ, પાકાબેટબારીથી જાકિર હુસૈન સિકદર, બક્સાથી જગદીશ મધહી,  તમુલપુરથી રફી, ઉદલગુરીથી સોરે, લહરીઘાટથી આસિફ મોહમ્મદ નજરને ટિકિટ આપવામાં આવી છે.

The Central Election Committee of the party has selected the following persons as Congress candidates for the ensuing Assam Legislative Assembly elections👇 pic.twitter.com/wLlRBCRN0K

— Congress (@INCIndia) March 19, 2026

આસામમાં આચારસંહિતા લાગુ, આ દિવસે ચૂંટણી યોજાશે

કેન્દ્રીય ચૂંટણી કમિશનર (CEC) જ્ઞાનેશ કુમારે દિલ્હીના વિજ્ઞાન ભવનમાં એક પત્રકાર પરિષદ દરમિયાન જણાવ્યું હતું કે આસામ ચૂંટણી માટેનું જાહેરનામું સોમવારે (16 માર્ચ, 2026) બહાર પાડવામાં આવશે. ત્યારબાદ 23 માર્ચ, 2026 સુધી નામાંકન દાખલ કરવામાં આવશે. નામાંકનની ચકાસણી 24 માર્ચ, 2026 ના રોજ થશે. ચકાસણી પછી જો કોઈ ઉમેદવાર પોતાની ઉમેદવારી પાછી ખેંચવા માંગે છે તો તેઓ ગુરુવાર (26 માર્ચ, 2026) સુધી આમ કરી શકે છે.    

આસામ વિધાનસભા ચૂંટણી માટે મતદાન ગુરુવાર (9 એપ્રિલ, 2026) ના રોજ થશે. મત ગણતરી અને ચૂંટણી પરિણામોની જાહેરાત 4 મે, 2026 ના રોજ થશે. ચૂંટણીની તારીખોની જાહેરાત થઈ ત્યારથી પાર્ટી તેના ઉમેદવારોના નામ વ્યવસ્થિત રીતે જાહેર કરી રહી છે.      

ચૂંટણી પંચે દેશના 5 રાજ્યો અને કેન્દ્રશાસિત પ્રદેશો (આસામ, કેરળ, પુડુચેરી, તમિલનાડુ અને પશ્ચિમ બંગાળ) ની વિધાનસભા ચૂંટણીઓનો કાર્યક્રમ સત્તાવાર રીતે જાહેર કરી દીધો છે. 2026ની આસામ વિધાનસભા ચૂંટણી માટે મતગણતરી 4 મેના રોજ થશે.  કેરળ, તમિલનાડુ અને પુડુચેરીના ચૂંટણી પરિણામો પણ તે જ દિવસે જાહેર કરવામાં આવશે.  ચૂંટણીની તારીખોની જાહેરાત થતાંની સાથે જ આ તમામ રાજ્યોમાં આદર્શ આચારસંહિતા (Model Code of Conduct) લાગુ થઈ ગઈ છે.